انا نفس الحاله ابي اعرف..
كنت ادور على شقق فندقيه بس ليلحين اغلب اللي حصلتهم غاليين
بس نبي 3 غرف وصاله

حصلت فندق اسمه توريا بس ماادري لو زين ولا لا؟
ياريت حد يفيدني والفندق في منطقه تكسيم..
يطلع لنا حق غرفتين ولمده 7 ليالي 1050 يورو

هلا اخوتى
انا انصحك بتركيا
فنادقها ارخص والمصاريف فيها ارخص من لبنان
لو تبى اى استفسار ابعتيلى

ظاربه خط
اختي العزيزة في البداية اتمنى لكم رحلة سعيدة باذن الله وبالنسبة للاجابة على استفساركم فهي كالتالي :
سؤالي الأول ...أيهما أغلى سعرا لبنان أم تركيا ...طبعا عشان ما اتورط ؟ .
بالنسبة لي فان لبنان وتركيا متساويين في المصاريف في جميع الاحوال يعني سكن + فنادق + التسوق
الفارق بينهم في نظام التنقل بسبب ارتفاع المشتقات البترولية في تركيا وستجدين بان التنقل في تركيا وبالاخص التكسي اغلى من لبنان .
اما بالنسبة لنظام السكن اختي في جميع الفنادق في اسطنبول يوجد بها نظام السويت ( اجنحة ) وهي عبارة عن غرفتين + خدمات ( طبعا الفنادق المصنفة ) .
عملية اختياركم لمدينة اسطنبول طيل فترة الاقامة يقتصر عليكم في مشاهدة الاسواق + بعض من المتاحف وتاريخ الجوامع العثمانية . اكيد قرائتي بعض من المشاركات من الاعضاء وبما انك سوف تجلسين في اسطنبول فقط ارجو دخولك للرابطة التالية فهي مفيدة جدا وتوضح لكم جميع معالم اسطنبول والاسواق ومحيط اسطنبول من مدن قريبة .

ومرة اخرى اتمنى لكم رحلة سعيدة .

Sweetie .....انتوا متى انشالله مسافرين؟ والفندق هذا اللي لقيتوه بأي موقع انا اشوف سعره مناسب اذا غرفتين ماشي حاله ....
zaqwsx.....انا قررت نجلس بإسطنبول بس لاني قريت في المواضيع في القسم ان الحين شتاء وثلج وما ينصحون حد يقعد بمكان ثاني غير اسطنبول ...فعشان هالشي قررت اجلس بإسطنبول ...بالنسبة للفندق اخوي ياليت تخبرني او تعطيني موقع اقدر احجز فيه الفندق وياليت يكون سويت غرفتين وسامحوني ادري بتعبكم معاي

zaqwsx اخوي ياليت تقترح علي اسماء فنادق يكون سعرها معقول وقرييبه من تقسيم اعتقد هالمنطقة قالوا عنها الاعضاء انها افضل مكان للسكن لقربها من الاسواق ...
اختي سويتي مشكوره على اسم الفندق ما قصرتي بس ياليت لو حد جرب بخبرنا
انا بصراحه محتاجه سويت غرفتين بس لما اسوي بحث عالفنادق يعطوني سعر الغرفه

بالنسبه لنا لبنان ارخص لانه نعرف كل مكان فيها ورايحين لها قبل اكثر عن مره
وعندنا بيت عالجبل وسياره بس ماراح نقعد بالبيت..
بس ماراح نقدر نسافر اكثر من اسبوع وسالفه الصواريخ خلتنا نتردد

أختي العزيزة
أنا قبل أسبوع كنت مع عائلتي في تركيا وتحديداً بورصه والحمد لله ما واجهنا إلا كل خير والسفره كانت ممتعه جداً .
ولا تنسون (القفازات والطواقي والبيجامات الداخلية للأطفال ) وحاولوا لا تزحمون الشنط علشان تشترون على راحتكم هناك وما تفكرون بالوزن الزايد ومن رأيي لو تخلون أسطنبول يومين فقط وباقي الأيام في بورصه لأن ناسها طيبين وأماكن سياحيه كثيرة وأسواق أسعارها مناسبه ومطاعم أكلها لذيذ جدا من مشويات وسكندر .........................الخ.
وإذا فيه اي اسأله بالخدمة
مع تمنياتي برحلة موفقه إن شاء الله
انترناشونال

السلام عليكم ورحمة الله وبركاته
ياأختي سافري واللة معك وماراح تندمي بس الجو هذة الايام بارد جدا ولازم تثقلي الملابس للاطفال وبالنسبة للسكن خذي شقة في منطقة اسمها (ترابيا)والاجار تقريبا 50دولار والتنقل بالباص