نشر في الرياض

مساعده يا اهل الرياض لاخوكم جاي من الشرقيه للرياض وابي اعرف عن اماكن كم شغله عندكم

فيصـل

31-10-2022 - 02:28 am

السلام عليكم
اخواني انا عندي مناسبه حفل زفاف في قاعه الريان< (وين موقعها هذي؟)
وبنفس الوقت عندي اشخاص من العائله ساكنين بحي الخليج
وبصراحه ما اعرف وين اماكن هالاثنين .. احد يقدر يجيب لي احداثيه الريان بالنفقيشن جارمن او حي الخليج
الشغله الثانيه
وين افضل مكان .. اوتيل نظيف وقريب من هالمكانين .. تكفون ابي جواب .. الله يجزاكم الخير
اتمنى ما تخيبون ظني واحصل الجواب عندكم .. ومشكورين
تحيتي لكم
ودي

التعليقات (7)

بيل قيتس

31-10-2022 - 05:36 am

قاعة الريان - حي الريان
بين شارع عمرو بن سليم ومخرج 13 الدائري الشرقي
قبل وكالة الجميح للسيارات ( على طريق خريص )
المنطقه مافيها فنادق قريبه كلها شقق وبكثره
وبجانب القاعه شقق مفروشه يقولون زينه

مسافر المملكة

31-10-2022 - 06:37 am

نعم بجوار القاعه شقق ممتازة
اما حى الخليج فاتجه شرق حتى ياتيك مخرج سلمان الفارسى اطلع مع الخدمه
ثم تاتيك اشاره يسار اتجه معه الاشارة الاولى الثانية ياتيك حى الخليج يسارك ويمينك

شاي عاقد

31-10-2022 - 07:38 am

بجانب قاعة الريان للاحتفالات اجنحة خريص الفندقية حلوة ونظيفة علما اني ماجربتها وبالجهة المقابلة سويتس بعد حلوة وفيه شقق جديدة حلوة ورخيصة بشارع شرحبيل بن حسنه امام الرسام للنقليات ماادري ايش اسمها

مسافر المملكة

31-10-2022 - 08:39 am

الا بشارع شرحبيل اسمها الرفيعه وهى جديدة لم يمضى على افتتاحها شهر بعد
ايضا بجوار مستشفى الحبيب شقق ممتازة اسمها .... ساس اعتقد

فيصـل

31-10-2022 - 09:40 am

الله يجزاكم الخير يا احلى اعضاء
بس ما خبرتوني الشقق هذي قريبه من حي الخليج ؟!
وياليت لو ترشحون لي واحد باسمه لجل انسق موضوع الحجز من هنا
وهل هالشقق نظام فنادق ومثل شقق بودل ولا بودل افضل ؟
وكم تقريبا اسعارها والله يجزاكم الجنه يا غالين
احد يقدر يجيب لي احداثيه قاعه الريان و حي الخليج
مشكورين ويعطيكم العافيه وما قصرتو

فيصـل

31-10-2022 - 10:41 am

شارع شرحبيل وين يطلع قرريب منهم وهالشارع هو اللي فيه الشقق اللي تتكلمون عنها
ولا غير وفي شقق قبال وخلف القاعه ..
هل السكن بقرب القاعه افضل او قرب حي الخليج ؟؟؟؟؟؟؟؟؟؟؟؟؟؟؟؟؟؟
معليش تعبتكم معاي بس مالي غير الله ثم لكم
الله يجزاكم الف خير

بيسبان

31-10-2022 - 11:42 am

أخي الفاضل .. إذا كنت قادم من الشرقية
فحي الخليج يكون في بداية طريق خريص ..والقاعة بنفس طريق خريص لكن بعد ماتعدي مخرج حي الخليج
يعني إذا وصلت لرياض أول مخرج بطريق خريص يكون مخرج سلمان الفارسي أمتداد هالطريق يكون حي الخليج
إما إذا أردت القاعة على نفس طريق خريص وبجوار القاعة هناك أجنحة خريص الفندقية ..

الرياض المسافرون العرب

مساعده يا اهل الرياض لاخوكم جاي من الشرقيه للرياض وابي اعرف عن اماكن كم شغله عندكم