السلام عليكم
ولله الحمد تم استلام فيز الشنقن ولي موضوع خاص بتجربتي في قسم التآشيرات
قررت عائلتي الكريمه السفر الى سويسرا وبعد مناوشات والحاح مني تم اضافه فرنسا خصوصا باريس
ومن منا لايعشق باريس انا اعشقها وانا ولا مره رحت لها
المهم بعد هالالحاح والاصرار حطوا جدول باريس في راسي ويتوعدون فيني اذا ما انبسطوا في باريس انهم ماعاد ياخذون رايي ابد
حنا 3 بنات حقين شووبينق وبقوه عشان كذا طلبت باريس
برضوا نفسنا في ديزني لاند وايفل
المهم انا احترت في كم مكان ولا عرفت ارتبهم لاني ماعرف ااماكنهم ولا اعرف قراب من بعض او لا
بنكون هناك لمدة 3 ايام طلبت اكثر بس قالوا لا((طرار ويتشرط)) بس يله اهم شي ريحته ولا عدمه
https://www.booking.com/hotel/fr/de-la-paix-paris1.ar.html?aid=1300939•
هذا اسم الفندق
اتوقع بنكون هناك من 21 اوغست الين 24
وهذي الاماكن اللي نبيها
- ديزني لاند
- الاوت لت القريب من ديزني
- برج ايفل
- قوس النصر
- شارع الشانز
- غاليري لافييت
- متحف الشمع
علما ديزني لاند بس نبغى البارك
يعني هل ممكن نروح للآوت لت اول وبعدها نطلع لديزني يعني هم يفتحون 10 ويسكرون حول 8
واذا فيه مجال لاقتراحاتكم ماعندنا اي مشكله
اليوم الاول
اليوم الثاني
اليوم الثالث
قريت الين فر مخي لقيت اماكن حلوه وكثير بس ماعرفت ارتبهم ولا ودي اتفشل قدام اهلي
مع العلم ان حنا بعدها بنطلع على ديفون في الحدود
وعندي كم استفسار بعد
وين ممكن الاقي اماكن تبيع تذكارات بسعر كويس
تذاكر ديزني نفس السعر بمحل الشانز وديزني نفسه ولا فيه فرق؟؟
هل اقدر اصرف فلوسي للدولار واتعامل فيه هناك ولا لازم عملتهم؟؟
برج ايفل زحمه ولا اقدر اطلعه بسهوله؟؟
وان شاءالله عقبال ما ارجع لكم بتقريري عن باريس
