ABU WAFI
30-11-2022 - 11:08 am
بسم الله الرحمن الرحيم
اسعد الله صباحكم / مسائكم بكل خير
يا اخوان انا احب التصوير وبالصدفه دخلت هالمنتدى وشفت وقريت مواضيع رائعة لبعض الاخوان امثال الاخ الفاضل عاشق الروضة واسلوبه الرائع في الشرح وتوصيل المعلومه بسلاسه رهيبه ماشاء الله عليه وايضا شروحات الاخ ابو خليفة وبعض الاخوان لاتهونون
فحبيت اخوض غمار التجربه بكاميرا احترافية وخاصة انني في قمة الحماس واعرف نفسي جيدا لو ما استعديت بقوة فسيصيبني الكسل والعكس صحيح لذلك اتمنى منكم مساعدتي في اختيار الكاميرا المناسبة
حيث انني بعد القراءة والاطلاع رسمت في مخيلتي التالي
CANON EOS 7D
http://cam4sell.com/261,ar_canon-ef-s-18-135mm-is.html
TRIPOD
MEMORY
BATTERY
BAG
وبعض ادوات التنظيف وفلاتر
طبعا ميزانيتي اوكي تقريبا من 7 اللى 10 الاف كحد اقصى
اتمنى تنصحوني وتساعدوني في الاختيار
كل واحد بذمه وامانه ويتخيل نفسه مكاني
ولايهونون الاخوان جميعا ياليت اخوي عاشق الروضة يكون له راي في الموضوع
تحياتي للجميع
عليكم السلام ورحمة الله وبركاته وكل عام وانت بخير
كونك مبتدأ ويعتمد اذا كنت تعرف بعض امور التصوير أو أنك تجهلها .
عن نفسي كنت صفر بالكاميرات الديجيتال ولا أعرف شئ بازرار الكام وكنت اصور عشوائي بكاميرة عادية جدا
دخلت دورة بسيطة جدا تعلمت فيها بعض الامور المهمه للتصوير ومنها ازرار الكام . للامانة ما تحتاج دورة كل شئ موجود عندك بالمنتدى
أما اختيارك للكام
من واقع تجربة
اختيار ممتاز جدا للكام 7 دي وبو خليفة يفيدك فيها أكثر لانه يملكها
أما بخصوص العدسة ما انصحك فيها الا اذا كنت ما تفكر بعدسة ثانية . اما اذا ناوي تشتري عدسات اختار عدسة على حسب نوعية التصوير اللي تناسبك
أما الامور الثانية والملحقات لاحق عليها ولكن مهم جدا انك تختار ترايبورد ثقيل شوي ونوعية جيدة عشان لا تشتري واحد ثاني فاختار النوعية الجيدة من البداية
أتمنى لك التوفيق والشباب ما راح يقصرون معاك ان شاء الله