ام يوسف 13
27-11-2022 - 06:06 pm
السلام عليكم
اولا شكرا خاص لكل من كتب تقارير ومواضيع تفيد الزوار..متابعين من بعيد لكن استفدت كثير من المواضيع الي يكتبوها الاخوان عن اليابان جزاكم الله الف خير ..والحمدلله اتيسرت سفره قريبه اروح لطوكيو لفتره قصيره
سوالي عن اهم الاماكن الي ما تتفوت ..قريت كثير لكن اتشتت
اخيرا وصلت بكم مكان هي : اكهيبارا , روبنجي , توكيو دوم , ديزني لاند
وياليت احد يفيدني اذا في اماكن ما تتفوت ,, واماكن مشهوره بالطبيعه او حدائق
وعندي كم استفسار : في مكان ما اعرف اسمه لكن دايما اشوفه بالمسلسلات اليابانيه : متحف بحري للاسماك ..حوض كبير وتتفرج بالحيتان والاسماك من قرب وفيه نفق تمشي من تحته وفوقك الماء والسمك ..الي يعرفه ياليت يقولي فين مكانه في طوكيو ؟
هل ديزني لاند غير عن ديزني سي ؟
اسم افضل فندق وسعره يكون مناسب وقريب للمحطات
كيف اعرف الطرق الي توجهني للاماكن ..يعني عشان ما احوس في المحطات واخذ لاين غلط ..كيف نظام التنقل عندهم ؟؟
ويعطيكم العافيه ...........
وعليكم السلام ورحمة الله وبركاته أختي أم يوسف
أنا راح أجاوب عن بعض الاسئلة وان شاء الله الاخوان راح يفيدونج في الباقي
بس قبل لا أبدأ .. بيكون أحسن لو كتبتي الموضوع في صفحة الاستفسارات
المهم بالنسبة لطوكيو ... اذا كنتي من محبين التسوق ... شيبوبا + هاروجوكو + شينجوكو + جينزا ( لو الميزانية عاليه
)
أكيهابارا = الكترونيات
بس حلو التسوق هناك
في حدائق عامة كبيرة في طوكيو مثلا في شينجوكو واونو
وسيلة التنقلات = شبكة قطارات عملاقة رائعة ساحرة سهله توصلك لأي مكان
هذا باختصار .. لاتحاتين هم التنقلات دام القطارات موجودة وهي سهله ! وااعتقد في مواضيع بعض الاخوان تكلموا عن طريقة الاستخدام بالتفصيل . تقدرين تبحثين في المنتدى
بالنسبة لديزني لاند وديزني سي .. حديقتين مختلفتين .. ديزني سي = الحديقة المائية ... ومواضيع الاخوان بعد ماتقصر غنية بالمعلومات عن الحدائق
الفنادق صعب اختيار الافضل لأن الفنادق بشكل عام في اليابان رائعة
ان شاء الله أكون قدرت أجاوب على بعض الاسئلة ...
تحياتي