الجدول ملخبط بشده
يوم الخميس 9\1 يناير
التاريخ مو واضح اختي وضحيه اكثر اذا تكرمتي اهو يوم 9 يناير ؟

اذا تسمعين بنصيحتي اول يوم راحة في جاكرتاوبعدها حجز وطيران الى بالي افضل لك من تنقلاتك ولخبطة جدولك في البنشاك
حتى سفاري ماهي مذكورة بالجدول وهي من اهم الاماكن في البنشاك
حتى البحث عن فيلا اذا عددكم 2 فندق سيروني افضل لكم من الفلل
حاولي وضع التاريخ بشكل صحيح وكم عدد المسافرين وكم يوم بالتحديد

jaka
نعم 9 يناير .. !!

رومنسي
التاريخ 9 يناير ,, 11 يوم الفعليه.. عددنا 2 انا وزوجي
لا بالي مابغاها بجدولنا بس جاكرتا ... بونشاك .. باندوق
ياليت تساعدوني بالجدول اذا تشوفوا انه ملخبط

الجدول بنرتبه لك بس اولا دققي بالتاريخ يوم 9 يناير يوافق الاربعاء اختي وهذا ما كتبتيه >> * الوصول يوم الخميس 9\1 يناير .. لراحه بجاكرتا
عطينا تاريخ الاقلاع اذا تكرمتي بالظبط وتاريخ العوده بالميلادي عشان نعرف وقت الوصول الفعلي والايام الفعليه للرحله بعد طرح ايام السفر والذهاب والعوده لترتيب الجدول لان يوم الاقلاع مايكون يوم الوصول بل اليوم التالي له الرحلات غالبا تقلع مساء برحله 9 ساعات واكثر يعني ما توصل الا ثاني يوم هناك لان توقيتهم سابقنا باربع ساعات

jaka
الاقلاع 9 يناير الساعه 21:45
والعوده 22 يناير الساعه 13

1. الترتيب الامثل يكون كالاتي :


2. 1_ البحث عن فيلا


3. 2_ بحيرة الالوان 3_ مسجد التعاون 4_ البراشوت


4. منطقه سكن للبحث ثانيه ابعد من هنا في الطريق لشيباناس باتجاه الشرق


5. هذا رابطه من اقودا لاتحجزين فيه بس شاهديه علطبيعه قد ما يناسبك


6. خليه خيار للبحث عن سكن


7. 1_ كوتا بونقا 2_ حديقة الزهور


8. اقلبي الترتيب خلي اول يوم كوتا بونقا وحديقه الزهور وثاني يوم شيبوداس


9. شلال واحد فقط لاتطلعون للبقيه

صاحبة الذوق
حلو اذن الوصول بيكون يوم10 يناير هناك الظهر تنتهون من المطار باذن الله
يعني 12 يوم بما فيها يوم الوصول لجاكرتا وهو يوم مافيه برنامج لانه راحه بس تنحسب مصاريف السكن والتكسي فيه والعشاء والخ من نثريات بسيطه
يوم العوده خارج البرنامج لانكم بتطلعون للمطار بدري باذن الله

• المناطق المختاره جاكرتا بونشاك باندونق

الترتيب الامثل يكون كالاتي :

يوم الخميس راحه بجاكرتا الجمعه ذهاب لبونشاك زي ما وضعتي ببرنامجك انتي من بدايته
ركزي الطلوع يكون بدري لبونشاك لان يوم الجمعه نص دوام باغلب الشركات وان تاخرتوا بالطلوع للجبل بيكون الطريق اكثر زحاما عن بقيه ايام ا وسط الاسبوع + السكن بيكون فيه طلب اكثر بهذا اليوم لان يوم السبت والاحد ويك اند
فالطلوع يكون بدري للبونشاك
نجي لترتيب الجدول والمناطق
الجمعه الذهاب لبونشاك ...

1_ البحث عن فيلا

2_ بحيرة الالوان 3_ مسجد التعاون 4_ البراشوت

خيارات مناسبه وقريبه من بعض اول شي السكن تبحثون عنه واحيانا قد يكون متعب البحث عن سكن عموما مادمتي اخترتي السكن بفيلا فخير مااخترتي لانها اريح ان وجدتم فيلا مناسبه صغيره وبسعر جيد وفيها مساحه جيده من حوش وحديقه * وان كان افضل خيار سكني لرجل وزوجته باول يوم هو الفندق كمثل سيروني 3 او 2 لان المنطقه بليل مظلمه لو سكنتم بفيلا اول ليله قد يدخلكم بعض الخوف والمنطقه امنه باذن الله ما فيها خوف لكن من باب التنبيه لهذا الشعور اللي قد يصادف البعض في منطقه اول مره يزورها لاتوجد بها اناره مسائيه للشوارع الا ما ندر
حطي هلخيارات ببالك في حال تعبتم من بحث عن سكن باول يوم سيروني 3 وسيروني 2 وقراند هيل هوتيل هذي مو بعيده عن بعض فاندق وقريب منها فلل منتشره بكل المنطقه حاولي قدر الممكن ما تسكنون بالمنطقه اللي قدام البقاله السعوديه بقاله تجيكم عليسار وانتم بالجبل شهيره وجنبها مكتب اسمه بافقيه المنطقه اللي امامها بالظبط مدخل لمنتجع جياكرتا وفلل قولف وبريتا حاولوا عدم السكن هنا قدر الممكن وايضا اذا تعديتي البقاله يوجد مدخل يسار يطلع لعده منتجعات منها شيكروا حاولوا ايضا عدم السكن هنا بالاخص في المناطق القريبه من الشارع لانها مناطق شبابيه وممكن يزعجونكم بالاغاني وخلافه
بعد ما تتعدين هلمدخلين اللي بعد البقاله واللي قدامها مباشره تجي عدة مداخل يمين ويسار فيها فلل اقل ازعاج ومختلفه الاشكال والاحجام

منطقه سكن للبحث ثانيه ابعد من هنا في الطريق لشيباناس باتجاه الشرق

بونشاك باس منتجع فيه فلل مو شينه الافضل ترينها بعينك وبنشاك ريسورت فلل صغيره وغرف فندقيه وكوتا بونقا بعدهم بكثير هذي منطقه سكنيه كامله فلل ونشاطات بسيطه خليها اخر الخيارات لان فللها كثيره ومتوفره والمنطقه هادئه جدا ليلا وامنه باذن الله وفي داخل المنتجع كوتا بونقا يوجد فندق صغير اقرب لكونه موتيل فيه شقق مفروشه وسويتات اسمه كلوب بالي

هذا رابطه من اقودا لاتحجزين فيه بس شاهديه علطبيعه قد ما يناسبك

خليه خيار للبحث عن سكن

http://www.agoda.com/asia/indonesia/puncak/club_bali_suites_kota_bunga.html?asq=bs17wTmKLORqTfZUfjFABmEX8ajM1Z5JzlDDb1NWQKAM5yg%2bY%2boYq6q4Y1k2rehquG7uBjxWPxCyX%2fvX%2fRw4HnFZqkjyWJlH0s8QlzQf3CQW7VxyS84xtASCUsUcwRLtNDYTur6h3k58vqs8UZWeGuiauS27GcIgqEpO7Y36lYw%3d
ايضا مو بعيد عن المنطقه فندق ياسمين كخيار اخر للبحث عن سكن

• اكثرت الكلام عن البحث عن سكن لان التوفيق في هالامر متغير بامر الله احيانا تجد اول فيلا تناسبك وتسكن فيها واحيانا تفرفر لين تطيح رجلك ولا لقيت شي يناسبك

السبت ..
1_ منطقه شيبوداس 2_ مصنع ومزارع الشاهي
الاحد ...

1_ كوتا بونقا 2_ حديقة الزهور

اقلبي الترتيب خلي اول يوم كوتا بونقا وحديقه الزهور وثاني يوم شيبوداس

ولو كنتم من النشيطين تصحون بدري ومليتوا من حديقه الزهور وكوتا ببحيره فينيسيا فيها او مدينه العاب مصغره تنفع للاطفال بوسط المنتجع فانتاسي ارينا وشفتوا فيه وقت غداكم وشيبوداس وخلوا ثاني يوم لخيار اخر يكون بهل منطقه لاتقربين وسط بونشاك اللي قريب من الوصف السابق للبقاله السعوديه بهل يومين الطريق بيكون مزحوم ومقرف عصرا ومابعده

• يعني ممكن تخلين اليوم الثاني للبراشوت ومصنع الشاهي اولا لانه يقفل مبكرا ومسجد تعاون وبحيره الوان اذا تاخرتي بالبحث عن سكن اول يوم ولا كان معك لزيارتها باول يوم

الاثنين ..
1_ غابات شليميز 2_ الشلالات السبعه 3_ حديقة متهاري 4_ بحيرة الليدو
شليمبر هي الشلالات السبعه

شلال واحد فقط لاتطلعون للبقيه

حديقه ماتاهاري سوق مو كبير اكشاش بسيطه وينفع للاطفال اكثر اذا حابين تزورونها
بحيره الليدو مشوار مهب صاحي بدون طائل عندك مطاعم اسماك بحريه ارخص وانظف بوسط الجبل البحيره نفسها تسوي العنوه بس اذا بعني لبحيره اتجه لبحيره شي انجور اكبر منها والمسافه ابعد شوي من ليدو للي بيسكن وسط بونشاك
عموما البحيرات هنا مجرد بحيرات اعتياديه شي انجور افضل من ليدو كحجم ومناظر والمطاعم فيها شعبيه جدا جدا واسعارها فلكيه مقارنه بسعر الوجبات الحقيقي ولاننسي سعر البوت والقارب

• انصح بان يكون يوم الاثنين لحديقه سفاري اندونيسيا او حديقه الحيوان هذا تحتاج يوم كامل خليه بهذا اليوم افضل

يعني تروحون حديقه سفاري اولا برنامجها يبدا من 10 صباحا تقريبا تدخلون لحديقه الحيوان بالسياره ثم تروحون لوسط الحديقه يوجد نشاطات وعروض كثيره موجوده بالبراوشر اللي بيعطونك اياه عند قص تاذكر الدخول يوجد ترتيب للعروض ومناطقها ووقتها رتبوا برنامجكم تشوفون اغلب العروض واشهرها الكابوي وهو الاهم ثم الودلفين والفيله والنمور والدبابات + الحديقه المغلقه للطيور ممكن تتصورون مع طيور في شبك مغلق في بيئه طيور حقيقيه
بعد الكاوبوي وهو اخر عرض ويقع في قمه الحديقه يوجد شلال اسمه جاكسا تمرونه لو حابين ومنه تطلعون من الحديقه لو شفتوا فيكم نشاط تقمزورن لشلال شليمبر
بكذا يكون البرنامج مظغوط اكثر وحسب تعبكم بهذا اليوم

• ماسبق جدول مظغوط والافضل اضافه يوم اخر لبونشاك مثلا للراحه او زياره منطقه مازرتوها مثلا لو يوم الاثنين رحتوا سفاري تخلون الثلاثاء لشلمبر وماتاهاري

هذ الرد خاص بجزء بونشاك
خصصته لوحده لاني اقترح زياده يوم فيها ثم انتقل لباندونق في الرد القادم

مشكور اخوي ماقصصرت .. وراح امشي ع الجدول بالتمام ...:
وانتظر الجزء ال 2 ..~

1. وفيه منطقه شيويدي جنوب المدينه الخيارات فيها اقل

باندونق وهنا لي نصح اكرره بزياده يوم ببونشاك والطلوع لباندونق يوم الاربعاء بدل الثلاثاء
انتي وضعتي اولا برنامج بيوم الذهاب لباندونق وهذا متعب الطريق 90 كيلو تقريبا او كثر بقليل لكنه ياخذ حدود 3 ساعات يعني وصولكم لو طلعتوا بدري بيكون ظهرا ومع تعب جهد وتنقل يلله تزورون اماكن بسيطه بوسط المدينه لو حبيتم افضل من خارجها
والتشتيت في التنقل متعب انتي باندونيسيا اختي الذهاب لقاروت مثلا يحتاج يوم يوم التنقل لاتعتبرينه من ضمن الايام زي ما اجبتك لان الذهاب وحده لمنطقه ابعد ياخذ وقت وبحث عن سكن فما بالك بوضع برنامج داخل يوم الذهاب لمنطقه اخري + عدم الخلط بين المناطق الرفيه ووسط المدينه
كمثال لاحصر
1_ بحيرة سيتوتبنقا 2_ مطعم كامبونق دون 3_ شارع الجنز
مثل هذا التريب = موت حمر زي مايقولون
ان فهمت قصدك تقصدين بحيرة سيتو باتنقان وهي تقع جنوب المدينه باندونق وليست ملاصقه لها بل تحتاج مشوار الي جبل باتوها عبر ضاحيه شيويدي جنوب باندونق
ومطعم كامبونق داون يقع شمال المدينه في الطريق لضاحيه لمبانق
وشارع الجنز بوسط المدينه
ما راح تقدرين تطبقيه هلبرنامج ابدا وان صحيتي بدري وطبقتيه بيكون متعب اختي
يحتاج تروحين البحيره اولا لانها الابعد وترجعون تتعشون بالمطعم تشقون باندونق شق ثم لشمالها للمطعم ثم ترجعون لوسطها للوصول لشارع الجنز
فركزي معي اذا تكرمتي
باندونق المدينه والارياف
المدينه نفسها هذي تسوق ومولات ومطاعم وباطرافها بالاخص شمالها وقريب من مطقه داقو يوجد كافيهات راقيه
ومنطقه لمبانق الاشهر شمالها هذي ضاحيه ريفيه بركانيه اهم مافيها هي المياه الحاره والبركان اللي ما وضعتيهم ببرنامجك

وفيه منطقه شيويدي جنوب المدينه الخيارات فيها اقل

اذا تحبين تسوق وتمشيه بمولات حليله متوسطه واسواق شعبيه وشراء هدايا بسيطه خلي يومين لمدينه باندونق نفسها الخيارا للتسوق والتمشيه في الاسواق فيها متعدده شارع الجنز وشيمبلاس ووالك وباريس فان جافا وسوبر مول باندونق الخ وغيرها ايضا
مثلا يوم تقررين التمشيه الخفيفه بشمبلاس ووالك فيه كافيهات ومطاعم جيده فاست فود ومو بعيد عنه شارع الجينز وتخلين باريس فان جافا مثلا للعشاء ليلا المغرب مثلا تطلعون له تتمشون فيه تقصون تذكره سينما باطراف السوق وتتفرجون علي فيلم مناسب ان حبيتم
او توزعينها بشكل متساوي ليومين او اكثر الصباح مثلا يكون خروج للمبانق للبركان ثم زياره منتجع ساري اتير للمياه الحاره وترجعون تذهبون لسوق شيمبلاس ووالك مثلا للعشاء بيتزا او فاست فود
يوم ثاني الذهاب لشلال ماربيا بطريق لمبانق والعشاء بكامبونق داون ثم للتمشيه والعشاء بباريس فان جافا وسينما او الذهاب لسوبر مول باندونق اللي فيه ترانس ستوديوم

• ركزي ان الاسواق تقفل بشكل مبكر عننا هنا يعني من 8/10 حسب الاسواق واتلافها مو سوي للمولات والشعبيه تختلف ايضا

يعني يا ذهاب لمنطقه ريفيه نهارا ثم عوده لوسط المدينه للعشاء وهو الاكثر جهدا
او ايام الضواحي تكون مستقله عن ايام المدينه وهذا الاجدي للترتيب والزحام بالطرق والراحه في التنقل
يعني يوم التمشيه للبركان بالطريق تمرون شلال ماربيا بالذهاب ومنه للبركان ثم لمنتجع شاري اتير وترجعون بالطريق للعشاء في كامبونق داون
يوم ثاني لمنطقه ابعد او مختلفه كالكهوف او حدائق الفراوله >> وهذي لابد تكون بيوم رايق احيانا تمرين بحديقه الفراوله تكون توها مقطوفه فتقولين مافيها شي يسوي والكهوف ايضا فيها شويه مشي وقد ماتناسب الجميع
باقي الايام لقاروت لا انصح بزيارتها كما اسلفت البرنامج مشتت ولو دققنا فيه بيكون خيارات قليله مقابل انكم مازرتم جاكرتا العاصمه ومناطق الترفيه فيها فالاجدي تكون ضمن اخر الايام لرحلتكم
مع ملاحظه ان اخر الايام بتكون سبت واحد لو قررتي تضيفين جاكرتا لها وتلغين قاروت وماحولها فيوم السبت والاحد تكون الفعاليات اكثر زحاما عن بقيه الايام بمناطق الترفيه كانشول وتمان ميني
ويوجد حل بترتيب اخر لكامل الايام الرحله بتقديم وتاخير بعض المناطق
رحله موفقه راح اعود بعد ان اري ردك علي ما سبق