الله يعطيكم العافيه ممكن تساعدوني
زوجي عنده امتحانات ولا يقدر يبحث
فوصاني ابحث عن معلومات وموقادره احصل شي
مزنوقه في الوقت
سفرنا يوم الجمعه ، انا وزوجي حجزنا هوتيل في بوستن ،، وراح يكون معنا سياره أجار
فكيف نوقف السياره؟ لأن سمعنا ان المواقف غاليه
وش الاماكن الي تنصحون في بوستن، اذا فيه تقرير خاص في بوستن حطولي اللينك حقه
وبالنسبه لشيكاقو وش تنصحون فيها؟
الله يعافيكم ويوفقكم يارب

اهم شارع في شيكاغو هو المتشقن افنيو شارع مليئ بالاسواق والمحلات والمطاعم وفيه حركه كثيره ورائع بصراحه
وفيه فندق على نفس الشارع اسمه ويستن سكنت فيه فندق حلو ونظيف
الداون تاون حقها اللي هو المركز الاقتصادي يسمي ال Loop و هو يعتبر المنطقة السياحيه فيها بحكم موقعه على بحيرة مشيقان.حيث فيها اشهر شارع تجاري و هو Michigan Avenue
ايضا عندك بحيرة متشقن ونيفي بيير اللي على البحيره رائع جدا للتمشيه
Millennium Park
تعتبر من المعالم الرئيسية في شيكاقو والتي لابد من زيارتها ... منطقة مفتوحة يوجد فيها مسرح كبير ودائما يقام احتفالات او مهرجانات
ايضا توجد فيها اطول عماره في امريكا وثالث اطول عماره في العالمSears Tower
ممكن تروح لها وتطلع فيها وتتكون
0ادوار في الدور الاخير متحف ومكان تزوره وتتطلع على شيكاغو من فوق اذكر قيمة التذكره تقريبا 12 دولار مدري اعتقد
الجو في الصيف حلو درجة الحراره 25 تقريبا وفي الشتاء بارد جدا يعني ثلووج
المدينة مربوطه بشبكه من القطارات السريعة و الباصات
توصلون بالسلامهواتمنى احد يفيدكفي بوسطن مازرتها من قبل

بخصوص بوسطن عندك الجاليريا مول و البرودينشال مول اطول مبنى في بوسطن وعندك متحف الاختراعات وهايد بارك و منطقه كامبردج حلوه وين حي الجامعات نهايه بوسن في منطقه اسمها ساوث شور بلازا فيها مول حلوه كبير المنطقه اسمها برنتلي وعندك ادم سكوير حلوه بالويكند مهرجانات وحشره تكون
وعندك الحي الايطالي اسمه ساوث شور
ومقابل ادمز سكوير ع البحر في رحلات للقرش تظهرين باليخت وتشوفين الاسماك رحله لمده 3 ساعات
واسمحي لي ع القصور

افضل شارع في بوسطن هو
newbury street
باالنسبة للمواقف لازم تدفعوون تقريبا ربع ساعة ربع دولاار إذا حصلتو موقف
انصح بالتنقل بواسطة الاندرقراوند سهل الاستخدام
باالنسبة للاماكن السياحية الرابط راح يساعدك
http://blog.ratestogo.com/10-things-to-do-in-boston/

الاماكن كثيره في بوسطن حلوه بس للاسف ماتذكر بس الاخ عشق بدوي شغل ذاكرتي كامبردج ومجمع برودنيشل بس اقولج علي شي انا استفدة منه واايد اهناك طبعا محتاجين جهاز ماجلان في جهاز اسمه توم توم نفس الماجلان بس فيه ميزه حلوه تكتبين اي مكان يخطر في بالج يطلعلج العنوان وتذكر في منطقه كله شاليهات ومطاعم علي البحر اطل علي بوسطن من بعيد منضر بوسطن في اليل واضواء بوسطن رهيب ماذكر الاسم بس قريبه من منطقة قوينسي بس لمه تشرين الجهاز هو يكفيج عناء السؤال ولا ولمه حببيتو ترجعون رجعوو الجهاز واخذو فلوسكم مالكم شغل بتوفيق لزوجك وسفره سعيده

كيف واحد باقي على سفره يومين - طبعا يوم كان باقي - وما رتب شيء !!!

للاسف ماشفت سؤالك الى الحين
نضيف على الاخوه
فيه ملاهي سيلم
مااعرف شو تبون ملاهي او مطاعم
وش كثر مولاتهم
اعتقد فيه مول بارلكتن مول يمكن اسمه كذا نسيته
بعض المولات رسوم الباركنج رخيص
فيه مول في فندق ماريوت حليو وفيه سينما
في حديقة بارك استريت انا متعوده اروح لها بالترين
افضل شي التنقل بالترين
بدل ماتاخذين ففي المشوار 10 دقايق بالسياره تاخذينه 25 دقيقه يصكك راسك من كثر مايرجك هالترين
بالتوفيق