وعليكم السلام ورحمة الله وبركاته
هلا وغلا الغالي
وحياك الله بين اخوانك وخواتك وان شاءالله اتفيد وتستفيد
الوزن المسموح الرسمي هو 20 كيلو ولكنهم يتغاضون لين حوالي 30 كيلو ..
فحاول اترتب امورك على 25 افضل ..
والشور لك الغالي

سياسة طيران الاتحاد لكل دولة وزن معين
مثلا من ابوظبي الى الاسكندرية 20 كيلو
ومن ابوظبي الى القاهرة 50 كيلو
ومن ابوظبي الى اوروبا 30 كيلو
قيمة الكيلو الزايد 75 درهم اماراتي وبالنسبة للتقاضي على حسب الموظف
رحلة سعيدة

شركات الطيران الخليجيه اغلبهم يمشون لك الوزن الزايد من غير غرامه
بس الاحتياط واجب

امس واحد من ربعي جاي على الاتحاد الى الاسكندرية ودفعوة 1000 درهم وزن زيادة كان يفتكر 30 كيلو وظهر الوزن المسموح الى اسكندرية 20 كيلو

جربنا القطريه يمكن 4 مرات
ما يطوفون و لا كيلو واحد .. الا مره وحده و كانت لان نعرف شخص بالقطريه هناك موظف و حتي ما وزن اغراضنا
لكن بالوضوع العادي و خاصه من مطارات اوربا اذا بيطوفون يطوفون كيلوين ثلاثه مو اكثر ..
ما جربت الاتحاد لكن نعرف جماعه كانو مسافرين معانا و دفعوهم الاتحاد علي كل كيلو زايد ايضا ..
يعني حل بالك و حط بحسابك اذا عندك وزن زايد وايد يفضل انك تشحن لان سعر الكيلو في طيران الاتحاد و القطريه و الاماراتيه كبير جدا و ما يسوا ..

يالغالي انا البارح في مطار الرياض وكان ابن خالي بيطلع على الاتحاد الى بريطانيا مانيشستر
وكان حد الشحن 23 كيلو للتذكره يعني ماتشحن الا شنطه وحده فقط ولا تزيد عن 23 كيلوو
وكل كيلو راح ياخذون اتوقع 76 ريال مو متأكد من سعر الكيلو لكن كاني سمعت كذا
ولاحظظت الكثير من المسافرين يتشمتون عليهم ويصجون ويلجون
الحمدالله ان كانت شنطت ابن خالي 22 كيلوو
وسفران سعيدا

طيران الامارتيه 30 كيلو شحن ولالا

الطيران الاماراتي طلعت عليها قبل اسبوعين لسيرلانكا
انا وزوجتي وبنتي عمرها سنه ونصف ( ب76 كيلو) ولا قالو شي