ون اند اونلي ريثي راه
وراح تدعيلي
او
فور سيزونز لاندا غيرافارا
او
جميرا ديفانافاوشي
والاخير مجرب بس عيبة البعد

تسلم يالغالي على ردك السريع انا ابي مكان جميل ما اندم عليه والا يهمني السعر اذا ون اند اونلي اجمل حجزت فيه من الحين وضبطت اموري لان والله انا دخلت بوكنق وشف التقيم وبحثت كثير بس ماوصلت حق نتيجه لان انا ابي ادفع على شي يستاهل وفعلن يكون غير ويكون اجمل فندق في مالديف بشهادة الكل

توكل على الله واحجز في ون اند اونلي
وهذي صفحة الفندق ومع تصوير وصور النزلاء
http://www.tripadvisor.com/Hotel_Review-g298332-d563828-Reviews-One_Only_Reethi_Rah_Maldives-North_Male_Atoll.html
انا جربت ون اند اونلي ذا بالم دبي وصراحة انبهرت من الجمال والهدوء والفخامة
والخدمة الممتازة والحرص على الاهتمام بالنزيل
طبعا الفندق ادارة هندية
ومن الفنادق المعروفة عالميا وادارتها هندية اوبروي
ولي تجربة ممتازة ولا تنسى مع فندق اوبروي موريشوس
ومصنف رقم 1 بتصويت السياح كافضل منتجع بموريشوس في نفس الموقع
وانا متاكد ان ون اند اونلي راح يكون بنفس مستواهم ولكن في مكان اخر وجمال مختلف

وعليكم السلام
شوف انا انصحك انك تتعب شوي وتاخد لفة على مواقع الحجوزات مثل (بوكنج) وتلقي نظرة على فنادق المالديف وتشوف الصور وتعليقات الاعضاء
نصيحة خد وقتك ولا تستعجل في الحجز وبعدها قرر
لكن ما يمنع انو الاعضاء يساعدوك في عملية البحث واولهم انا
شوف انا بعطيك بعض الفنادق الفخمة الي توفر اكواخ او فلل فوق البحر
فندق ال W

الكونتستانس هالفيلي

adaaran prestige vadoo

six senses

وفي غيرها كثير وعليك البحث والاختيار

جزاكم الله خير انا بحثت وشفت بس توهقت
ويقولون اسأل مجرب والا تسأل طبيب
وانا قلت لكم وش ابي اهم شي فله فوق الماء ممتازه جدا ومتفق عليها وعلى جمالها وبحرها

وحاط للسكن بس ثلاث ايام 35000 حق فيلا فوق الماء تتقريبا
اهم شي عندي فله فوق الماء ممتازه وفيها نوع انماء خصوصيه انا ادري انها اكثر مافيه خصوصيه تامه بس نوع انماء فيها خصوصيه
وابي خبير في مالديف
لانه اسأل مجرب والا تسأل طبيب
واتمنى من عنده وقت يتفضل ويقولي لاني ترا اطلعت على اكثر التقارير وبوكنق وماقدرت اتخذ قرار صراحه والا ستغني عنكم
ابي الافضل انا وشكراً

وأنا متأكد مو شرط اغلا واحد هو الافضل فيه احيانن اقل في السعر وافضل بكثير من الغالي

شيك على الووتر فيلا فور سيزونز لاندا غيرافاروا هذي صورة
Four Seasons Resort Maldives at Landaa Giraavaru

انا شيكت على اكثر الفنادق واحترت بعد في هذا وفورسيزن الثاني الي هو كادواهورا
جد الله يعين على الحيره وهقه تايم واحترت بينها كلها
بس بكتب بعض الفناديق
1- Four Seasons Resort Maldives at Landaa Giraavaru
2-Four Seasons Resort Maldives at Kuda Huraa
3- Cocoa Island by COMO
4- Baros Maldives
5- Constance Moofushi
6- Taj Exotica Resort & Spa
7- Six Senses Laamu
8-Conrad Maldives Rangali Island
9- W Retreat & Spa Maldives
10- One & Only Reethi Rah, Maldives
11-
ادري بتقولين ماخليت فندق ماخترته بس لاني محتار وربي جدا
واذا فيه اضافه لفندق بيكون افضل منها جزاكم الله خير
وتمنى من اهل الخبره اختيار الفندق المناسب
وانا دخلت بوكنق وكل المواقع وقريت التقارير بس جد ماوصلت حق نتيجه