omar_ahmad
20-11-2022 - 09:18 am
السسلام عليكم كيفكم ؟وكيف الاجازه معكم عساكم مبسوطين !
انا ان شاءالله معرس جديد بينكم وجاي ابي فزعتكم
معي بشهر العسل لان ان شاءالله مسافر لها
وجهتي بتجمع بين " بورمث 4 ايام , ادنبره 3 ايام , لندن 4 ايام "
لان الميزانيه لكم عليها ونبي نتدلع شوي عاد بشهر العسل بمدينه حلوه وحلمي اروح لها
بس عاد الشكوى لله بكون مجحف بحق لندن بس الشكوى لله :/
المهم ابي تساعوني بسالفه الاماكن اللي ماتتفوت بهالمدن
لان اللي سمعته احلى شي ببورمث بحرها بس مشكلتي هل بنقدر ناخذ راحتنا ولا لا ؟
وشارع الشارمستر حلو مطاعمه او في أحلى ؟
وبورمث أي حلو ويسوى ولا يكفيني حق لندن !
وابي احلى الحدايق , بورمث ولا مورس فيلي ولا حديقه قطف الفواكه ؟
وسمعت عن جزيره سوينج !!
وحديقه الحيوان اي افضل حقت بورمث ولا ادنبره ؟!
وسمعت عن جزيره the lulwo rth لسباحه وش وضعها !!
وادنبره حجزت بفندق قريب من البرنسس ستريت والقلعه
وحديقه الحيوان وش فيه بعد اماكن حلوه وتحمس !
يعني مثلا كاردتيئه اوشي من هالقبيل ؟
وشارع جورج حلو ويسوى ولا اخلي البرنسس ويكفيني !
ولندن عاد هذا تخصص المدام بذات انها تبي
الاوت ليت ونبي كمان مدام تيسو ولندن اي وبق بن
والهايد بارك وقصر بيكنقهام وهاردوز والاكسفورد
والبيكاديلي والادجور رود تتوقعون بيمدي نشوف هالاشيياء
ب4 ايام ؟
وكمان عندي مشكله مع العم بوكنق
طلعت فيزا الراجحي بس يوم جيت احجز يقولي
رقمها غلط وانا مفعلها وشاحنها ؟! وفي فندق طلب مني cvc وفندق ماطلبه شلون !
لاني ابي اريح مخي من الحجوزات وكلش :/
وهذي صوره للمشكله
مشكورين وماتقصرون
