صلاح القراشي
مساعده لتنظيم خط سير رحلتي ابتداء وانتهاء بمطار ميونخ حيث أنني سوف استأجرسياره من المطار وارغب زيارة الاماكن التالية قارمش + زلامسي + فينيسيا + ميلانو + انتر لاكن + ريست
( ملاحظه الرحله 11 يوم من 24/5/2012 حتى 4/6/2012 ) ولا ارغب بالسكن في ميونخ السكن بقارمش
ولكم كل الشكر

مشكور أخوي بس بشنو تنصح اروح

صلاح القراشي
يالغالي لو تقسم عدد الايام على عدد المدن راح تشوف ان كل مدينة راح تقعد فيها يوم ونص
كم شخص انتوا وشنو ودك تشوف .. تبي ألعاب والا طبيعة والا اسواق والا بحر .. ان شاء الله نرتب لك مخطط حلو

khaled_dashti
انا وزوجي وطفل عمر سنتين
نبي العاب للولد وطبيعه واسواق وبحيرات
والله يعطيك العافيه على اهتمامك

أنا رحلتي في شهر يوليو إن شاء الله لمدة 14 يوم
الوصول: ميونخ
وش رأيك أخوي khaled_dashti ببرنامجي:
1 يوم ميونخ
3 أيام بادن بادن
3 أيام انترلاكن
2 انسبروك
3 ليالي زيلامسي
2 ميونخ
علماً إني أنا وصديق لي ونحب الطبيعة والمعالم البارزة والتاريخية في المدن اللي نزورها

صلاح القراشي
وصول ميونخ ومنها الى غارمش او فوشن او انسبروك ثلاث الى اربع ليالي كافية ومن ثم الى كابرون او زيلامسي وزيارة سالزبورغ وزيارة الاولت فيها وبحيرة وولف غانق اربع ليالي كافية عالمنطقة ومن ثم العودة الى ميونخ للتسوق وزيارة مدينة ألعاب ليغو لاند للعب .. استبعاد مدينة ألعاب يورو بارك لانكم ما راح تستمتعون فيها كون الطقل لا يتجاوز السنتين
المناطق المذكورة فيها طبيعة وبحيرات واسواق وألعاب
بالنسبة لي ضروري وجود سيارة للاستمتاع بأوروبا
والقرار لكم

AQAWAE
هلا فيك يالغالي
خطأ زيارة انترلاكن وزيلامسي بوقت واحد لسبب ما تود ان تراه بانترلاكن ستراه بزيلامسي وللامانة الناس عطت انترلاكن حجم اكبر من حجمها نعم منطقة جميلة لكنها عادية جدا ولا تستحق الزيارة لأكثر من مره
انصحك بالتالي
ميونخ -بادن بادن - لينداو او كونستانس- انسبروك - كابرون او زيلامسي - سالزبورغ - وولف غانق - ميونخ
مو ضروري تسكن بسالزبورغ وولف غانق تقدر تروح لها من زيلامسي
ايضا لينداو تقدر تزورها بطريقك من بادن بادن الى انسبروك

khaled_dashti
بيض الله وجهك أخوي خالد
كفيت ووفيت
وكنت أفكر بالشيء اللي تقوله بس قلت على يجمع الواحد بين انترلاكن وزيلامسي لأن الواحد قد مايرجع يمكن للديار هذي وعلشان يجمع أكبر قدر من الأماكن اللي يكثر ذهاب الناس لها؟
لكن توزيع الأيام كيف أوزعهن على 14 يوم من الجمعة إلى الجمعة الثاني لأنه تعرف بعض المدن صغيرة لا تستحق أكثر من يوم
مشكور على الجهد اللي تقدمه