سؤال اخر كاميرون هايلاند اقدر اروح لها وارجع بنفس اليوم يكفيها؟!!

هلا أختي الكريمة ...
بصراحة الجدول غريب جدآ ... ويحتاج تعديل جذري ...
عندكم ( 17 يوم ) ... حرام تقسمونها بهذا الشكل ...
وين لنكاوي ... وبينانغ ... والكاميرون ؟؟؟
غير كذا البورت ديكسيون تكفيها زيارة واحدة ... ليه زيارتين ...
وسلانجور من غير المعقول فيها خمسة أيام ...
نصيحة من قلب أخوكِ ... هذا الجدول الأجمل والأروع :
يومين سلانجور ...
أربعة أيام لنكاوي ...
ثلاثة أيام بينانغ ...
يومين جنتنغ ...
خمسة أيام كوالا ...
يومين البورت ديكسيون ...
وبأنتظار رأيك في الجدول ...

مرحبا اخوي وافي
انا من كم شهر اقنع الوالد يغير الجدول
بس هو يبي كذا مصر مايغيره يقول حجزت كل شي ومارح اغير ومايبي يطلع من مكان لمكان عشان العفش وكذا كلنا بنات وماشاء الله اغراض البنات وشنطهم وش كثرها
احنا عارفين انه غلط بس الشكوى لله عشان كذا ابي رايكم وش الاماكان الي اقدر اطلع لها من كوالا
ورحلتنا اظن 20 يوم انا مخربطه في الايام مو متذكره ايش بالضبط
عشان كذا ابي مساعدتكم وكيف نرتب الجدول ="(

أختي الكريمة ...
أنا والله أبغى لكم الخير ... وأحب لكم الخير
كيف تزورون ماليزيا ... ولاتزورون لنكاوي وبينانغ وجنتنغ ...
المدن اللي ذكرتيها ( في منطقة واحدة ) ... يعني ماأستفدتوا شيء
سلانجور حدها يومين ... مافيها شيء يستدعي خمسة أيام ..
وأنا أتمنى بصراحة ... تخلين الوالد يكلمنا هنا في المنتدى
وبأذن الله نقنعه ... ونحاول فيه ... ونخليه يعدل الجدول ...
قولي له :
فيه منتدى كلهم ( مجانين ماليزيين ) ... أدخل وشوف
آآآسف على التطفل ... بس والله الجدول ماأنصحكم به ..

اي والله بصراحه 5 ايام سيلانجور ماعمرها صارت اصلن مافيها شي غير العاب مائيه وملاهي وكذا جوله في يومين تخلصيها وهيا بينها وبين كوالالمبور ساعه
ماليزيا فيها جزر جميله بينانج فيه السوق الليلي ومصنه الماس والشوكولاته والقهوه والشاي ورحلات بحريه وفيها حدايق وغابات خياليه
لنكاوي تكون حق معاريس احسن لانها هاديه مافيها جولات كثيره وماتصلح للعوائل
اما الجدول اللي انتو فيه مافيه الا رحلات بريه وملاهي ومولات هذه بكوالالمبور
عالاقل ترتيب صغير بكوالالمبور بس
3سيلانجور
2جنتج
2الكاميرون
6 كوالالمبور
2 بورت دكسون
هذه الايام تغطي الجولات في كل كوالالمبور والمدن اللي جنبها

سعدالدوسري
معليش حبيب قلبي ... أختلف معك
العالم كلها ... تحب لنكاوي ... وخصوصا العوائل ...
90% من زوار ماليزيا ... يرجعون ( مفتونين ) بلنكاوي ... وسحرها ...
من خلال متابعتي المستمرة للمنتدى ... ووجودي الدائم فيه ... لاحظت الفرق بين لنكاوي وبينانغ
من خلال التقارير ... وأراء المسافرين ... وأنطباعاتهم ...
أنا قلت هذا الكلام أخوي ( سعد ) ... حتى تكون الصورة واضحة للجميع خصوصا المسافرين الجدد
هو رأي شخصي لك ( نحترمة ) ... ووجهة نظر لك ( نقدرها ) ... وسلامتك

يعطيكم العافيه اخ سعد والاخ وافي
بس ابشركم بعد عناء ومشقه قدرنا نفر راس ابوي الله يخليه
بس الحين محتاره بما انا راح نصوم اخر يومين هناك ويوم العيد وكذا
ماادري ايش اول شي نروح له
طبعا خلاص الحين قررنا
يومين بورت ديكسون
يومين جنتنق
يومين سلانجور
5ايام بينانق
7ايام كوالا
احنا خلينا بينناق 5 ايام لان كل الي اعرفهم راحو يقولون خلوها اكثر شي لانها بتصلح لكم
وكاميرون ولنكاوي ان شاء الله الزياره الثانيه
بس ابي الحين منكم الترتيب ايش اول شي اروح له
وادري تعبت معكم بس مالي الا انتم
الله يوفقكم يارب

حياكِ ... أختنا الغالية ...
شوفي وأنا أخوكِ ... الرحلة رحلتكم ... والأمر بيدكم
لكن من باب ( الأخوة ) ... والنصح ... وحب الخير ...
جدولكم ( خطأ ) ... والمفروض تستغلون المدة بتنظيم جدول أفضل ...
بينانغ ( حرام فيها ) خمسة أيام ... واللي يقول تستحق ... مايعرف سياحة ...
جزيرة صاخبة ... حدها يومين أو ثلاثة فقط ...
أعذريني على هالكلام ... لكن أنتي طلبتي رأينا .. والمستشار مؤتمن
عموما :
الأفضل أن يكون جدولكم بهذا الترتيب :
بورت ديكسيون - جنتنغ - سلانجور - بينانغ - كوالا

يعطيك العافيه وافي تعبناك معنا
يلا هذي المره تجربه اذا اعجبتنا ان شاء الله زرناها ثانيه ونروح الاماكان الي مارحنا لها
وشكرا ماقصرتوا كلكم ...