رحلتك 14 يوم ،،
واذا استبعدا يوم الذهاب ويوم العودة فهي راح تكون صافية 12 يوم ،،
3 ايام بتايا واذا حبيت تغيرها عليك بشانقماي
6 ايام بوكيت
3 ايام بانكوك
لو ذكرت كم ميزانتيك لليلة الواحدة قدرنا نختار لك فنادق ،، لكن راح اذكر لك كذا فندق من كل منطقة :
بتايا:
فريزر ريسورت
ميركيور
بابونا بيتش فرونت
مارين ينسباي
جراند
بوكيت:
بامبوري
اماتا ريسورت
بوبا بالاس
جانق ريسورت
توني ريسورت
بالميرا
رويال بالم
بان لاماي
بانكوك:
جراند ان
سولو 2
زينيث
بوس سويتس

واضح ان رحلتك 13 ليلة ، اقترح عليك التقسيم التالي :
6 ليالي بوكيت ، الفنادق / بان لا ماي - تارا باتونق - توني ريسورت
5 ليالي بتايا ، الفنادق / fraser - baywalk residence - tim boutique
ليلتين بانكوك , الفنادق / امباسادور - دريم - سولو
الاجواء في تايلند استوائية ، رطوبة وامطار مفاجئة .. رحلة موفقه .

ولد_البحرين
يعطيك العافيه ولد البحرين....
طيب ليش قلت اذا حبيت تغير بتايا...يعني ماتستاهل او شنغماي احلى منها.
بالنسبه للميزانيه متوسطه....

q8hunter
يعطيك العافيه ياكويتي..
لكن هل بتايا تستحق 5ايام ...لان من خلال التقارير اللي شفتها ...في ناس تذمها...وانا الفكره اللي كونتها عن بتايا من خلال التقارير ...انها مدينة (ليل).
وبالنسبه لترتيب الفنادق ياليت ترتبها من الافضل وتحت....شاكرلك ياكويتي.

بتايا الي يبيها مدينة ليل يقدر يخليها مدينة ليل والي يبيها وناسة ورحلات يقدر بعد .
ماقدر اصنفلك الفنادق من الافضل الى الأسوأ .. كلهم زينين ان شاء الله شوف اسعارهم في المواقع التالية واختار الي يناسبك
http://www.asiarooms.com

هلا الغالي ،،
بتايا لها سمعة مش حلوة طبعا هذا الكلام بعد مغيب الشمس لكن دامكم شباب ما اعتقد بتكون لكم مشكلة اما العوائل تسبب لهم احراج ،، غير هذا ترا بتايا سياحية وحلوة وفيها رحلات وبرامج متنوعة وممتعة غير هذا المعيشة فيها رخيصة وفيها تنوع فنادق والاسعار بمتناول الجميع ،،
بالنسبة لترتيب الفنادق فهو عشوائي ،،

شباب تم حجز الرحله من 20سبتمبر الى 3 اكتوبر.
جربت احجز في فندق بان لاماي ببوكت ...حنا ثلاث شباب والغرفه سريرين..هل ينضاف سرير ثالث...ولا لازم غرفتين.
انا بجلس 8ايام ببوكت ومتردد وين الايام الثانيه شنقماي ولا بتايا...