بالنسبه للأماكن السياحيه الشبابيه قليله في الرياض بس شوف اخوي انت تبي ايش بالظبط مولات كافيهات مقاهي ملاهي حدد

إنت جاي من فين اخوي .....حب استطلاع

مرسى الأحزان
من الدماام

عندك شارع التحلية بالكامل كله كافيهات ومطاعم
برضه في منطقة مرة حلوة وهادية قريبة من الفيصلية شارع صغير بين شارع العليا وطريق الملك فهد فيه كافيهات رايقة

ماهناش اسم
يسلمو يالغالي..~

حياك الله اخوي بمدينتك الثانيه بين اهلك وناسك
بالنسبه للكافيهات عندك شارع التحليه مليان وكل يوم يفتح كافيه جديد وبالنسبه للشارع الي تكلم عليه الأخ ماهناش اسم تراه شارع الثلاثين نفس التحليه بس أصغر
أما المولات الخاصه بالشباب فيه لوكاليز مول شارع التحليه _ الشعله مول _فينيسيا سنتر بجانب الشعله
و المولات التي تقدرون تدخلونها الصباح الى العصر لأن بالليل عوايل فهي كالتالي المملكه - الفيصيليه - الرياض غالري - غرناطه مول - حياة مول _ صحارى مول طبعا هذي اكبر المولات في الرياض وأفخمها
بالنسبه للملاهي عندك الحكير لاند يوم الجمعه شباب وملاهيهم مرره رايقه نظامهم تدفع للشخص 59 ريال وتلعب زي ماتبي اتصل عليهم قبل لا تروح ممكن يخلو ايام العيد بس نساء رقمهم 012787000 بس زي ماقلتلك العابهم رايقه
المطاعم الرياض مليانه مطاعم عندك ستيك هاوس - ابل بيز - فرايديز - فدركرز اذا انت من محبي الأكل الأمريكي
كوبر شدني بالتحليه إذا انت من محبي الأكل الهندي الخليج الصيني إذا انت من محبي الصيني بتلقى كل الي نفسك فيه من ناحية المطاعم مالراح تحتار العليا مليانه
المقاهي عندك مقهى الوان بجانب كوبري الفحص خطير واذا رحت إدخل مغارة جعيتا اجواء صراحه
تقدر تطلع المطل حق الفيصليه وتشو الرياض من فوق منظر خيالي بأي وقت عادي لكن انا افضل العصر للمعلوميه الشخص ب 35 ريال وتقدر تتعشى بالفيصليه بوفيه مفتوح النفر ب100 ريال في الدور رقم 11
فيه صالات العاب بلياردو ودبابات واشياء مثل كذا بالثمامه بس اتوقع انك مال منها بالهاف مون
طبعا اخوي تقدر تروح وسط الرياض وتتمشى بمنطقة قصر الحكم بتعجبك فيها اسواق المعيقليه وساحة الصفاة و أسواق التعمير (تعمير غالريا)
تقدرون تروحون للفنادق مثل ميركيور وهو فندق على شكل سفينه أوفي هولدي إن أو في راديسون ساس أو في الإنتل كونتيننتال أو في النوفتيل وغيرها الكثير الكثير وتفطرون او تتغدون او تتعشون فيها مثلا
أتمنى اخوي اكون افدتك ولو بشي بسيط الرياض كبيره وفيها اماكن كثيره وإنشالله بتنبسط فيها وإذا عندك اي استفسار انا حاضر

مرسى الأحزان
ما شاء الله علييك
انت وش خليت حق الاستفساار
يعطيك الف الف عاآفيه

لا شكر على واجب يستاهلون هل الدمام كل خير

مرسى الأحزان
تسلم والله هذا من طيبك