وعليكم السلام حياك الله اختي
بالنسبة للاسواق صعب تحديدها بسوق او سوقين لان كل اسواق جده مميزة
وحرام ماتلفيها كلها
لكن ابرشحّ لك واحد بسبب ان فيه فندق خلفي مطلّ على البحر
السوق هو
red sea mall
والف مبروك الزواج مقدماً

مشكور أخوي حساس والله يبارك فيك
للاسف لاني بيلس بس 4 ايام وشوي صعبه اني اروح اكثر من مكان
وبعدين ماندل وايد عشان جي ابى مكان واحد
انزين اخويه عطيتني الريد سي وشو الشقق اللي عداله؟ ولا هو فيه شقق فندقيه؟

1. واذا فيه اكثر من مكان ياليت تخبروني السوق + الشقق

السلام عليكم ورحمة الله وبركاته
يااهلا وغلا وعليكم السلام والرحمه
شحالكم اخواني وخواتي
بخير جعلك بخير ,,
اول شي الله يعطيكم الصحه والعافيه صراحه اكثر عن 5 ساعات وانا اقرا مواضيعكم
بصراحه وايد استفدت الله يزاكم خير
الله يعاافيك يارب ,, اقل شئ نقدمة لزوار جده
انا بيي جده ان شاء الله بعد يومين وبيلس 4 ايام واباكم تفيدوني الله لا يهينكم
حياك الله وبياك ,, بتنورين
اللي فهمته من اغلب اللي جاوبوا الخوات اللي يسالون عن الاسواق والمجمعات انها بكل مكان
انا ابى خدمة منكم ابى حد يخبرني وين أفضل الأفضل يعني ابى افضل مكان فيه اسواق متنوعه لان ابى اخذ زهبة عرسي من هناك
وابى بنفس المكان يكون مكان الاقامة بشقق فندقيه لان نحن عائلتين
اختي عندك ( مجمع العرب ( جميع الماركات + ردسي مول ( جميع الماركات + اسواق المحمل والكورنيش للساعات والعطور والمكياج عندهم تلقيها ابأسعار منخفضه )
مجمع العرب ,, نهاية شارع الستين / يسار
ردسي مول / تقاطع طريق الملك وشارع حراء تدخلي يمين ,,, سيدا ,, بعدتلقيه على يدك اليسار
المحمل والكورنيش هذا في المنطقة التاريخية في البلد جنوب جده
انتظر ردودكم وياليت تكون تفصيليه يعني لا تبخلون علي باي معلومه
من اسعار واسامي الشوارع والاسواق وكل شي

واذا فيه اكثر من مكان ياليت تخبروني السوق + الشقق

بالنسبة للشقق المفروشة ارشح لك تاخذي شقة بشارع حراء بحكم انه شارع تجاري وقريب من كل الاماكن المهمه تقريبآ

• بودل حراء : جديدة ، فى موقع رائع على شارع حراء قرب تقاطع طريق الملك ، على بعد دقائق من رد سى مول (6947755).
• نسايم النور : حديثة ، نظيفة ، مؤثثة بشكل جيد جداً ، موقعها استراتيجى عند تقاطع شارع حراء مع طريق المدينة ، يعنى خطوات فقط من سوق حراء الدولى ، البيك ، شاورما جحا، كنتاكى ، شوكولاين ، كودو ، بيتزاهت محلات خطوات للجلديات وسيتى ماكس وغيرها ، هذا بالإضافة لقربها الكبير من مركز جدة للمعارض ومجمع العرب(6163010)..

وغيره الكثير ,, يعني وانتي ماشية بشارع حراء بتشوفي شقق مفروشة بالهبل بكل المستويات والاسعار
والله يعطيكم العافيه
الله يعافيك يارب

الله يزاج خير اختي وصايف
ماقصرتي الغاليه الحين بدخل على هالشقق واجوفها لو مناسبه لان البعض موجود اون لاين
مشكوره الغاليه وراح احط هالمكان ف الحسبان واجوف الاخوات والاخوان بعد لو عندهم مقترحات ثانيه

الله يعافيك يارب ,,
بالنسبة لسوق الكورنيش اطلعى للدور الخامس لانه مخصص للمكياج والعطور
والادوار التحتية للساعات والنظارات ,,

وعليكم السلام
حياك أختي بن زايد ت في بوابة الغربية وفي جدة
مميزنا حساس ومشرفتنا وصايف ما قصروا
أقترح عليك زيارة
https://artravelers.com/p/re/606180
يشمل دليل جدة العديد من الأدلة عن : الفنادق - الأسواق والمراكز التجارية - المطاعم والمقاهي - المنتزهات والملاهي - المنتجعات والشاليهات
وستجدي فيها تقارير مصورة عنها ومعلومات وفيرة ستساعدك إن شاء الله في اتخاذ القرارات المناسبة
وبالنسبة للسكن ، إن كنتم تبحثون عن الفخامة بغض النظر عن السعر ، أقترح عليك راديسون بلو للأجنحة الملكية
يقع على طريق المدينة النازل - جوار فندق ميريديان وسوق جدة الدولي

وصايف الحجاز
تنويه :

• العطور المباعة بمركز الكورنيش التجاري (الدور الخامس) غير أصلية
• النظارات الأصلية تباع لدى محلات البدر والمغربي وباريس غاليري

الله يعطيكم العافيه ويجزاكم الجنه
مشكوره اختي وصايف واخوي رحال تعبتكم ويايه
وانا فعلاً قبل اكتب هالموضوع شفت موضوع الدليل وموضوع للاخت ام عزيز بس قديم شوي
ووايد احترت لان ما اعرف الأحياء وعرفت ان الاسواق منتشره بكل مكان
ف عالاغلب بشوف وين افضل منطقه فيها اسواق متنوعه + جنبها شقق فندقيه
انزين حالياً سألت بعض البنات يقولون شارع التحليه افضل مكان فيه كل محلات الراقيه والمتنوعه
سؤالي شو ترشحون افضل مكان للسكن هل في نفس الحي اللي فيه شارع التحليه
او بمنطقه مجاوره لان سمعت ان حي الاندلس (ان ماخابني ظني اهو اللي فيه شارع التحليه) زحمه وشباب وهالسوالف

رحال عاشق

• العطور المباعة بمركز الكورنيش التجاري (الدور الخامس) غير أصلية
• النظارات الأصلية تباع لدى محلات البدر والمغربي وباريس غاليري

بالعكس العطور اللي اشتريها من الكورنيش دائمآ ممتازه وقوة ثباتها رائعه
النظارات والساعات عندهم الاصلي والمقلد .. اشتريت من عندهم نظاره شمسية ديور اصلية 100 %
وقيمتها فوق ال 2500 ريال ....