بالنسبة للسؤال هذا : الاسئله
انا بنزل المانيا خصيصا لليورو بارك فهل اسكن بميونخ ولا باليورو بارك لاني بسكن بميونخ بفندق الهيلتون يعني هل المسافه من ميونخ الى اليوروبارك بعيده وهل الافضل اروحلها بالقطار ولا ااجر سياره ؟؟؟؟؟؟؟
اتوقع راح تلقين الاجابة الشافية في بوابة السفر الى المانيا
السؤال الثاني : بالنسبة لديزني لاند ممكن تروحون لها بالقطار وهو الأوفر طبعا او عن طريق باص صغير او تاكسي يتم ترتيبه عن طريق الفندق الي نازلين فيه بمعنى اذا حابيت تاخذون فندق هناك وتقعدون يوم او يومين ممكن تستأجرون وطبعا راح تحصلي اهم الفنادق حق ديزني في بوابة ديزني الي هنا في نفس بوابة فرنسا.
بالنسبة للسكن في باريس شكلك تبغون شقق بحكم ان معكم طفلين
عندك هذي المواقع ان شاء الله راح تفيدك
http://www.all-paris-apartments.com/en/search_results.php
وذا حابة افضل الاماكن في باريس تتمشون فيها هذا الجدول كتب من احد الاعضاء وان شاء الله تستفيدي منه انتي والعائلة
https://artravelers.com/p/re/146592
وذا اي خدمة ثانية ان شاء الله جميع الاعضاء في الخدمة ورحلة موفقة ان شاء الله
حمودي

من ميونخ الي Europapark تقريبن 4 ساعات
أفضل شئ لكم السكن في Europapark
وبالنسبة لباريس أعتقد أخوي hmoodi حط جميع الخيارات لكم
بالتوفيق

hmoodi
اخوي حمودي
انا مسافر بالصيف ان شاء الله واحب اسكن في فندق 5 او اربعة نجوم ومعي طفلين 9 و 6 سنوات هل مسموح يسكنون معنا في نفس الغرفة

مسموح اخوي بس يمكن ياخذون مبلغ على طفل واحد

Abo Halah
والله شوف يااخوي ابو هالة
ماادري بس يعني الكلام هذا من وجهة نظري الشخصية اذا ماشاء الله تبارك الله الاطفال بالسن هذا تاخذ لك شقة افضل لك والسبب ان اغلب غرف الفنادق في باريس وفي اروبا بصفة عامة صغيرة ويالله يالله تشيل شخصين وحتى لو افترضنا مثل ماقال اخوي مازون ممكن تاخذ معاك بالغرفة ويخلونك تدفع بس راح تكون الغرفة جدا صغيرة عليكم
لكن بالنسبة لي انا الي اعرفه انه غير مسموح في اغلب الفنادق ومثل ماقلت لك حتى لو وافقو راح تكون الغرفة ضيقة عليكم ادري الوسع في القلوب لكن ؟؟؟؟ شف الي يناسبك
ورحلة موفقة اخوي....

اختي دبي الغلا اولا رحلة موفقه ان شاء الله وربي يسهل دربكم
بالنسبه لليورب بارك وديزني لاند انا ان شاء الله بروح الصيف الجاي لهم
1- يوروب بارك اور مره بزورها ومتحمس لها وخصصت 3 ليالي لها ولما حولها من مناطق
وان شاء الله بسكن بمنطقه قريبه منها جدا يا سترازبورق او رست (( طبعا انا مأجر سياره لمتعة الطريق ))
2- ديزني لاند انا زرتها من قبل والصراحه عجيبه مايكفي يوم واحد انا سكنت بفندق فيها
اسمه دريم كاسل وكان مريح ورائع سكنتة ليله وحده بس وان شاء الله الصيف الجاي مخصص
4ليالي لباريس ليلتين منها لديزني وودي ازيدها ليله
وطبعا ماقصرو الاخوان قبلي وهم ادرى واعرف مني والجدول اللي حطه اخوي حموود انا طبعته ومفيد لباريس
ومن وجهت نظري المتواضعه اجار السياره والله متعه لاتوصف وتتيح لج خيارات اسهل بالتنقل وعدم التقيد بالمواعيد
وشكلي طولت عليكم

ايش افضل فندق من حيث المكان يعني بافضل مكان بفينا وفيه كل شي جنبه
mate dependance
thuringe hof
artis
eurostars
ايش الافضل فيهم وايش الي بعده
وكمان فنادق سالسبورغ
mercure city
der salzburg hof
mercure kapuzinerberg
وبسالكم ايش قصدهم بالمطارات الموجوده بباريس
في 4 مدري 5 مطارات اي واحد اختار
Paris Any (PAR)
) Paris Charles de Gaulle (CDG)
Paris Orly (ORY)
) Paris Charles de Gaulle (CDG)

اختي ملاك القمر بالنسبه لفنادق سالزبورق انا انصحج بفندق ايليفانت elefant فندق الفيل
وهو تابع لسلسله فنادق بيست ويسترن وهو 4 نجوم وموقعه جدا ممتاز انا سكنت فيه
وهو تقريبا بشارع التسوق وايضا قريب من الساحه اللي فيها العروض يعني مكانه بالنص
بين السوق والساحه اللي عن طريقها تصعدين للقلعه طبعا بالجانب القديم كل هذا
يعني الفندق ممتاز
وبالنسبه لمطار باريس المطار هو ( Paris Charles de Gaulle )(CDG)

هلا دبى الغلا
بخصوص يور دزنى بصراحه يوم مو كافى لها
انا افضل يومين والثالث هو يوم المغادره
لانى فعلا انا استمتعت فيها مع العلم ما كان معاى أطفال
وما بالج لو معاى أطفال ،،، راح يستمتعون أكثر
والفندق اللي سكنت فيها هوليدى أن
والفندق جيد جدا ويمكن أكثر
ويوجد فيها بحيره ومكان للالعاب للاطفال
والمساحه الخضراء الممتعه للنظر
وهذى صوره عن الفندق من الخلف
وتبين مكان الالعاب للاطفال

وهذى منظر الفندق بالكامل من الخلف

رحله سعيده باذن الله
وتحياتى لج