خذ بالغرب وخذ بالشرق بس خلها 8 ايام
انا كنت مثلك ابي 10 لكن مواعيد الطيران عندهم يانك تجلس 8 ايام يا11 يوم
انت عاد اختر وانا من رايي 8 ايام كافيه جدا
بالشرق عندك الفور سيزونز ولا تضيق خلقك خذ فيه الاوتيل ممتاز ولو ان تجربتي كانت سيئه بفور سيزنز سيشل !
والغرب انا جربت الماراديفا وكان لايعلى عليه وفيه تقرير تقدر تطلع عليه لو تحب
وفيه منتجع بعد بالغرب
كونستانس بيل مار بشهادة ابو عزيز يقول لايعلى عليه وسكن فيه وانا راح اخذ فيه بسفرتي الجايه ان الله كتب
وجربت بعد الابوروي بالشمال هو الاوتيل لاعلى عليه من كل النواحي لكن يعيبه الشاطيء مكشوف على المطعم والبار يعني مقابلها مباشره وثانيا مكلفه يعني فله مع مسبح تقريبا ضرب عليه 4500 الليله
وبالتوفيق

الله يجزاك خير اخوي I LOVE 90 s
يليت لو تذكر تجربتك بالفورسيزون تصدق كان ودي اخذ الفورسيزن والابوروي لكن ابهون من الابوروري بسبب التكلفه عاليه
وا نشاء الله راح ارجع لتقريرك بس ايهم افضل بالنسبه لك الهلتون او الماراديفا ,,,,كلهم بالجهه الغربيه على ماعتقد
جالس ارتب للرحله الى الان اخترت منطقتين الشرق والغرب
يعطيك الف عافيه

f12777
الماراديفا فخم جدا واكثر اللي ساكنين فيه كبار بالسن وهادي لابعد درجه
الهيلتون ناس اخذوه فيه وبرضو يمدحونه هو قبل المراديفا
والبيل مار على كلام ابو عزيز وانا اثق فيه صراحه يقول لايعلى عليه
انا انصحك بالبيل مار او الهيلتون لاني اتوقع راح تكون اونس واقل سعر هذي بالغرب
الشرق فيه ون اند اونلي وفور سيزونز شوف وش اللي اقل راح يكلف وخذ فيه وكلهم ممتازين
وتجربتي بفور سيزنز سيشل بصراحه لو اتكلم زياده من بكره تلقوني بالحاير
لكن بصراحه مارتحت للناس الساكنين وشفت قيز كوبلز وكبار بالسن
وروسيات مدري وش يبون لان شكلهم ماكانهم سائحات جايين عشان غرض معين
والغرفه مليانه ضواطير بنيه لونها وتطلع اصوات غريبه بالليل وتزعج
وكلمت الاداره وقالوا انها فرندلي وانها بس تتحرك وتنشط بالليل مع بعض
وانها قبل 3 سنين او 5 ماكانت موجوده جت على طريق السفن من مدغشقر (تصريفه
)
احنا مانعرف الا الgreen geckos اللي لونها اخضر وتطلع بس بالنهار

انا سكنت في فندق الفور سيزن و نزلت عته تقرير .. بحط لك رابط التقرير في نهاية الرد .. وبحط لك رابط تقريري عن موريشيوس بس الصور راح تطلع لك من الصفحه الثانيه ..
الفور سيزن جديد و فخم .. مشكلته الشاطي مستواه متواضع .. لانه عن طريق الردم .. وشاطىء صغير وما يصلح للسباحة ..
انصحك بفندق البيل مار في الشرق . موقعه ممتاز .. قريب جدا من جزيرة ايلو سيرف اللي فيها انشطه روعه ورحلة الشلال و البرشوت .. وقريب منك بعد محمية نسيت اسمها .. تركب فيه الدراجه او الدبابه وفيها نهر خيالي ..
في الغرب عندك فندق الشوقر يمدحه مشرفنا بو عزوز وايد ... في الشمال الغرب فندق الاوبري افخم فندق في الجزيره فيها مسبح خاص .. بس اسعارهم نار
في الجنوب الغربي سكنت في فندق البراديس .. من ناحية الموقع ممتاز وشاطئه خيالي بدون مبالغه ومطاعمه ممتازه .. لكن من ناحية فخامة الغرف اعطيه 7 من 10 .. لكنه جيد جدا ..
اي مساعده انا حاضر .. خاصة من ناحية الانشطه ..
رابط موضوعي عن فندق الفور سيزن
https://artravelers.com/p/re/260002
رابط الموضوع عن موريشيوس
https://artravelers.com/p/re/252001

هلابك عزيزي f12777 اتمنى لك كل التوفيق في رحلتك القادمة . شوف حبيبي احنا كل واحد فينا يتكلم عن تجربته يعني انا عن نفسي لي اكثر من تجربة ولكل رحلة كانت هناك فنادق تعجبني وفنادق اتحسف اني دفعت فيها ريال . الفورسيزون انا عاجبني على شان فخامته والخصوصية العاليه اللي فيه مره كلام ثاني يعني تاخذ راحتك انت والمدام على الاخر بعكس الاوبيروي اللي حتى المسبح يكون مكشوف للاخرين ( يمكن على شاني ماخذ غرفة موقعها سيء الله اعلم ) . بعدين بيني وبينك اللي عجبني اكثر في الفورسيزون ماشفت ولا عربي وهذي ايجابيه اشوفها فيه لسه الناس ماعرفته بعكس البيل مار بلاج والشوقر بيتش الا ماتلقى عرب . انا اخاف لو ازيد بالكلام احيرك اكثر . انت اول شي حدد كم تبغى تدفع بالليلة لان بعض الناس يقولك انا السكن عندي اهم شي يكون نظيف وراقي وسعره مناسب فيه عندك الانتركونتيننتال سعره مرره رخيص مقارنه بالفنادق الثانيه صحيح ان مستواه اقل بس انا اشوفه جيد جدا وعلى فكره موقعه قريب من الاوبيروي والمريديان . موريشيوس هذي ميزتها الفنادق فيها انواع واشكال والاسعار كذلك تبدأ من 120 دولار . بخصوص التقارير انا بصراحه ما اجيد سرد التقارير ولا امتلك الاسلوب الذي يمتلكه الكثير من الخبراء والا الصور عندي مليانه لجميع رحلاتي ويشرفني اني اطرحها . بالتوفيق وانا حاضر بالخدمة

فواز كلامك صح .. الفوز سيزن فخم جدا و الفلل اروع .. وماشي عرب.. (تصدق اني ما شفت خليجي سائح يوم سافرت موريشيوس )
لكن فيه عيبين يمكن هالعيوب تكون كبيره من وجهة نظر بعض الاشخاص مثلي .. او تكون عاديه عند بعض الاشخاص نفس ما قلت انت .. ورايك صح مش غلط
العيبين الاثنين اللي انا اشوفهم كبار .. شاطىء الفندق الصغير و عن طريق الردم .. ثاني الشي المسابح في الفلل بدون خصوصيه ..
حبيت ابين هالنقطه .. اللي ما تفرق معاه يتوكل على الله .. وفي الاخير عباره عن اراء من واقع تجربه لك و لاي شخص ثاني
والسموحه

حبايب قلبي ماهي انسب طريقة للمواصلات في موريشوس ؟

الحين شنو فايدة أني رايحه جزيره إذا الشاطيء مردوم وصغير صراحه مايسوا ريال معناتها
أهم شي الشاطيء أنا عندي ولا ليش رايحه جزيره
شنو أحسن شاطيء وفيه خصوصيه

I Love 90s
ضواطير يسمحوون نجيب ساكتوون معنا
هذا اكبر عيب عشان المدام ماتنام وانوااع الوسوسه ,,,,انت اللي خذيته فله ولا غرف ,,,,وانا افضل اني ماشوف ولا عربي هناك ههه ,,,,بعض الناس الله يهديهم مايقدرون لو شافك باللوبي وعرفك انك خليجي يجلس ويقعد يسولف ويقرقر معك وانت ودك تصرفه وتروح ومستحي ,,,,قد صارت معي كذا مره عاد اتخيل وانا جالس احتري المدام وناشب لي
الله يعطيك العافيه على النصائح ,,حطيتها عندي بالملاحظات