هلا عزيزي.. الله لو كانت استفساراتك في قسم الاستفسارات كان اعطيتك بوسة ...لكن المره الجايه ركز اكثر.
حسب مافهمت من كلامك ان الاقلاع بيكون في يوم 21..يعني الوصول 22
ويبدا برنامجك يوم22
يعني تورايخ الرحلة هي (22-23-24-25-26-27-28-29-30)
والعودة 31..طبعا يوم الرجعه ماينحسب الا اذا كانت رحلة الحودة متاخره مثلا11ليل.
وبكذا يكون عدد لياليك الصافيه في ماليزيا 9فقط؟؟ صح والامو؟؟
س1/ من اين يتم صرف العملة والافضل ؟
الصرف في ماليزيا افضل من هنا بفرق هللتين او اقل يعني شي ماينذكر.هذا الكلام الاسبوع الماضي.
فنصيحتي انك تصرف من هنا ..وتروح هناك وانت مرتاح البال ولو نزل السعر او تغير مايهمك.
وخوفي بعد الحج ينزل الريال ويطلع الرينقت.
س2 / التاكسي التي استغلها اي نوع او اي شركة وكم الاسعار من المطار الى فندق بيراميد تاور سيلانجور ؟؟
التكاسي دايم خذ الاحمر لانه الارخص. واستخدم برنامج التكسي (ماي تكسي) مفيد ويحدد لك الاسعار.
وهذ رابط شرح البرنامج ياليت تقراه كامل مع كامل الردود وراح يفيدك.
https://artravelers.com/p/re/914905
وبخصوص المطار الى البراميد فالمفروض بحدود 75الى80. ولكن عدي لك طريقة تروح ب55رينقت تقريبا.
شوف هالرابط مزبوط وراح تدعي لي.
خطوات في مطار كوالا.. https://artravelers.com/p/re/918477
س3/ التاكسي للعودة من سيلانجور الى المطار والتوجه الى لانكاوي بكم الاسعار؟
التكسي في الرجعه بيكون ب70 الى80.ولوتكاسر بتلاقي باقل في حدود60.
وعندي لك رقم سواق ماليزي ممتاز واسعاره معقوله لكن المشكلة موتره كبير(انوفا)
اذا بغيته اعطيك اياه على خاص.
س4/ افضل واقل الاسعار للخطوط من كوالالمبور الى لانكاوي ومتى يتم الحجز ؟
الخطوط عند اربع شركات وانا جربت ابحث عن الاقل وكانت فايرفلاي.
والافضل تشوف الشركات كلها وتقارن.. سو حجز وهمي ويتضح لك الارخص.
الشركات هي ماليندو فايرفلاي ايراشيا الماليزيه.
والافضل المبادرة بالحجز في اقرب وقت واقرب فرصه.لان بالتبكير يحصل التوفير.
س5/هل اختياري للفنادق كان موفق ؟
روعه روعه ماشاءالله ..خصوصا الحب امبيانا.
والله اجمل تعامل وترقية ونظافو خدمه وبعطيك معلومة حلوه اسبشل.
الدور 25 اعلى شي بالفندق مافيه الا الجيم. والساعة 10 يقفل.
يعمي اغلب ايامي هناك اطلع بعد عشرة ومعي كوب شاي بوه واحلى تكوه هناك على الكنب الاحمر.
واطلاله تبكي على البرجين وفندق حياه وكامل المنطقة وبلاش.
البراميد قدام مدخل السوق الرئيسي اللي على الشارع العام يوجد مكتب تكاسي بتراب الفلوس لاي مكان تبي.
فندق لنكاوي جميل وربي يوفقك.
س6/ أهم الاماكن في سيلانجور التي يجب زيارتها خلال اليومين ؟
اهم شي اكيد انه الملاهي المائية وسوق الماينز والجولة البحرية وبتراجايا وشاه علم.
مو لازم كلها شوف الانسب لك .لان الوقت مايسعفك
س7/ أهم الأماكن في لانكاوي التي يجب زيارتها خلال الثلاث أيام؟
التلفريك والقرية الشرقية. وجولة الدبابات دخل الغابة والمانغروف والجزيرة الخاصه. وشلال تيمرون او دوريان.
رحلة الغروب. ميدان النسر حديقة الطيور والفواكة.
س8/ أهم الأماكن التي يجب زيارتها في كوالالمبور خلال الخمسة أيام؟
المناره والبرجين ومجمع سوريا. شارع العرب والمولات اللي فيه..القرية الفرنسية واليابانية وجنتق. افموسا حديقة الطيور والفراشات.
التايم سكوير ومحل الجلابيات والملاهي اللي هناك.
س9/ كيفية الحصول على التاكسي المحترم والأفضل في السعر في كل منطقة؟
التقارير مليانه ارقام وانا بعطيك ارقام على الخاص بعد اذن الادارة.
وبعض الاحيان تتوفق وتلاقي احسن من ارقامنا.
خصوصا اي سواق ماليزي بيكون ممتاز لان اهل ماليزيا اخلاق.
س10/ أفضل المطاعم في كل منطقة والمجربة من قبلكم؟
في سلانقور عندك البراميد مليان مطاعم وخصوصا فش ماركت يم.
لنكاوي عندك حول فندق الدانا قريب من فندقك مطاعم كويسه. وعندك في منطقة شاطي سينانج
صاقر والقصر وفيفا اتلاليا..
كوالا شارع العرب كله مطاعم والبافليون وكذلك مجمع وسوريا.. وربي يوفقك.
بعدين من فندق امبيانا عندك جسر مكيف يوصلك خلال خمس دقايق مشي الى البرجين
وايضا يوصلك الى ششارع العرب, يعني شمس مطر ليل نهار ماتشيل هم لاتكسي ولاجو.
ارجوا لك رحلة موفقه.
كازامي

وعليكم السلام ورحمة الله
( ينقل إلى قسم الاستفسارات )
كزامي .. ماذا عسانا أن نقول ! لاحرمك الله هذه الروح وحب الخير للناس
شكرا من القلب

حبيب قلبي كازامي على ردك على استفساراتي قل امين جعل ربي يحقق امانيك ويرزقك جنات النعيم وربنا لايحرمنا من طلتكم علينا
شموخ عتيبية المعذرة منك وأشكرك على المساعدة