وياليت تفيدوني عن حجز القطارات من باريس الى جنيف الى انترلاكن الى ميلانو لاني اتعامل مع مكتب سياحي في الحجوزات وقالي اول ماتوصل الفندق احجز على الرحله المطلوبه للقطار وفيه ناس قالولي لا بالعكس تقدر تحجز من هنا,,,,,,,,,,,,, وانتم وش رأيكم لاعدمناكم.

با النسبة للمخطط جيد بس يحتاج تعديلات بسيطة
شيل يوم من ميلانو وحطة بانترلاكن ,,, وكمان شيل يوم من باريس وحطة بانترلاكن ,,, انت سفرتك اغلبها مدن وعواصم وحلو انك تزيد عدد اقامتك فا الريف اكثر فترة ممكنة بحيث يصير البرنامج
باريس 4 ليالي
جنيف 3 ليالي
انترلاكن 5 ليالي
ميلانو 3 ليالي
با النسبة لفندق باريس (الشاتو) هو صحيح مو خمس نجوم بس انه فندق رائع وعموما فنادق باريس قليله الخمس نجوم وكلها اسعارها فوق ال 2000 ريال با الليله وانصحك با الشاتو وبقوه
با النسبة للبرنامج السياحي هذا موضوع بيفيدك هنا https://artravelers.com/p/re/170642
الانتقال من المطار الى الفندق اكيد بالتاكسي وراح يكلفك حدود 50 يورو
با النسبة للانتقال من باريس الى جنيف قبل انتقالك الى جنيف بليله او ليلتين روح محطة جارديليون واحجز رحله الى جنيف وطبعا الرحلات كثير واختر الرحله اللي تناسبك ونفس الكلام للانتقال من جنيف الى انترلاكن تروح محطة القطار وتختار الرحله المناسبة وتحجز ,,,طبعا تقدر تحجز من عندنا با السعوديه بس اشوفها ماتفرق سواءا من هنا او من هناك لان القطارات كثيره وبتحصل ان شاءالله اهم شي قبل يوم السفر تروح وتحجز
موفق ان شاءالله

مشكور اخوي (حدي مصر ) والله يعطيك العافيه على التجاوب والمعلومات النيره.....

حدّي مصر
اخوي حدي مصر انا طال عمرك عدلت في الخطه وتقريبا مثل ماقلت بحيث تكون 4 ليالي في باريس ,, 3 ليالي في جنيف ,, 4 ليالي في انترلاكن ,, 4 ليالي في ميلان ,, ترا حطيت يوم زياده في ميلان لاني بسوي زياره لفينيسيا وكومو وفيرونا..... عافاك الله

سلطان 2009
الف مبروك اخوي سلطان .. وتروح وترجع بالسلامة
ممكن تعديل بسيط .. ممكن تاخذ يوم من جنيف وتضيفه لباريس لأنها تستاهل وممتعة وجنيف مملة نوعا ما .. أو تقضي يوم كامل في آنسي الفرنسية القريبة من جنيف .. جدا روعة وتوسع الصدر ..
بالنسبة لميلانو .. تاخذ فينيسيا وفيرونا في مشوار واحد طبعا يعني يوم وكومو يوم أيضا
وبالتوفيق اخوي