السلام عليكم ,,,
اولا احب اشكركم على هالجهد الكبير والواضح بهالمنتدى الاكثر من رائع
وثانيا احب آخذ نصايحكم ب سفرتي .. !
انا ناوي اروح ب رحله شبابيه ل ماربيا (بأذن الله) خلال 26-7 إلى 13-8
كم درجة حرارة الديره بهالفتره ((26-7إلى13-8)) وهل فيها رطوبه ولا لا
و ودي استفسر منكم بخصوص الرحله .. خصوصا انها اول مره لي اروح اسبانيا
من خلال تقارير الشباب في المنتدى (الله يعطيهم العافيه عليها)
عرفت ان اغلب الوقت يكون بال بورتا بونس .. !
وبقهوة دي بولا .. وان هذا السنتر بعد كل رحله ;)
وعرفت ان الكل يطلع رحلات ل غرناطه - ميخاس - مالقا - روندا - اشبيليه .. زياره يوم ورادين !!
بس ودي اعرف اذا رحت ل هالمناطق وين اروح بالضبط ؟؟
يعني اقعد احوس بالسياره وارجع ولا فيه اماكن معينه ل الزياره والتمشي ؟؟
يعني بالعربي الفصيح .. أبي احد يقدر يساعدني ب جدول شبابي ل اسبوعين تقريبا .. !!
بالنسبه ل السكن ..
انا لي اللحين محصل سكن ب ميخاس
ف ما ادري شنو رايكم بهالمنطقه ل السكن
خصوصا اني كل اللي قريته عنها بهالمنتدى انها منطقه او قريه تعتبر نائيه او قديمه وكلها كتابه على الجدران وهل تعتبر بعيده عن ماربيا ولا لا (( ل العلم انا ناوي أأجر سياره ان شاء الله ))
طبعا هالسكن احجز فيه عن طريق خصومات فندقيه ..
ودشيت موقعهم لقيت اكثر من فندق ب ماربيا نفسها .. !
بحط لكم اسامي الفنادق .. واللي يعرف اي واحد فيهم ينصحني فيه ماعليكم امر
Marbella Fairways
Jardines del Puerto
Sierra Park Clup
Royal Aloha Spain/RAVC
Heritage Resorts Club Playa Real
DVC @ Jardines del Puerto
Heritage Resorts MarbesaClub
وعندكم الخبر اليقين
ومشكورين مقدماً