أبو فيصل في
24-11-2022 - 04:35 am
السلام عليكم ورحمة الله وبركاته
كيف حالكم؟
أنا يا شباب إن شاء الله بروح لماليزيا وبالتحديد كوالالمبور بعد شهر لمدة 5 أيام (عندي رحلة طويلة، واخترت ماليزيا، لأنها في نصف الطريق للراحة، في نفس الوقت نتمشى أول مرة أروح ماليزيا)
أفراد الرحلة اثنين أنا وحرمي المصون
أبغا من اللي جرب وراح لكوالالمبور ينصحني وين أروح خلال هالخمس أيام؟
طبعا أنا مخطط على السوق الصيني، ولا أعرف غيره
أبغاكم تشيرون علي وين أتمشى؟ وإيش الأماكن الحلوة اللي تصلح للعوائل؟
وهل فيه مضايقة للمنقبات؟
طبعا انا ما أقدر أروح أي رحلة داخلية لأن هذا مخططي
تم حجز السكن في فندق The Royale Bintang Kuala Lumpur وتم الدفع أيضا
تم حجز الطيران (الخطوط الماليزية) وتم الدفع أيضا
نسيت ما قلت ترا ما يصلح لنا الأماكن اللي تبي مشي كثير، ولا الملاهي ترانا مال لين من الملاهي...
أرجو ما تقصرون معي، وتعلموني وش الأماكن الزينة؟
وشاكر لكم مقدما،
ولكم مني أصدق الدعوات
كوالالمبور مدينة كبيرة وفيها العديد من الاماكن السياحية , عندك المولات مثل بافيليون و ميغا مول وسوريا مول وغيره بس يعتبر بافيليون الاجدد وحلو بشكل عام , ايضا ممكن تاخذ جوله ليوم كامل واتروح سفاري الافاموسا هي عبارة عن منطقه بعيدة تقريبا عن مركز العاصمة راح تستمتع بعروض الحيوانات و غيرها من العروض والحديقة المائيه وايضا حديقة الحيوانات وجوله في سفاري الحديقه, و طبعا لا تنسى شارع العرب هو نفسه الشارع الي فيه بافيليون مول وراح تلاقي العديد من المطاعم المعروفه والعربيه وايضا محلات البيع الصغيرة , ممكن ايضا تزور حديقة الطيور وحديقة الفراشات وحديقة الفواكه وتجربة الفواكه المثاليه , وايضا ممكن تتوجه للاكواريوم او عالم ماتحت الماء مثل مايسمونه وتستمتع بمشاهدة الانواع المختلفه من االاسماك وغيرها,وطبعا لاتنسى زيارة مصنع الككاو مالهم واعتقد اسمه باريلز , وهناك العديد من الشلالات مااذكر اساميها وايضا الحدائق المائيه.
اذا حسيت بالملل وكان عندك وقت ممكن تسير لجنتج هايلاند منطقه فوق الجبل تبعد قرابة ساعتين او اكثر شوي , الجو في هذي المنطقة غير جو بارد وغيوم ومطر واذا كنت محظوظ راح اتجوف الغيوم طايرة حواليك لان المنطقه فوق قمة الجبل وفيها مدينة ملاهي ممكن تستمتع فيها. وهذا الي عندي وربي يوفجك.