هلا اخوي
البكج يختلف من مكان للااخر ومن شركة لشركة
بس انت باى مدينة اخوي
واعتقد راح يكلفك مع التذاكر والسكن والتوصيل ووجبة الافطار بحدود 18000 الى 2000الف حسب الغرف والفلل
دمت بود

شكرا اخوي طلال على ردك
طال عمرك انا في القصيم
رحت الطيار وفرناس يقولون لافيه بكج ولا غيره
طيب اخوي لا هنت 20000 هذي بدون المصاريف الي هناك
يعني على كذا مع المصاريف ووجبتين الغداء والعشاء
بتصفي الرحلة كلفتها 30000
يعني رايك احولها لمصر احسن
والله متحمس اروح لي شهر وانا احوس بهالمنتديات
ماقصرت اخوي والله انك كفو

لا ياخوي السفرة كلها اذا هي اربعة ايام ماراح تكلفك اكثر من عشرين الف مع التذاكر ياصاحبي

الله لايهينك ماقصرت وانا اخوك
لا ابشرك حجزت على القطرية ب8000
باقي الفنادق هذاني احوس فيها
وعندي استفسار لاهنت
Superior promo - free transfers (refund)
شمعناها هذي وش يقصدون فيها
وعندي سؤال مهم
رحلتي ع القطرية ترانزيت بالذهاب تقريبا 12 ساعه
يعطوني سكن اكيد والا يلفوا ويدوروا واجلس ساعه اترجاهم
بارك الله فيك
شكرا لك

ان شاء الله يردون عليك الاعضاء

الرياني211
اعتقد الجمله هذي اخذتها من احد مواقع الحجز؟ والمقصود فيها ان الفيلا او الغرفه من نوع السوبريور وداخله ضمن عرض ترويجي اللي هو نقل مجاني للمنتجع .والمبلغ يمكن استرداده لان هنالك بعض الفنادق تعطيك نفس الغرفه بسعر ارخص ولكن لايمكنك استرداد المبلغ لو الغيت الحجز
وطبعا بالنسبه لجميع منتجعات المالديف لايمكنك استرداد المبلغ اذا بقي على الحجز 40 يوم وقبل ذلك يمكنك التغيير والالغاء
وبالنسبه للقطريه لو بتترجاهم 12 ساعه ماعطوك سكن , حنا كان الترانزيت 17 ساعه ومااخذنا منهم لا حق ولا باطل ,افضل لك شوف لك فندق محترم بالدوحه واشبع نوم عشان توصل المالديف وانت مصحصح

شكرا بسبوسه على هذه المعلومات القيمة
اجل رايك احجز فندق في الدوحه افضل لي
ومشكورة ع الترجمه
انا بحجز عن طريق موقع agoda واعتقد انتي اثنيتي على الموقع هذا
يعني اتوكل ع الله واحجز فيه؟؟
والرد يكون فوري والا مثل asia rooms ادفعلهم ويقعدوا فترة بعدين يردون؟؟
الف شكر على مجهودك

اسئلة اخرى لو كان فيها اطالة
حصلت حجز على فندق kurumba
نوع الغرفة :
Deluxe bungalow promo - free transfers (refund)
السعر تقريبا 5000 شامل الافطار والضرايب ومالى ذلك لمدة اربع ليالي
الاسئلة/
@ هل الفندق ممتاز؟
@ هل نوع الغرفة ممتاز؟
@ هل السعر مناسب؟
@ بما ان العرض على الفطور فقط بمعنى احتاج الى وجبتين غداء وعشاء
ومصاريف اخرى... ماهو المصروف المعقول المتوقع يوميا هناك؟
@ ايهما افضل احجز half board او فطور فقط لان الفرق تقريبا 400 دولار.
@ اذا حجزت عن طريق موقع الفندق نفسه (kurumba) لايوجد اي تذكير للنقل من المطار الى الفندق
هل يعني ذلك ان النقل يأتي دايركت مع الحجز ام ماذا ؟
ماخليت نفسي بسؤال الا وسئلته
ارجوا ان يتسع صدرك لاسئلتي الكثيرة
شكرا لك

الرياني211
العفو اخوي
وافضل انك تحجز بقطر لان الرحله على مااعتتقد الصباح وبتجي للمطار قبل الرحله بثلاث ساعات لانها دوليه وقبلها بيوم لازم تكون موجود بالرياض (حسب كلامك انت من القصيم )
يعني بيكون تعب متواصل الين توصل المالديف
ففرصه اول ماتوصل قطر تتجه مباشره للفندق تنام وتجي قبل الرحله بساعه تكفي لان الحقائب ماتستلمها في الترانزيت وماتحتاج تقص بوردنغ باس
ولازم تتاكد من كل شي قلته لك لان كلامي هذا من تجربتي قبل 8 شهور يمكن يكون تغير شي عندهم
وبالنسبه لاقودا انا حصلت الحجز اللي تبيه وحابه اعدل على الترجمه , العرض المقصود بكلمة برومو هو ليله مجانيه لكل ثلاث ليالي والبوت ليس مجاني وانما محسوب عليك بالمجموع النهائي والمقصود بالنقل المجاني هو التنقل داخل الجزيره فمن عادة كورومبا انهم يوصلون الضيف اول مايجي بسيارة القولف وبعد كذا يدقها كعابي حتى لو كان بأخر فيلا بالجزيره
وانا اثنيت على اقودا بمقارنة اسعارهم مع غيرهم بالنسبه للمالديف فقط ,لكن ماسبق وحجزت منهم
والناس دائما يثنون عليه وعلى بوكينغ كافضل مواقع للحجز وانا جربت بوكينغ كان ممتاز والرد يأتي خلال 5 دقائق على الايميل
وشوف هالموضوع بيفيدك اكثر وتقدر تستفسر من خلاله
https://artravelers.com/p/re/412177