Pink Sea
06-10-2022 - 12:33 pm
السلام عليكم
أشكركم على عطائكم اللامحدود وخدمتكم لإخوانكم جعلها الله في موازين حسناتكم يارب
بإذن الله راح نسافر أنا وزوجي ماليزيا لأول مرة من 30 ديسمبر إلى 15 يناير
لكن المشكلة بعد ما حجزنا الطيران اكتشفنا انه يصادف الكريسمس مرة راح عن بالنا
ايش رايكم في توقيت الحجز ...؟؟
ابغى تدلوني على المدن اللي نروح لها والفنادق الكويسة وايش الاماكن السياحية اللي فيها
نفسي بمسبح داخلي تعرفوا المسابح العامة زحمة وصعبة اتسبح فيها
ونظرا للميزانية أتمنى في الجزر نسكن في فندق فخم وفي كوالا متوسط ... ايش رايكم..؟؟
تقريبا الميزانية18 .... 15 ألف في هذه الحدود ممكن تزيد ل20 ماأدري ^_^
ياليت تساعدوني في:
1- وضع مخطط للرحلة
2- الفنادق المقترحة
3- والاماكن السياحية
4- وكيف احجز الطيران الداخلي وهل توجد تنقلات بين المدن الساحلية بواسطة العبارة ..؟؟
5- وهل استطيع حجز الفنادق بواسطة بطاقة الصراف العادية أم الفيزا ..؟؟
وبما انه يصادف الكريسمس اتوقع اوربيين كثير هناك هل راح ألفت الانتباة بعبايتي ولا ألبس عباية ملونه؟ ؟
والله يجزاكم كل خير يارب
اختي الله يونسكم بالعافيه ويجعل كل ايامكم عسل
انا استفدت كثير من الاخوان اللي هنا وعندي كم معلومه يا رب تفيدك
واكيد الخبراء ما راح يقصرون وكلنا نتعلم منهم
بالبدايه احجزي من النت وخلي عنك جشع المكاتب السياحيه
وطبعا لازم بطافة فيزا وانصحك بفيزا مسبوقة الدفع اي شحن
موجوده عند بنك الراجحي والاهلي والبلاد رسومها السنويه 100 ريال وهي مناسبه بصراحه
وبالنسبه لكوالا فيه فندق 4 نجوم وجديد بصراحه موقعه ممتاز وقريب لشارع العرب اسمه Furama Hotel Bukit Bintang
واما جزيرة لنكاوي انا حجزت بفندق البلانجي بيتش فندق خمس نجوم واخترت غرفه مطله ع البحر
واما جزيرة بيانغ اخترت فندق البارك رويال ونفسه فندق خمس نجوم ومطل ع البحر بالنسبه للفنادق كلها ممتازه وفيها كل النشاطات البحريه وغير كذا موقعها استراتيجي والخيار لك
وانصحك اذا تحبي مسبح فيه مدينة البورت ديكيسون انا حجزت فله وفيها مسبح خاص
انا خليتها اخر يومين بالجدول اول شيي عشان ارتاح قبل العوده للسعوديه وثاني شي قربها للمطار الدولي نص ساعه بس
هذا اسمه المنتجع Grand Lexis Port Dickson
روابط راح تفيدك
https://artravelers.com/p/re/455764