- الاسواق : السوق المصري - السوق المسقوف - مترو سيتي - استنيا بارك.
- حدائق : حديقة اميرجان - حديقة بلديه فلوريا - حديقة جولهانه.
السلام عليكم تاريخ سفرتي من 7 فبراير(راح يكون يوم جمعة والوصول لاسطنبول 1 ونص مساء) إلى 13 فبراير ( راح يكون يوم خميس الاقلاع 3 وربع مساء ).
ماشاء الله المعلومات شامله في الموقع واشكركم عليها وقريت كثير من البرامج المقترحه واجوبه لاستفساراتي وسويت لي جدول بس حايسه فيه فاحتاج مساعدة كمان عشان مواعيد الرحلات للجولات والتلفريك وبعض الاماكن والايام الي تقفل فيها بعض الاماكن أو تتقفل بالشتا وقرب الاماكن أو بعدها عن بعض ماعرفتها كلها وعندي استفسارات.
يفضل في الجدول لمن اروح المنطقة اخلص أغلب الاماكن الي فيها وما تاخذ وقت كثير توفير للوقت والمواصلات وافضل استخدام المواصلات العامه والتاكسي في اضيق الحدود يعني إذا كان اوفر واسرع أو ماكان مافي مجال اوصل لو بالمواصلات العامه واغلب الاماكن ماحب اخذ وقت فيها كثير فهذا الشي ان شاء الله يساعد على اني امر على اغلب الاماكن يعني مستحيل امشي في شارع الاستقلال اكثر من ساعتين مثلا.
السكن في تقسيم والمدة اسبوع كلها باسطنبول وحابه ازور كل هالاماكن أو المهم منها إذا ماكفى اسبوع
وحابه بدايه زيارتي لاسطنبول تكون للجولات يعني في أول يومين وبعض الاماكن افضلها بالليل أكثر بأشرها بالاحمر طبعاً المناطق تقسيم وسلطان احمد، منطقة امينونو حابه اتجول فيها بالليل أو وقت المغربيه.
جولات : جوله البسفور ( لمدة ساعة ) - جوله الباص السياحي ( من منطقة السلطان أحمد ).
المساجد : جامع السلطان احمد - آيا صوفيا - مسجد أورتاكوي.
المتاحف والقصور : القصر المغمور - توب كابي - قصر بيلاربيه - دولمه بهجه - قصر يلدز.
الاسواق : السوق المصري - السوق المسقوف - مترو سيتي - استنيا بارك.
حدائق : حديقة اميرجان - حديقة بلديه فلوريا - حديقة جولهانه.
اخرى : جزيرة الاميرات - تلفريك الى جبل الالدوغ ( قريت انو مقفل للصيانه ماراح يخلص ببدايه فبراير ؟ ) - برج غلاطة - برج البنت - ميدان تقسيم - شارع الاستقلال - تل العرائس - شاطيء البسفور - محطة حيدر باشا للقطارات - مقهى بيرولوتي- غابات بلغراد.
مو حابه الجدول يكون مضغوط مره أو فاضي مره خير الامور اوسطها ما تدرون الواحد اش يصير معاه يضيع يتأخر بمكان أو تتوقف الملاحه عشان الجو أو شاف مكان جديد ماكان بالتخطيط وحب يدخلو عشان كذا.
استفساراتي
دخول الكنائس مسموح للسياح ؟
وفيه مطعم ناسيه اسمو بس اطلالتو على بحر أو على المضيق ناسيه كيف الاسعار فيه ويحتاج حجز ؟
ادري باخذ من وقتكم واوعدكم اردها لكم واعطيكم من وقتي بتقرير يستفاد منو ان شاء الله.
