ذكرت بعد اذا قصيت التذكرة لركوب القطار يذكر فيها رقم المقعد والا لازم اطلب رقم مقعد واكيد كل شي بحقه لاني اذا قعدت مابي احد يحرجني ويقومني:112:

الحجز يكون دايركت الى فينا بس لازم تتوقف لفترة بسيطه في سالزبيرق وانتبهي احيانن العربة اللي انتي فيها ما تكمل يعني لازم تسألين اذا توقف القطار هل العربة راح تكمل مره بغيت اتوهق انا والعائلة وبالنسبه للمقاعد القطار عباره عن كبائن كل كبينه 6 مقاعد بعضهم يحجز الكبينه كامله وتحصلينها مكتوب عليها من برى يبين انها محجوزه واذا انتم اربعة او اكثر يفضل تحجزون كبينه والغير محجوز يمكن تجلسين اي مكان تحياتي

حياك .. من فيينا الى زيلامسي لابد من تغير القطار في سالزبورق - نقطة مهمة جدا- اذا جيتي تحجزين اختاري رحلة او قولي لهم ابي الفترة بين القطارين ( منذ وصول قطار فيينا الى انطلاق قطار زيلامسي ) تاكدي انها تكون اكثر من ربع ساعه .. عشان يمديكم تنزلون شناطكم وتلحقون القطار .. واذا وصلتو سالزبورق تلقين مصعد انزلي لتحت واسالي الانفرميشن عن قطار زيلامسي او وريهم تذكرتك ..
وبالنسبة للمقاعد في درجة اولى وثانية وكباين .. انصحك بالثانية مناسبة ومريحة واذا تبين مقعد معين لازم تحجزين .. لكن ما انصحك لانو غالبا الرحلات ماتكون زحمه ..
بالتوفيق

ياجماعة الخير افتونا دحين انا في فيينا وسالت الرسبشن في الفندق قالولي الرحله من فيينا الى زيلامسي دايركت ومافيها تغيير قطار في سالزبورغ وانتو هنا تقولو في تغيير قطار وش العمل اصدق مين دحين

طويل البال جدأ
اخوي انا قلت لك ما تغير القطار بس بعض العربات (القطار عدة عربات ) تتوقف ما تواصل الى زل امسي لان الموقف هذا حصل لي وكنت جالس بعربة ومع اني حاجز الى زل امسي من فينا وكابينه خاصه ست مقاعد المهم لمن وصلنا الى سالزبيرق توقف القطار لفتره بسيطه حسيت ان العربة التي انا والعائله فيها اصبحت فارغه قلت مو معقوله اكيد فيه شيء نزلت وسألت ووريتهم التذكره وفهمت منهم ان العربه ىهذي خلاص راح تتوقف هنا روح للعربات الثانيه المهم ركض وتسحيب شناط حتى لا تتحرك العربات ويفوتنا القطار مع انه نفسه (والسبب هو من حجزت لي في محطة فينا ومع اني كما ذكرت لك انني حاجز كابينه خاصه كان المفروض من الموظفه تحجز لي كابينه في العربة المواصله لزل امسي او على الاقل تفهمني ولكن اسواء ناس تعامل الموظفين في محطة فينا انفسهم خايسه ولا يحبون السؤال ولا تتوقعهم مثل حقين الفندق ابتسامه لذلك انت احجز بس اول ما توصل لسالزبيرق لحظة التوقف اسأل هلعربتك سوف تواصل الى زل امسي تحياتي