- السلام عليكم ورحمة الله وبركاته
السلام عليكم ورحمة الله وبركاته
بدون مقدمات .. أنا عندي رحلة من شيكاغو إلى الدمام تاريخ 10 جولاي وحنا عائلة من 6 أشخاص مسافرين مع بعض .. المهم, لي اسبوع وشوي وأنا أحاول أحجز المقاعد على الرحلة الي من شيكاغو إلى أبوظبي ولكن بدون فايدة لأن السيستم داون! يطلع لي الرسالة هاذي (عذراُ، لا يمكننا تخصيص مقعد معين لكم حالياً. بينما سوف تتمكنون من اختيار مقعدكم عند إنهاء إجراءات سفركم إلكترونياً عن طريق الموقع الإلكتروني قبل 2-24 ساعة من موعد مغادرة ال (8500)
كلمت المكتب في شيكاغو لكن بدون فايدة حسيته مستعجل وما استفدت شي منه .. قال لي شيكي من وقت لآخر لين تضبط!!!!
جربت اليوم الفجر بتوقيتي ادخل وضبط .. حجزت بس مقعدين ورجع السيستم داون مرة ثانية ونفس المسج!!!
وش العمل الحين؟؟ أبغى احجز المقااعد لأن الرحلة طويلة 13 سااعة!! ويفضل عائلة نجلس بجنب بعض!!
بحثت في النت ولقيت ناس يقترحوا بالاتصال على الرقم المجاني لطيران الاتحاد أظن للمكتب الرئيسي وهو 8008971212 ويحجزوا المقااعد بكل سهولة! لكن للأسف جربت اتصل وما ضبط الرقم. هل الرقم لسة موجود أم مقطوع؟؟ وبما ان اتصاالي من أمريكا .. هل احتااج ادخال اي رقم قبل هذا الرقم؟؟؟
وش اقتراحاتكم؟؟ بااقي على الرحلة اقل من اسبوعين! وش اسوي عشان احجز المقااعد؟!
مكتب شيكاغو غسلت يدي منه! ووقت التشيك إن مستحيل نلقى جنب بعض!
بانتظار حلولكم .. وعساكم على القوة
أنا مره غيرت تاريخ حجزي من الرياض وانا في سان دييغو
وصيت أخوي وراح للمكتب في الرياض ودفع وأرسلو التذكره الجديدة على ايميلي
فلو عندك أحد بالسعودية يروح لمكتبهم ويحجز المقاعد لك عن طريق رقم رحلتكم أو أرقام جوازاتكم أفضل و أضمن و أهم جدآ متعاونين ومتساهلين ان شاء الله
ان شاء الله أكون أفدتك وتنفع الحركه هذي : )