fofan
30-10-2022 - 04:22 am
السلام عليكم يااحلى بوابة بخصوص حجز الفنادق لازم يكون عن طريق بوكينق ولا عادي احجز من المطار أول ماأوصل وهل في فرق في السعر وياليت تعلموني كم الفرق الله يخليكم هل هوفرق بسيط ام عالي وعلما اني سأقيم في مانيلا +بوروكاي فقط وهل بوروكاي لازم احجز الفندق من بوكينق ولا عادي من اي مكتب سياحي هناك ارجو الافادة الله يخليكم
بالنسبة لحجز الفنادق الافضل احجز اول يومين عن طريق النت منها انها تستقر امورك وبعدين اذا بغيت تمدد والا تشوف لك فندق ثاني وفي مانيلا وخاصة مكاتي وملاتي دايم اقول لاتشيل هم الفنادق ابد بتلقى فنادق على كيفك وعلى قد ميزانيتك. والمكاتب السياحية الي في ديرتك ما انصح فيها اعتمد على نفسك واحجز زي ماقلت لك مبدأيا بس.
هذا بالنسبة لمانيلا اما بوراكاي عندك طريقتين يا انك تاخذ بكج من المكاتب السياحيية في مانيلا شامل التذكرة والفندق او انك تقص التذكرة الداخلية وتحجز الفندق بنفسك عن طريق النت.
وفيه حاجة مهمة لازم تنتبه لها, وهي حجز المبالغ لما تحجز فنادق عن طريق النت فانت مثلاً لما تحجز عن طريق بوكنق غرفة لمدة يومن ب 400 ريال يحجز المبلغ ولما تطلع يسألونك تبي تسدد كاش والا بالفيزا فتسدد بالفيزا ولكن المشكلة المبلغ الاول يبقى محجوز لمدة لا تقل عن 15 يوم !!! عشان كذا الحل الافضل عشان ما تواجه المشكلة هاذي تحجز فنادق علىها عروض غير مستردة تلقى بعضها في بوكنق واقودا هاذي تخصم المبلغ من الفيزا على طول ولا يصير فيه حجز مبالغ ولا شي.
تحياتي واتمنى لك سفرة موفقة