ونسيت اقولكم انا حاجزه في بانكوك فندق اماري بوبيفارد وفي شنغماي اماري رينكوم .. شو رايكم؟؟

حياك الله اختي أم شيخة بالنسبة لشنغماي للأسف ما اعرف عنها شي
لكن بالنسبة لبانكوك .. إختياركم موفق لفندق اماري بوليفارد .. ومجموعة فنادق أماري في تايلند معروفة وجميلة جدا.
وان شاء الله الأخوان راح يفيدونك عن شانغماي

Awal_7abib ألف ألف شكر لك ... وعالرد السريع الله يعطيك العافيه... وننتظر المزيد

شو السالفه .. عطونا ويه .... محد رد عليه ... يالله يا خبراء تايلند انتظر الرد ... ولكم جزيل الشكر..

طولي بالك ياختي ام شيخة .. ان شاء الله بيردون عليك الأخوان

شوفي اختيه ام شيخه انتي اول شي كيف رتبتي الرحله من الامارات ايلين شنج ماي على طول ولا..... هذا واحد وثاني شي انتي حطيتي 4 ايام احسبي يومين من الرحله هايل لا تحسبينن لا نج يوم بتوصيلين بالسلامه بتكونين تعبانه من المطار ومن لعيال هذا يوم وطاف واليوم الاخير بعد لا تحسبينه بعد لان علي سفر( شو نسيا شو ما اشترينا ) اهل ابلا د يه و اعرفهم و اليوم الثاني بسيرين رحله بس اترتبيلى من توصلين من الفندق اترتبين عشان ما يطوفج يوم وتخسرينه هذا اليوم و بتاخذ ين طبعن يوم كامل اول شي بيراونكم كيف يسبحون الفيل بس شوفي اخذ يلج مكان حق الشرده انتي و اعيالج لان عقب ما يسبحونم وهم طالعين الفيله يشربون ماي ورشون بخرطومم وانتو بتمون تظحكون ويم بتي الفيله عدال الناس بشوفين الناس تشرد عن تيهم رشه وبعدين بيركبونكم على الفيل وبيمشونكم في النهر وانتو على الفيل و بعد ما يطوف النهر بيدخل في الغابه و بعدين بيطلع من الغابه و بيرد مره ثانيه في النهر عاد المره الثانيه بس بيعبر النهر ومب من طوله النهر. و بس شوفي خلي بالج يوم بتكونين على الفيل وانتو في النهر فيه واحد بيصوركم عاد اهنيه انتو اتعد لو. وانتو ام روحين بيعطونكم الصور عاد ان بغيتي تاخذين الصور تدفعين وان ما بغيتي روحي . وبعدين بيسون عروض للفيله وبعدين بيركبونكم شو اسمه عاد هذا مااد ري بس مثل مال قوم( افلونه) و (توم وسوير) يوم اسوولم مثل العباره بس حلو وبعدين بتركبون العربه الي يسحبونها الثيران بس بايخه وبعدين الغداء عاد الله يغنيكم عن هذاك الغدا و بعدين بيودونكم حديقة الزهور المعلقه وعقب بيدونكم حديقة الثعابين بس نحن ما سرنا بس تعبنى ردين الفندق العصر( هذا يوم) و اليوم الثاني تختارين رحلت الشلالات اول شي بيودونكم سيده اعلى قمه في تايلند بس اهناك لا تنسن اتلبسين الصغاريه اثياب غليظه لان برد انا انصحج تاخذ ينن وتحطينن في السياره الي بتوديكم مب خسرانه شي . بس اذا شفتي اشيره مكسوره في القمه شوفي كيف يتكسر الحطب في ايد كي كيف ما ادري انا بالصدفه شفت هذا الشي و بعدين بينزلونكم علي الشلال الاول بس بيكون اصغير نوعن ما و االثاني كبير و بعدين بيغدونكم عاد هذاك الاكل الي تاكلينه غصبن عنج بس من اليوع شو انسوي (هذااليوم الثاني )و الرحله الاخيره هيه حديقة الحيوانات بس تاخذين (توك توك) احسن من المشي في الحديقه لان في مرتفعات اشويه اذا بيمشي الواحد بيكون تعب اشويه احسن التكسي التوك توك و بعدين اسيرين تتسوقين في المراكز و الاسواق الشعبيه بس شي مطاعم عربيه في شنج ماي و سامحونيه اذا انا اطلت عليكم و شكرا

هلا ومرحبا ابولد أحمد.... مشكور والله ما قصرت كفيت ووفيت... طبعا انا رايحه من الامارات على طول على شنغماي... والله يعينا.... بس يا ناس ما رديتو عليه شو بالنسبة للعيال الصغار الرضع مثلا في بانكوك في سوبر ماركت يبيع سيريلاك وحليب وهالسوالف؟؟ ولا آخذ مؤونه من البلاد؟؟؟

شوفي ام شيخه من الاحسن ان تاخذ ين من لبلاد انا اشوف احسن لان يمكن ما اتحصين اذا بتحصلين( في البج سي ) هذا مثل الكار فور و شي عند م بعد كارفور انا سرتله بس مب لين اهناك بس انتي وين بتسكنن اذا في (اماري بوفراد) اتراه شي تحته على طول سوبر ماركت و شكرا

ما قصرت يا ولد أحمد ... هيه نعم بسكن في اماري بوليفارد ... بس السوبرماركت اللي تحته... يبيع كل شي...