1. السلام عليكم

-أنزل القاهرة و آخذ لي باص مباشرة لشرم الشيخ أقعد خمس أيام بعدها أرجع للقاهرة و أقعد أربع أيام
2-أنزل القاهرة مباشرة و أقعد فيها أربع أيام بعدين أروح لشرم الشيخ و أقعد خمس أيام بعدها أرجع للقاهرة لأني قد حجزت الطيران من القاهرة الى الرياض
صراحة مدري هل الوضع سهل اني أطلع من مطار القاهرة و ألقى باص عالسريع يودي و الا الدعوة تطول؟!

السلام عليكم

يا اخوي بخصوص سؤالك بقولك شي ليش ماتحجز طيران داخلي من القاهره على الشرم ترى مو غالي على ما اعتقد مو اكثر من 300 ريال اريح لك لان المسافه طويله من القاهره لين شرم الشيخ وانت كلها 10 ايام فا المفروض تستغل الدقيقه فيها
انا اشوف دام انك حجزت الطياران الدولي
تعال على القاهره واجلس يوم واحد واحجز اليوم الي بعدو على الشرم اجلس فيها الفتره الي تبغاها
وبعدها ارجع القاهره
أبغى فندق نظيف و سعره حلو و يكون قريب من النيل و أحس بجو القاهرة وش تنصحوني به؟!
أنا كنت حاط في بالي رمسيس هيلتون و سألت عنه قالوا الليلة ب565 ريال من مكتب سياحي وش رايكم؟!
و هل النيل في القاهرة يستاهل من يدفع عليه هالمبلغ؟!
فندق رمسيس جيد ولا باس فيه
وخاصه موقعه واطلالته جدا رائعه
وصدقني اقولها لك بكل ثقه وربي النيل يستاهل اكثر
وربي بس تجلس تتامل النيل تنسى الدنيا ومافيها
و بالنسبة لشرم الشيخ نفس الكلام أبي فندق ممتاز و يطل على الشاطئ يكون منظر الشاطئ منه خيالي و طبعًا نظيف وش تنصحوني به؟!
مبدئيًا حاط في بالي حياة ريجنسي الليلة ب445 تقريبًا فوش رايكم؟!
وبخصوص الشرم انا انصحك وعن تجربه فندق ماريوت بيتش
فندق نظيف جدا جدا وموقعه ممتاز
باذن حكون قريب في الشرم وحجزت فيه
و ما أبرز النشاطات اللي تنصحوني أسويها في شرم الشيخ خلال هالخمس أيام؟!
أنا أهم شي عندي اني أجرب الغوص بس مدري هل يمكنني ذلك و كم تقريبًا يكلف هالنشاط؟!
والله فيه انوااع النشاطات اول ماتوصل روح لنفس الفندق وعندهم تنظيم لنشاطات
بس لايفوتك العشاء البدوي ومغامرت الموتو سيكل جدا جميله
واتمنى اتمنى اني قدمت لك شي مفيد ويارب انك تنبسط في الرحله
بس لاتنساني من دعواتك

وعلى فكر لقيت لك فندق موققعه جيد
نوفتيل برج القاهره وسعر الليله509 ريال للغرفه المفرده
و550 للغرفه المزدوجه اطلاله على النيل مع الفطور
والله يسهلك يارب

يسلمو جنون أنثى على الرد السريع و المفيد
بالنسبة لسعر الطيران يبي يكلفني حول 500 ريال ذهاب و عودة أما الباص الظاهر حول 100 ريال ذهاب و عودة
هو صراحة مهوب المشكلة الفلوس المشكلة الطيارة و غثاها أقعد أنتظر و يمكن تتأخر الرحلة و حالة
طيب بالنسبة للحجز هل الأفضل من ناحية السعر اني أحجز من هنا من المكاتب السياحية و الا اذا وصلت أروح و أحجز خصوصًا ان هالأيام يبدو لي ما فيها زحمة؟!
طيب وش تنصحيني فيه هيلتون رمسيس و الا نوفتيل برج القاهرة بما انهما متقاربين بالأسعار؟!
أنا لا أخفيك درت على مواقع النت و شفت صور كثير من الفنادق بس ضيعت مدري وش أختار *_*
على فكرة جنون أنثى
اذا شفتي واحد في الماريوت يمشي يدربي راسه ما يدري وين يروح له ف اعرفي انه أنا خ
الله يوفقك و يسعدك و ييسر أمرك و الجميع

كان خليتها مباشره لشرم دامك ناوي عليها
بالخطوط المصرية كلفتني التذكره للشخص 2300 ريال رياض - شرم طبعاً ترانزيت - قاهرة -الرياض
انصحك بماريوت بشرم بالقاهرة انا من محبين الشقق
عموماً عشر ايام احجز لك 3 ايام بالقاهرة فندق واول ماتاصل خذ لك طياره ذهاب واياه 3 بشرم واحجز بالماريوت وباقي بالقاهرة
موفق

والله انا اشوف المكاتب افضل وعندك مكتب ركسون بجده
اختار انت الفندق وحول الفلوس لهم وهما يرسلو الفوتشر على الايميل
ومن ناحية اي فندق افضل والله ما ادري لاني ماقد سكنت ولا فواحد
بس فيه وحده اعرفها مدحتلي في فندق نوفتيل
انت اسال هنا في المنتدى واكيد في احد جرب
خلاص ولا يهمك على طول اذا شفت احد يدربي براسه على قولك اجيه ههه
الله يوفقك يارب وتنبسط في رحلتك واي استفسار انا موجوده

خلاص كلنا نجتمع في فندق ماريوت ههه

قف و ناظر
أصلن ما جتني الفكرة الا عقب ما حجزت و بعدين للمعلومية أنا أخذت التذكرة من الرياض الى القاهرة ب1370 ريال على الخطوط المصرية و لو أروح من القاهرة لشرم الشيخ بالطيارة تبي تكلفني 500 ريال ذهاب و عودة يعني المجموع أقل من 2300!!!
بالنسبة لشرم الشيخ يعني تشوفون ان خمس أيام كثيرة عليها؟!
و مشكورين على الرد

شفت أسعاره مكتب ركسون أرخص من مكتب الصرح في الفنادق اللي مختارها بس مدري هل هو مضمون و شغل الحجز سريع ما ياخذ وقت؟!

أجل أول مرة تروحين جنون أنثى أخاف تصفين معي و تدربين راسك ههه
الله يوفق الجميع