ام حووور
10-08-2022 - 04:07 am
اخواني خواتي كل عام وانتم بخير قبل الزحمه ويارب تكونو بالف عافيه وصحه
حبيت اسالكم عن فندق حجزه زوجي ب لانكاوي اسمه
BELLA VISTA HOTEL LANGKAWI
لان فيه اشخاص مااعجبهم الفندق وبصراحه انا متخوفها من الفندق
ياليت تعطوني رايكم فيه لان اذا ماهو بحلو نلغيه
واذا تعرفون فندق يكون حلوو وفيه جناح عائلي عشان العائله اللي معانا
لان انا وزجي ماعندنا مشاكل راح نحصل بس هم الله يعينهم يمكن مايحصلو
الموضوع الثاني والهام جدا جدا
اللي هو ابن عم زوجي كان حاجز عند واحد عن طريق معرفه له والشخص اللي حاجزين من عنده يمني الجنسيه بكوالا المهم ابن عم زوجي وزوجي كنسلوو حجوزاتهم من عنده
واعتذرو منه صار هو اتصل عليهم وصار يهدد ابن عمي زوجي ويقول اذا مادفعت فلوس اول ليله راح اجيك بالمطار
واجيب لك البوليس السياحي او اجيك لحالي واتفاهم معك بطريقتي الخاصه وصار يرمي كلام عليه
ابي شوركم ايش نسوي ندفع له ونصير نجلس ليله باللي هو حاجزه والا نبلغ السفاره اذا وصلنا
لان احنا رايحين نستانس ونغير جو مانبي مشاكل مع احد انا وزوجي وابن عم زوجي وبناته ال 3 الله يحفظهم وزوجته
سبب الغى الحجوزات ان زوجي طلع فيزا وحجز عن طريق النت ارخص وافضل
وهو ماخذ علىينا تخيلو 5 ايام بس بالانكاوي وبينانق 3500 ريال على الواحد وازيدكم من الشعر بيت جميع اللي هو حاجزه
لقيناها من النت ارخص بكثير يعني على كل فندق ماخذ زياده حوالي 200 تقريبا
ابي رايكم ايش نعمل وانا باانتظاركم اخواني وخواتي
اختكم
ام حور
بالنسبه لفندق لنكاوي بيلافيستا فندق عادي واقل من عادي
انصحكم لو الإلغاء مجاني تلغونه وتشوفون غيره وهو يعتمد علي ميزانيتكم
و إذا تبون شي رخيص وحليو احلي من بيلافيستا فيه الموتيارا او لنكاوي لاقون
او إذا تبون شي يكون غرفه كبيره ويكفي للي عنده ثلاث بنات الهوليدي فيلا حليو واحلي من بيلافيستا
صحيح مو فخم بس برضه احلي من الفندق اللي حجزتوه
بالنسبه للشخص اللي حجزتوا عن طريقه إذا وعدتوه صعبه نقول اسحبوا عليه
لكن دامه نصب عليكم مو بس تسحبون عليه إلا وبقوه ولا يقدر يلقاكم في المطار
ولا بيسوي اي شي انتوا مابينكم وبينه لا عقود ولا شي
واهم شي لما تدخلون بفندق بلنكاوي تقولون للإستقبال انه مايعطي احد اي معلومه عنكم
يعني لو احد يجي يسأل في الإستقبال لايعطيه الإستقبال اي معلومه انكم موجودين
وطبعا اكيد ماراح تسكنوا في الفندق اللي هو حجزه لكم حاولوا تغيرونه للإحتياط
وهو ماراح يلف فنادق لنكاوي كلها يدوركم
وانتوا في دوله لها نظام وقانون مو يقابلكم علي كيفه ويسوي اي شي علي كيفه