للحياه معنى
01-04-2022 - 08:02 am
مساكم ورد سبق واني كتبت عن نيتي للسفر الى امريكا في شهر رجب ان شاء الله وبقائي 29 الي 30 يوم سؤالي هل تكفي 60 الف ريال شامله مصاريف السكن والترفيه والاكل والتسوق ولاسيما انني لن احرص على السكن الغالي وتنقلاتنا ستكون بالسياره والتخطيط اسبوع واشنطن ثم اسبوعين في اورلاندو ثم العوده لنيويورك والذهاب من هناك لنياقرا ثم العوده للرياض ملاحظه *التذاكر ذهاب وعوده انتهيت منهم*نحن سبعه اكبر اطفالي 13 والصغير 2 *المبلغ المرصود قابل للزياده ...........مارأريكم ارجو الرد وكذلك ارشادي للاماكن الرخيصه والمعقوله حبيت برضو انبه انو احنا مانحب السينما وبس
السلام عليكم والله ليس لي خبره في الميزانيه
ولكن بما ان عددكم كبير ما شا الله فأقترح عليكم بأستأجار بيت في اورلاندو لأنه بيكون أرخص بكثير من الفنادق (ميزتهم يقبلون المكاسر)
وفيه هذا الموقع استأجرت منه كم مره .. وراح تلاقين شقق في نيويورك سعرها معقول مقارنه بالفنادق لأن نيويورك غاليه جداً
http://www.homeaway.com/
..اورلاندو ما انصحكم بدخول كل الثيم باركس مثل ديزني وينفرسال و و و .. لكن اختارو وحده منهم كذا راح تكون اقتصاديه اكثر لان تذاكرها مرتفع سعرها .. اما الحدائق المائيه تقدرين تستغنين عنها بأنك تطلعين يوم بحيره فيها جلسات وباربكيو منها اطفالك يسبحون و تتغدون وتنبسطون .. فيه كثير اشياء في اورلاندو احس مالها داعي مثل البيت المقلوب و صدق او لا تصدق .. كمان تقدرون تروحون الداون تاون حقت كيسيمي يسوون عروض للسيارات القديمه في ايام محدده .
اما نيويورك انصحك بزياره متحف الشمع والسنترال بارك وتمثال الحريه والتايم سكوير .. والتنقل في نيويورك صعب جدا بالسياره .. لأن سعر المواقف جدا مرتفع .
واشنطن كثير عليها اسبوع ! رحنا لها 5 ايام وانغثينا .. بس فيه عندك national harbor حلو مره وفيه منطقه اسمها الكسندريا كمان حلوه زي الداون تاون .. وطبعا بتروحين انتي للماموريال والكابيتال والبيت الابيض .. وفيه عندهم كم مول حلو .
نياجرا مافيها ولا شي الا الشلالات .. احنا اخذنا رحله سياحيه لمده 4 ساعات كانت تبع الفندق مع سعر الغرفه .
..
اتمنى اكون افدتك