baroorty
27-04-2022 - 06:33 pm
السلام عليكم ,,,
أنا عضوه يديده بس متابعه قديمه للمنتدى ... المشكله اني قررت السفر الى دبي في اجازة العيد مع زوجي و بنتي ,, و ماشالله اهل زوجي حبوا يسافرون معانا و صار العدد كبير و انا توليت مسئولية حجز الطيران و الفنادق لاني معروفه شاطره بهالامور
العدد كبير و معانا اطفال ، و أنا حجزت في فندق انتركونتيننتال فيستفال سيتي و خايفه من ردود الافعال
أبي نصيحتكم و المساعده لاني عن جد خايفه ،، وايد ناس قالوا انه بعيد ، و ناس قالوا المكان ممل ، و انا مو شايفته ... ابي اعرف صج هو يعتبر بعيد عن الاماكن السياحيه و مايسوى ؟؟ و الاطفال في اماكن لهم لانه معانا مجموعه كبيره من عمر السنتين الى 12 سنه ؟؟
مع العلم اني كلمت الفندق و حصلت الحجز لفتره العيد للغرفه العاديه 600 درهم مع الافطار و الضرائب و السويت الكبير اللي فيه غرفتين و حمامين 1400 درهم مع الافطار و الضرائب
ابي النصيحه علشان يمديني اغير الحجز ... ناطره مساعدتكم
