1. بسم الله الرحمن الرحيم


2. قلت له من الكويت .


3. قال انت مو موظف ؟ الكويت دولة غنية وعملتكم قوية .


4. قلت له ماعندي لك شي الحين فلوسي بالنفدق .


5. قال برسل احد معاك تعطيه والفلوس .

بسم الله الرحمن الرحيم

قبل كم يوم صار لي موقف اشبة بالافلام الاكشن بالتحديد تاريخ 10 يناير 2010 كنت نازل لمدة خمس ايام بمانيلا وبعد ماطلعت من المطار رحت لفندق رجنت كالعادة وحجز 1800 بيسو للاستديو وطلعت اتعشى بمكدنلز وبعدها طلت انترنت 88 بطلع رقم صديق كان مرسلة لي عالاميل وبعد نص ساعه او ربع ساعه طلعت من الباب الخلفي للنت وكان موجود حشاكم شخص معاه فتاتين وعرض على وحدة منهم , طبعا بحكم كثرة روحاتي للفلبين الشخص هذا كان يبيع ساعات تقليد بنفس الشارع ومرات فياجرا مضروبة , بس هالمرة تطور وصل للبنات , قلت له مشكورة بس وخر عن طريقي توني جاي من السفر بروح اريح قال لي تعالي اطيك بسعر طيب بس اختار وحدة منهم , وبنفس اللحظة قامت وحدة من البنات بوظع يدها على , شكلي صار غلط اقول للبنت لو سمحتى ابعدي عني وخذت ايدها وبعدتها عني وبنفس اللحظ ما احس الا على سفطت جيب بتجيرو تببع الشرطه وقاموا وخذوني معاهم انا والبنتين والشخص الثالث , سالت الى يسوق الجيب قلت له شنهو السالفه ؟
قال ان دافع فلوس علشان تجيب بنات قصر اقل من 18 سنة .
قلت يعطيك العافية .
وعلى طول عرفت ان هذا مشهد تمثيلي يبون كم فلس مني ( يعني مسالت ابتزاز ) عطيني او نسجنك كم يوم
المهم قلت له خل اروح اجيب هويتي .
قال ماله داعي .
وصلنا مركز الشرطة رقم 9 ( ستيشن ناين )
نزلت من الجيب ونزلوا معاي دخلوا البنات بالغرفة الى عاليسار وقعدت بالصالة الرئيسية الى او ماتدخل المركز والغرفة الى فيها البنات والشخص الثالث بالغرفة الى عاليسار غرفة صغيرة تقريبا 2×3 .
المركز اعرفة زرته من قبل يوم انسرق مني شنطه صغيره . ماكنت خايف ولا مستوحش المكان , كان احساسي انها مسالت وقت بس ,
المهم سالت الشخص الى عنده دفتر الاوال مال المخفر شنهو مشكلتي ؟
قال انت دافع 100 بيسو للشخص الثالث على شان يجيب لك بنات قصر .
قلت لة لا مو صحيح .
وقلت له بالى صار من اول ماطلعت من الانترنت لحد ماوقف الجيب مال الشرطة .
قال بس مسكوك كنت ماسكت البنت بايدك ؟
قلت لا مو صحيح كنت قاعد اوخرها عني .
قال ما اقدر اساعدك الفلوس موجودة وفي شهود عليك انك كنت ماسكها .
عرفت انه ماراح يقتنع بشي , قلت نفترض ان كلامهم صح , البنت مادخل معاي الفندق ولو داخله معاي الفندق امن الفندق راح يمنعونها ان تدخل معاي لانها قاصر اذا هي قاصر صج .
قال انت وين ساكن ؟
قلت فندق رجنت او اللود سويت حاليا .
قال ما ادري كلم هذا !
الا شخص لابس بنطلون عسكري وبدون قميص , رحت معاه بالغرفة الى عاليسار وسكر الباب ز
قال لي انت عارف انه قاصر ممنوع صح ؟
قلت له صح , بس انا ماسويت شي واصلا هو شافني بالشارع معاهم مو بغرفة النوم
قال لي راح تنزل عليك غرامة مئة الف بيسو اذا كملت اجراءاتي معاك .
قلت له كمل اوراقك انا مو غلطان وقلت له دائما اجي مكاتي ويمكن هذى المره 12 او 13 وكنت اسمع عن ابتزاز من بعض البنات ( لاحظوا مو الشرطة ) يعني الحجي لج ياجارة .
المهم قال تعال معاي , طلعت انا معاه لغرفة صغيره على يمين مدخل مركز الشرطة .
بادرت له بالسؤال , طيب كيف اقدر اخلص من القصة هذى ؟
قال تدفع سبعين الف حق اهل البنت علشان يتنازلون عن رفع القضية .
قلت لو تنفظني من فوق لتحت ماتحصل معاي المبلغ هذا .
قال ليش انت من وين ؟

قلت له من الكويت .

قال انت مو موظف ؟ الكويت دولة غنية وعملتكم قوية .

قلت له ان بلا صح كلامك . بس انا مفلس واصلا سفرتي كلها اربع ايام وساكن بارخص فندق , انا اصلا لو عندي فلوس كان رحت سكنت بشنجريلا مو رجنت الخايس الرخيص ولا هذا تلفيوني حتى تلفونك احسن منه ( وكان تلفوني نوكيا ابو تريك ) وانا اصلا كل الى معاي عشر آلاف بيسو حق الاربع ايام .
قال خلاص ادفع 15 الف بسيو لهم وينتهي الموضوع .
قلت له بدفع اربع آلاف لهم والسته الباقية بخليها للفندق , وبعدها ببعين نقالي علشان اقدر اكل واشرب لحد ما اسافر والله يعني عاليومين الجايين .
قال خلاص عطني الفلوس الحين !!

قلت له ماعندي لك شي الحين فلوسي بالنفدق .

قال برسل احد معاك تعطيه والفلوس .

قلت خلاص وصج ارسل معاي شخصين بلبس مدني بالجيب تبع الشرطة . ويوم طلعنا من المركز ووصلنا لشارع فرعي قبل فندقي وقف وقال الشخص الى يسوق عطني ساعتك وتلفونك واذا جيت تاخذهم !! قلت لا ماراح اعطيك تلفوني بخلي عندك ساعتي بس واذا جبت الفوس باخذها منك , قاله الى جنبة خلاص اوكي .
وصج نزلت خذت الفلوس من السيفتي بوكس مالتي وعطيتهم لهم وخذت ساعتي ومشيت , بعد ما خلصت من الفلم هذا قعدت افكر بالى صار صج او جذب شلون طلعت بتقريبا 100 دولار خساير بس .
جد ماني عارف اوصف الامر شلون صار , الموقف كله بحدود الساعه ونص تعاملت معاه ببرود شديد ادفع 70 الف لا ماعندي , طيب ادفع 15 الف اسف ماعندي , طيب شالحل معاك 4 آلاف عندي تبون او لا , يالله جيب العوظ ولا القطيعه , كان ممكن يكمل فلمة الخايس واترحل للسجن , وانا سامع انه معفن الله يعزكم بشكل محد يتخيله , طيب ليش البرود هذا بانفعالاتي معاهم ؟ يمكن لاني كنت عارف انه فلم مو اكثر . طيب في شباب سمعت عنهم انهم بالفعل ترحلوا للسجن هذا واطروا يدفعون اكثر من نص مليون بيسو علشان يطلعون . ما ادري المهم اني بفندقي بت والصبح الساعه 10 سالت على عنوان السفارة الكويتية وطلعت لها لقيتهم ناقلين لمكان ثاني خذت العنوان الجديد ووصلت لهم بحدود الساعه 11 الصبح وبلغتهم بالى صار معاي بالضبط , قالي وقت على شي عندهم قلت لا بس عطاني اورقة وقال لي اكتب اسمك وجنسيتك وعمرك فيها وبالفعل كتبت الى يبية , بس الورقة كتب عليها خرابيط واجد مثل لازم تدفع 100 الف بسيو غرامة وكتب فيها اسم فندقي كذا مرة و اهو كان يتكلم معاي كان قاعد يوقع على الورقة كذا مرة واخر شي كتب رقم تلفونة واسمة على طرف الورقة قبل لا اطلع يعني مالها اي قيمة . قال الفلوس راحت عليك , بس تقدر ترفع عليهم قضية , وبالفعل رفعت عليهم قضية عند السفارة وغيرت فندقي وسكنت بنفدق plp الى خلف جرين بلت بلدنك 5 ومشت الامور , الهدف من الموضوع كله هو الابتعاد عن هالشارع مع انه شارع مغري بخدماته للسياح واسعار الفنادق فيه مغرية , بس جد اهم شي انك تحس بالامن بالمكان الى انت فية ,
عالعموم اتمنى للجميع التوفيق والسلامة
واسف عالاطالة بالموضوع