1. رجعت لكم هنا بينكم علشان احكيلكم .. عن ؟؟؟؟؟

رجعت لكم هنا بينكم علشان احكيلكم .. عن ؟؟؟؟؟

مكان لو قلنا ( التسلية - الأسعار المعقولة - البحر الفيروزي- الرمال البيضاء- عدد كبير من الشواطيء الجميلة مجتمعة في مكان واحد - الجو المعتدل في الصيف - النعناع ذو الشهرة العالمية ولازم تاخد منه لحبايبك وانت راجع اوعي تنسي - شواطيء عجيبة - شاطيء الغرام - شاطيء روميل وفيه قبو كبير في الجبل للزوار وتشوفوا بعض ملابس ومكتب لروميل ثعلب الصحراء من ايام الحرب العالمية الثانية - بلد ذات طبيعة خاصة جداا ساحرة - شاطيء الابيض - شاطيء القصر - شاطيء كليوباترا وفيه صخرة طبيعية ضخمة تدخل فيها الامواج بصورة طبيعية لتكون حمام من نوع خاص هوه حمام الملكة الفرعونية كليوباتر كانت تاتي من مصر لتستحم فيه ؟؟؟ وممكن تدخلوا وتجربوا بنفسكم رائع وكل الناس بتيجي علشان تدخله وتتفرج عليه من الخارج ..) واذا قلنا الشاطيء الساهر طول الليل.. والي بيشتمل علي مكان عالبحر مباشرة للمارسة رياضة ركوب الدراجات لجميع الاعمار شباب وبنات كل ليلة في مشهد رائع لا ينسي.. الكافيتريات .. الشاي بالنعناع المميز.. الزحمة وكان كل مصر متجمعة في مصيف واحد بس..
الاسعار الممتازة والمناسبة لجميع المستويات .. مئات الشقق المفروشة .. عشرات الفنادق .. الناس الطيبين جداا..
كل ده باختصار في مرسي مطروح .. وهيه محافظة متميزة جدا تبعد عن اسكندرية 340 كيلو تقريبا..
يعني حوالي 4الي 5 ساعات بالسيارة.. بس تستاهل التعب وبعدين الي حايروح هناك مش اقل من اسبوع علشان يلحق يتمتع بكل ده يادوب..ومايشيلش هم الحجز خصوصا في الشقق لانها متوفرة جدا وباسعار ممتازة لاتزيد عن300 جنيه مصري لليلة وممكن اقل حسب المساحة .. اما الاوتيلات الخمس نجوم فهي ( البوسيت ومعاه شقق فندقية خطيرة عالبحر ) ( سان جيوفاني وهو في شاطيئ كليوباترا ) اوتيل القوات المسلحة .. ( القري السياحية _ اندلسية في شاطيء الابيض)
الاوتيلات الاخري ( ريم - عروس البحر- الخليج الازرق- رويال بالاس- ) وانصحكم بريم ..
وسائل الترفيه ( التجول في الاسواق وده لواحده حكاية كبيرة ولازم تشتري بذور ( بالسعودي) ونعناع.. وزيتون واحات سيوة المميز..
وركوب الطفطف.. عبارة عن اتوبيس بدون شبابيك ياخد بيك فسحة عالشاطيء بطوله وسط الزحام..
وكذلك ركوب الدراجات كل يوم من 8 الي 11 مساء عالبحر ..
الكارتة وهي عربية بحصان زي الحانطور في مصر وبارضه تتفسح بيها ..في سينمات تعرض احدث الافلام
قهاوي وكافيتيريات.. وزي ماقلتلكم اسعار الاقامة رائعة .. ارجو اكون افدتك يا بنت البحرين وافدت الجميع وانتظروا تفاصيل اكثر ان شاء الله ..
وياريت تقولولي ازاي احط صور في المنتدي ..
بنت اسكندرانية موت