السلام عليكم ورحمة الله وبركاته
مساءكم / صباحكم خير
أنا صار لي ثلاث شهور وأنا أقرأ بهالمنتدى الأكثر من رائع
وبغيت اليوم مساعدتكم في برنامج شهر العسل اللي راح يكون في أبريل القادم
شخصين
من تاريخ 7 ابريل الى 22 ابريل 2012 ( 15 ليلة )
أبغى مساعدتكم في تنظيم خط سير الرحلة
إحنا مبدئيا فكرنا في التالي:
باريس 5 ليالي - جنيف أو منترو أو لوزان 3 ليالي - انترلاكن 3 ليالي - ميلان ليلتين - روما ليلتين
وودنا نزور فينسيا بعد .. فهل ممكن نطلع لها من ميلان مثلا؟ أنا شفت ان المسافة من ميلان الى فينيسيا ثلاث ساعات وشوي
بس هل المواصلات سهله ومتوفره ؟ يعني هل القطارات متوفره روحه ورجعه بنفس اليوم ؟؟
اذا نقدر .. يصير ممكن نخلي ميلان - ثلاث ليالي وروما ليلة وحدة بس .. وش رايكم؟
وايضا من ميلان الى روما ؟ هل فيه قطارات يوميا ؟
وقد ايش تكلف القطارات غالبا ؟
بالنسبه للفنادق سهله الله يخلي بوكينق بس إذا أحد عنده أي إقتراحات ياليت..
يعني سؤالي عن المواصلات مابين سويسرا وأيطاليا وداخل ايطاليا نفسها؟ هل هي سهلة مثل داخل سويسرا ؟
وهل الأفضل أننا نستأجر سيارة في سويسرا؟ أو نكتفي بالقطارات؟
وبس
ويعطيكم العافيه