أول شي أطلب منكم السموحه السموحه من كل واحد طلب مني أطمنه أول ما أوصل لبانكوك سامحوني ماقدرت أتواصل معاكم من بانكوك فندقنه مو متوفر فيه الواير لس من الغرف لازم أنزل تحت في اللوبي وأكلمكم وكلما فتحت الاي باد ولدي ربي يحفظه مايخليني ياخذه ويلعب فيه
المهم نجي للمهم
بانكوك ناشفه ماصادفت ولا نقطة ماي أو مطر رجعنه بتاريخ 11 وماجفنه لا فيضان ولا محل واحد مسكر اللهم أكياس الرمل عند مداخل المجمعات
الله يسامح كل واحد خرعنه وقال إنه فيها بلاوي وناس ميته وناس غرقانه
رحنه وإستانسنه والله إنه ماحسينه بولا شي حتى الشوارع طبيعيه والمطار ماحصلنه ولامشكله ولا إنتظرنه ننتظر تاكسي ولاشي التاكاسي كانو يتحاذفون علينه كل واحد يرخص في سعره عشان نروح معاه
يعني ماحصلنه ولا صعوبه في شي والناس إلي قالت الماي مخلص من المحلات والاكل قاصر كان ودي أطز عينه بصوره من داخل ثلاجات الاسواق كلشي متوفر ولا قصرنه شي يعني إلي كان ناوي يسافر وهون بسبة الناس إلي خرعته صج ضيع على روحه الاجازه وآنه أشكر كل من طمني وقالي الوضع طبيعي
بعض المناطق حوالين بانكوك غرقانين ماقول لا حتى في الفندق يحطون في التلفزيون بس آنه أكلمكم عن بانكوك يعني بليز لا حد يدخل ويتفلسف علي