- نزلوا الشنط دفعنا تامين !
- وشوي الا واحد ينادي ابوو عبوود !! كان جالس في اللوبي!
--------------------------------------------------------------------------------
جلست انا وصاحبنا ابوعبود قال احنا كل مكان رحناه الا اندنوسيا ! وش رايك ننطلق هالسنه لها ؟ قلت وش في اندنوسيا حتى نروح لها ! المهم قال ترا اندنوسيا جميله طبيعه ولامثلها( ابوعبوود يحاول يقنعني مادري من قص عليه وأقنعه ) المهم قيل وقال وفي النهايه أقنعني .. يوم ثاني انطلقنا مكتب الحجوزات وحجزنا على الجارودا(( وكل شيئ اوكيه جينا المطار ,,, على الكاونتر نبي نقصالبوردنج ,, طقطق خوينا على الجهاز طالع فيني وفي صورتي على الباسبورت قلت في نفسي لايكون يقول مو انا ويرجعنا ((( ههه المهم طقطق وطلع لي البوردنج ) جا دور ابو عبوود طقطقق قال ماله حجزههه قلت دي اولها والدبره قال تنتظروا لين يخلصوا كل الركاب وانت اخر واحد ((المهم والشغالات صافين سرا قلت ابو عبوود ماظن اليوم نطير ...
المهم جلسنا ننتظر شوي والا صاحب الكاونتر ينادي يقول لقينا لك كرسي !!! طار ابو عبود من الفرحه قلت له اشش لاتفضحنا في المطار اركد !!!!! قص البوردنج لخوينا ابو عبوود اطالع في الرقم ابي اقراه كم ماعرفت (( قلت لأبو عبود الظاهر كرسيك ويا الكابتن
شوي والا معلنين التوجه الى الطائره انطلقنا الى المسار وياالشغالات !!! المهم دخلنا الطائره المضيفه شافت البوردنج حقي وعرفت مكاني وجلس وابو عبوود مر جنبي وقدامه مضيفه ودوهه اخر الطياره
طارت الطياره وبعد ثمان ساعات تقريبا وصلنا مطار جاكرتا
نزلنا من الطائره ابو عبود اخر من نزل
وصلنا ختم الجوازات ورحنا عند الشحن نبي نشوف الشنط الا وشنطة ابو عبود اول شنطه!!!! شالها ابو عبوود فرحان وانا انتظر الشنطه يمكن عشر دقايق وجت الشنطه!
والحين ابو عبوود قال يقولون فيه حجز فندق في المطار! طالعت يميني الا وصف مكاتب الكل يقول كم مايفريند!!
رحنا انا وابو عبودد حافظ اسم فندقين جاكرتا هوتل واتيريوم هوتيل المهم حجزنا في اتريوم !! طلعنا برا المطار والعالم مصطكه على باب المطار خويي ابو عبوود كل من ساله من اصحاب التكاسي قله وش سيارك (( تقول يبي يشتريها )) المهم واحد قاله كراون قال بس !! يالله ركبنا
ركبنا في الكراون وشحط بنا في ديك الشوارع ويمكن 25 دقيقه وصعد بنا صعده وقال وصلنا الفندق!! افتحوا لنا الباب
نزلوا الشنط دفعنا تامين !
وشوي الا واحد ينادي ابوو عبوود !! كان جالس في اللوبي!
ابو عبوود تعرف الرجال قال لا قلت شلون هو يعرف اسمك !!!! هاه هاه هاه (هادي ضحكة ابو عبوود) قال هذا سواق التاكسي اللي قالوا لي عنه !! المهم انا كنت تعبان وابو عبوود من وصلنا صحصح ! قال لصاحب التاكسي دقايق بنصعد الغرف وننزل لك!!
المهم طخينا الترويشه ونزلنا للسواق ! جلس يقول وش في جاكرتا وش مافيها طلعنا العصر بعد ماصرفنا صاحب التاكسي
وبيتزاهوت دانه في الأرض نزلنا واكلنا !! المهم ابو عبود شاف عصير اخضر قال للجرسون جيبي لي زيه!! جابوا له!! طلع افوكاتو يحسبه بطيخ والا شمام!! ادري اني طولت في السوالف لكن للرحله بقيه!!!
مشاءالله عليك وصف حلو وبدايه جدا رائعه
بس ما ذكرت متى كانت السفره عشان نكون معاك على الخط
اكمل ونحن معاك
تحياتى لك
:
:
:
: