- السلام عليكم ورحمة الله وبركاته
السلام عليكم ورحمة الله وبركاته
ما أعرف يا اخوان و يا اخوات اذا سمعتوا عن مدينة بالي في اندونسيا هيا معروفه بكثرة المنتجاعات فيها وصراحه اذا في مكان من قلبي ودي ارجع ليه فرح يكون ومن دون منازع مدينه بالي لانها وبكل المقاييس مكان يرد الروح
طبعا بعد ما كنت في جاكرتا لو احكي كم كيف حجزت تذكرة الطيران لمدينه بالي
وصلتني تذاكر الطيران وانا في غرفة فندق ريتز كارلتون واحد من الي يشيل الشنط اول ما دخلنا الفندق جاء وسلم عليا وانا في اللوبي وطبعا ما اقولكم على الخدمه وعلى الذوق والاخلاق بكل ابتسامه يرحب في الضيوف المهم سالني اذا احتاج أي خدمه اوشيء فسالته اذا تعرف مكتب لحجز تذاكر الطيران عشان بعد كم يوم بروح لمدينة بالي
والراجل ما كذب خبر كلها ساعتين واعطاني خيارات ما بين ثلاث شركات طيران مع وقت الاقلاع ووقت الوصول لكل رحله والاسعار وقالي ايت فيهم حابه تحجز واخترت ،صراحه مو فاكره اسم الشركه المهم ومن جد وانا جالسه في غرفة الفندق يندق الباب والقاه واقف عند الباب وفي ايده التذاكر وفوقها يقول تحتاجي أي خدمات ثانيه
قلت لا شكرا جزاك الله خير وفي قلبي بقول يا كذا الخدمه يا بلاش وارجع اذكر هذا مو الى في الاستقبال او في الحجز هذا الى يشيل شنط الضيوف للغرف اول ما يوصلوا للفندق شوفوا الخدمه على اصولها من اصغر موظف في الفندق لاكبر موظف
أما بخصوص حجز الفندق في بالي فبرضوا بنفس طريقة حجزي في جاكرتا انا حجزت عن طريق الموقع الجديد
Arabrooms.com
جدا سهل وبسيط واسعاره رخيصه وكله عن طريق الموقع وبالكردت كارد
والان نجي للفندق والمنتجع الى نزلت فيه
Ayana resort and spaBali
هذا مو منتجع هذي جنة موجوده على الارض وما حد داري عنها
نعيم مكان يرد الروح ، مكان للناس الرايقه
موجود المنتجع على تله والإطلاله على البحر يعني ولا احلى
صراحه كل ما اتذكر احس في دمعه بتنزل من عيني ودي اروح ثاني
عموما مدينة بالي هيا مو المكان الى الناس تروح له عشان التسوق ، مدينة بالي مكان تروق فيه الدماغ وتطلع كل الشحنات السلبيه الى في جسمك ، مكان ترجع منه فريش بالعربي ههه
والان يا اخوان ويا اخوات اتركم مع الصور
ان شاء الله يا رب يكون الموضوع عجبكم
مشكور ع الموضوع
تحياتي