- ياجماعة الخير من اراد الإستجمام والمناظر الخلابه يروح لأنسي
تحياتي للجميع
لقد سافرت خلال اجازة عيد الفطر لدولة فرنسا وقد كانت وجهتي الأولى لمدينة انسي المهضومه في هذا المنتدى
ياجماعة الخير من اراد الإستجمام والمناظر الخلابه يروح لأنسي
صحيح الرحله متعبه لأني غلطت في ترتيب الرحله لأني نزلت على مطار باريس وقد كانت انسي تبعد عن باريس بالقطار اربع ساعات وتدرون الواحد جاي من تعب الطياره وشوي على القطار اربع ساعات تعب في تعب والأفضل اني كنت انزل على مطار جينيف في دولة سويسرا ارحملي من العذاب الي مريت فيه لأن أنسي تبعد ساعه وربما أقل من جينيف بالباص ويكمن بالقطار اقل
بس ياجماعة الخير روعه مابعدها روعه ولا فيه زحمه مثل باريس الي تحسفت على عدد شعر راسي اني قضيت فيها اربع ايام حدها يومين وكثير والناس اذواق
اذا اردت التسوق أنسي ارخص بكثير من باريس معى انها نفس المحلات الي راح تحصلها بباريس والحسافه الكبرى اني رحت لمنطقة انترلاكن الي في سويسرا ولقيتها اقل من انسي بالجمال معى ان الهاله الإعلاميه عليها قويه وكانت الأسعار فيها نار ولاتجد اماكن ترفيه غير الجبل وبرد لايطاق العاب ثلجيه وكثرة الخليجين كأنك في دبي بصراحه لاتستاهل العنوه
المميزات حقت مدينة انسي
1 - اسعار رخيصه للفنادق والمشتريات
2- بحيره ولا أروع يبغالك بس تجلس بس وتتأمل
3- ماتحصل سياح عرب فيها ابد ، عن الكذب عايله وحده شفتها خليجيه بس طوال الأربع الأيام
4- توفر الالعاب المائيه الجميله من غطس وسباحه ومراكب شراعيه وتجديف بالأرجل او اليدين
5- ناس طيبين لأبعد درجه ولافيها اجرام كباريس
6- توفر المطاعم الحلال العربيه والهنديه والتركيه بأسعار معقوله
بتقولون وين الصور بقول لكم حاضر بس عسى الكميرا تشتغل من جديد لأن الحبايب في مطار باريس عطلوها لي بسبب تفتيشهم السيئ في العوده بس بحاول اشوف لها صرفه وبكمل الموضوع بالصور لاحقا
لكن باريس تتسحق الزياره للأمانه يومين او ثلاثه
بنتظر الصور وتقرير ما يخرش الميه من مصاريف واسعار وغيره