1. ندخل في الموضوع .........

صباح الخير على الجميع ونشكر جميع القائمين على هذا المنتدى الاكثر من رائع ويعلم الله ان شهادتي فيه تعتبر مجروحه

ندخل في الموضوع .........

قبل كل شئ الميزانيه سوف تكون عشرة الاف ريال و ألفان ريال احتياط لا سمح الله سار شي ولا شي ولا حنا مجهزين اعمارنا ( ؟ - ؟ )
الرحلة سوف تكون كتالي ( الرياض - جاكرتا والجلوس فيها ليوم واحد ثم الانطلاق الى بالي والسكن فيها لمدة 4 ايام ثم الحجز على اقرب خطوط والانطلاق الى ماليزيا وبتحديد العاصمه كالالمبور ) علما ان مدة الرحلة 15 عشر يوما , ومن ثم العوده الى ارض الوطن .
طيب ياجماعة الخير و يا أهل الخبره وشرياكم في هذا البرنامج هل هو بالفعل ممتاز ولا غربله وتضيع وقت ومصروف زياده علما ان افراد الرحله هم اثنان شباب منسمين ومالهم في الهشك بشك ( اوكيه ) يعني نبي ملاهي وفلة حجاج وغيرها من الوناسه ولا انسى الجو الرومنسي الامطار والعلوم اللي توسع الخاطر .
طبعا وهذي التجهيزات اللي راح تكون معنا ( اولا : وهو الشئ المفضل لدي والذي لا استغني عنه هو كمرتي الغاليه علي ومن ثم شورت السباحه والنظارات التي اعشقها بجنون + عزبه صغيره فيها نواشف متعدده للافطار + الجهاز المحمول ( الاب توب ) وعلى طاري الكمبوتر هل تشوفون ان اخذه معي واللي اخليه في السعوديه أأمن وبس وهذا من وجهت نظري .
طيب الزقرتيه اللي سبق ان سافرو الى هذي الديره اتمنى ان يفيدونا وش الافضل و ما هو الخطاء في تخطيطي انا وخوي دربي ؟؟؟؟؟
طبعا هذا اهم شئ افكر فيه الذهاب الى السفاره السعوديه واعطائهم صوره من الجواز او ارسال صوره الجواز عن طريق الايميل الخاص بالسفاره
س / هل السفاره تتعامل عن طريق الايميل يعني لو ارسلت صور الجوزات عن طريق الايميل هل بتم الامور بسلامه ولا لا بد اني ازور السفارة هناك ؟؟؟؟؟؟؟ و الله بيني وبينكم مهي بشينه اني اسوي زياره الى السفاره منها اني اشوف هسعودين كيف عايش هناك ومنها اعطيهم صور الجوازات ...............؟
ثانيا : اول ما اوصل المطار احجز من هناك تذكره على بالي وكذلك احجز تذاكر على جاكرتا - ماليزيا ذهابا وعوده .........؟
ثالثا : أصرف من السعوديه 1500 دولار واخليها معايه احتياطا ولا اصرف من هناك أعني من مطار جاكرتا .
رابعاً : هل بالي تستحق الجلوس بها اربع ايام ولا لا ......... وابغى اسم فنادق تكون اسعاره متوسطه و نظيفها في بالي ............... و هل تنصحون انا اجلس في الجبل ولو لمدة يوم ......
خامسا : تقسيم برنامجي ما بين جاكرتا وماليزيا ياترى هل هو ممتاز ولا غربله .............. ؟
ويعطيكم الف عافيه واتمنى الرد لان موعد الرحلة بالتمام يوم الجمعه المقبل الساعه الثامنه ونصف مساء وتاريخ 13/ 8 / 2006