خذها نصيحه مني التنقلات الكثيره راح تحرمك المتعه ولا راح تخليك اتشوف المكان عدل ليش هالزحمه كلها
اول شي فرانكفورت وين وامستردام وبراغ وين ليش هالمشوار كله الا اذا انت مضطر تنزل في فرانكفورت
بروكسل وباريس وجنيف معقولين لانهم جنب بعض بس ميلان ليش بعيده ترى مشوار انصحك كنسلها ومافيها شي حلو ومميز اذا وصلت جنيف خلك فيها ودور في سويسرا واستمتع فيها
لوتنزل في امستردام وتقعدون فيها وتعطونها حقها وبعدها بروكسل وتعطونها حقها وبعدها باريس وبعد ليون انصحك اتشوف ليون الفرنسيه انا كثير حبيتها قبل جنيف
وبعدها كملو جولتكم في جنيف وروحو اليورب بارك في المانيا بجنب زيورخ لاتزجمون نفسكم واستمتعو بوقتكم مب كله ضرب خطوط ومشاوير وتعب مايسوى
وارجع من مطار فرانكفورت اذا تبون
اتمنى تخطيطي يعجبكم

الرحلة الشبابية لها وضع خاص عن العائلة .. سافرت شباب قبل مرتين وبنفس عددكم كنا ,, صراحة اخر وناسةاذا تبي رائي الغي بروكسيل زرناها قبل مدينة كئيبة نوعا ما .. حتى اهلها طفشانين منها ..
امستردام جدا جدا روعة لايفوتك الباص السياحي وحدائق الورود .. ابتعدوا عن التجول بالازقه تجدون كثير من بائعي المخدرات بين الازقه هناك
بالمناسبة اذا معكم سيارة بامستردام اول ماتستاجرون الشقة روحوا وقفوا سيارتكم بموقف عام قريب من الملعب الاولمبي اللي هناك اليوم ب8 يورو لان السيارة ماراح تنفعك بامستردام جدا مزحومة والمواقف غالية تقريبا الساعة ب 3 او 4 يورو تقريبا
باريس بعد حلوة شباب بسس بتصير بعيدة شوي انصحكم بعد باريس تتوجهون لاوربا بارك برايي المتواضع انها امتع من ديزني لاند اللي بباريس ( ركز على امتع )
ومنها تنزلون على شلالات الراين وسويسرا سواء بانترلاكن او غيرها جنيف ماراح تستفيدون شيء منها وبعد ميلان فيه مدن احق بالزيارة منها
براغ ما اقدر افيدك بشيء .. لكن اذا تبي تروح بتمر على النمسا اقعد بها كم يوم .
المهم التنويع بين المدن والارياف .. انتم مخططكم كله مدن .. لو تخصصون 8 ايام من المخطط للارياف الاوربية بتزيد المتعة والراحة النفسية
عالعموم اتمنى اني افدتك ولو بالقليل وتروحون وتجون بالسلامة

يامرحبا بالاخت funny firl لج جزيل الشكر
اللي مخوفني في الخطه ان فيها ضرب خطوط - بننزل على فرانكفورت بننزل فيها لانها جريبه من امستردام (عندنا شنغل من المانيا والقرار الجديد يقول لانز النزول في الدوله المستخرج منها الفيزا )
ميلان بنزورها تغيير وخاطر واحد من الشباب وهي تبعد عن جنيف 3 ساعات
انا عن التنقلات الكثيره بتحرمنا المتعه هاي الشي صحه والحينه لازم اغير في الخطه
مشكوره على الرد الطيب

لك جزيل الشكر اخ الريف الالمانيصدقت السفره الشبابيه له وضع ومتعه خاصه وحلاتها في التنقلات
تصدق ما انتبهة ان كل المناطق اللي بنزورها مدن ومافي ارياف
بروكسل هي على دربي من امستردام لباريس وهي تبعد عن باريس ساعه ونص
اذا عندك اي مخطط وراي عن فنادق وامكان الحلوه في امستردام لاتبخل علي

امستردام ببساطة افضل عاصمة اوربية بنظري تجمع الحضارة مع الطبيعة واجواء جدا رائعة بشهر يونيو .. بسس امستردام شققها غالية نوعا ما مقارنة بباقي العواصم .. احنا حجزنا عن طريق بوكينق شقة بالصدفة طلع صاحب الشقة مصري وكان دليلنا هناك قبل لا ارد عليك حاولت ابحث عن الشقة بالايميل ولا لقيت الرسالة سامحنا .. الشقة ليست بالسنتر لكن محطة المترو بجوارنا ثلاث محطات وننزل بالساحة .
فيه قرية قريبة من امستردام حوالي 120كم تسمى بفينيسيا هولندا .. ايضا الباص السياحي حاول تعرف متى يكون فيه عربي اذا مالقيت عربي آجل الرحلة ,
صدقني بعد الرحلة والكلام اللي تسمعه من المرشد السياحي المسجل باللغة العربية ستصبح هولندا بعينك عظيمة . !
هناك لا تتحدث كثيرا مع شباب العرب .. تجد كبار بالسن من اصول عربية بالمطاعم بساحة الدام سكوير تستطيع ان تتحدث معهم بكل راحة وتستطيع ان تستفسر بكثير من الامور
ما انصحك ابدا ببروكسيل ابدا لم يعجبني شيء بها سوى الويفر او الكيك البلجيكي ..
اذا بتمر بلجيكا مر على بروج ساحليه وشاطي جدا جميلة واثنى عليها شخص سوري قابلناها هناك ونصحنا بها لكن ماكانت بالمخطط ووقتنا محسوب بالدقيقة والثانية
متعة يورب بارك في رست الالمانية لاتفوتكم افضل من ديزني لاند كألعاب وارخص
جميع الشقق اللي سكنا بها من بوكينق تقدر تبحث براحتك حسب ميزانيتكم وحسب راحتكم بالمكان المناسب من الخريطة