انا ارشح لك النمسا وايطاليا للتسوق وسويسرا
فهي قريبة جدا من بعضها وجميلة جدا

مالك لوى
تسلم اخوي
ونشوف اراء الاعضاء الباقيين

بدايه النمسا وتأخذ سياره فيها وتسلمها وتروح بالقطار وتستاجر سياره بسويسرا او نفس السياره ومن ثم من جنيف الي باريس بلقطار وباريس لا تحتاج سياره جميع تنقلاتك بالمترو افضل العوده من باريس لانها افضل تسوق ومن ثم الدوحه
اذا قررت ضع استفساراتك بكل دوله لكي تحصل علي عدة خيارات والله يوفقك

مثل ماقال مشرفنا فيصل
بنسبة لي انا اقولك كنسل النمسا وخلها بعدين في سفره ثانية
وخل سفرتك لسويسرا وفرنسا
لان الوقت ضيق وبيروح كله بتنقلات
انا اشوف تطلع من الدوحه الى جنيف والسكن يكون بجنيف وممكن اتزورون المناطق القريبه مثل لوزان وممكن اتروحون لميلانو واتسوقون وترجعون بنفس اليوم لانها مب بعيده
وتقعد فيها اسبوع وبعدها تطلع بلقطار لباريس وتقعد فيها اسبوع وممكن تطلعون على كان مدة يومين
انا انصحك بهلجدول لان معاك اطفال وبيتعبون بتنقل الكثير وخصوصا المدة مب اسبوعين لو شهر كان ضفنا فينا وزلامسي وميونخ وهشي من وجهة نظري
وانا جربت الجدول الي عطيتك اياه واحتمال كبير انكرره هسنه بعد
وطبعا القطرية لها رحلات دايركت من الدوحه لجنيف
وبنسبة لستفسارات السكن للاسف ماعندي علم بشقق ممكن تنقل استفساراتك للبوابة السويسرية والفرنسية بعد ماتستقر على الدوله
لان هنا ينتهي دورنا ويبتدي دور البوابات المتخصصه
واي استفسار انا بلخدمة
سلام

حلو ومدلع
مشكور اخوي على اقتراحك واعتقد انها مناسبه لي
سوال اخر
اذا زادت المده (في كل دوله اسبوع) سويسر و النمسا وفرنسا
كيف بيكون المخطط

عزيزي انا كنت مسوي مخطط وهو من الدوحه الى ميونخ
بعدها اخذ سياره او استاجار سياره ما دريول واتروحون الى زلامسي لانها قريبه
وتقعدون بزلامسي 5 ايام وبعدها تطلعون سوان بلقطار او تستاجرون سياره واتروحون لفينا وتقعدون 5 ايام
ومن فينا بطياره لجنيف او ممكن سياره لو حابيت او قطار وتقعدون 5 ايام
ومن جنيف ممكن اتخصصون يوم لزيارت ميلانو
وتطلعون من جنيف لباريس وبعد تقعدون 5 ايام
والمجموع يصير 20 يوم
انا سويت هلجدول بس المدة في كل منطقه كانت اكثر ومع ذالك تعبنا مع ان كل الي بسفره كبار
لهشي قاعد احاتي اليهال لان راح يتعبون وايد وايد ومابيتحملون شناط وشيل وحط لهشي
في التنقلات اذا ماراح اتاجر سياره واتسوقها اقل شي اجر سياره بش اتوصلكم من منطقة الى الثانية
مع اني اشوف اتخليونها جنيف وباريس وبس
وحتى لو ناوي اتزيد اسبوع ممكن اتخليه بانترلاكن بدال النمسا علشان المسافه
واتخليها من الدوحه لجنيف وبعدها اتكون حاسب احسابكم على شخص يوديكم لانترلاكن وتقعدون اسبوع وبعدها ترجعون جنيف 5 ايام ومثلها في باريس
واكيد الخبراء بلبوابات بفيدونك اكثر
واي سؤال ان ابلخدمة
ومن جنيف اتروح لباريس

لو ذهبت الى بوابه سويسرا والنمسا وطرحت سؤالك هناك ستجد تجاوب اكبر
تحياتي