ان شالله الاخوان الخبراء يساعدونك .. بس كنت ابي اطمنك ان الهلتون متروبوليتان خوش فندق
وموقعه ممتاز في الاجورد رود .. و محطة الاندرقراوند قريبه منكم

وعليكم السلام ورحمة الله وبركاته
ياهلا ويامرحبا فيك اختي
وجازه سعيده ان شاء الله لنا ولك والمسلمين اجمعين امين
ان شاء الله يفدونك الاعضاء ومايقصرون معك
اختك
عطر ايامي

انا بنط عالاستفسار تبع ال Big Bus
التذكره شامله يومين انصحك اليوم الاول تاخذ الخط الي يوديك عال Baker st وتنزل عند متحف الشمع نقطه الباص كلش لاصقه بالمتحف وبعد ماتخلص تركب وتروح لل Regent st تتسوقون شوي ومن بعدها تقضون الليل ناحيه البيكاديلي والبيكاديلي لاصق بالريجنت
اليوم الثاني تاخذ اللفه بالعكس علشان تبدي بقصر الملكه وبعدها ال Big Ben و بعدها تروحون London Eye
تقدر تروح الكوفينت قاردن مع اني مارحت لها بس من التقارير مبين انها منطقه لطيفه احسها تونس للاطفال
اذا انتو سريعين تقدرون بعد متحف الشمع تروحون حديقه الحيوان لانها بتكون قريبه عليكم
وباليوم الثاني بعد London Eye تقدرون تدخلون الاكواريوم الي جنبها
وايضا اذا كنت بالبيكاديلي في متحف صدق او لا تصدق اذا حاب تدخله
وللاطفال عندك مكان باليكاديلي في العاب اسمه التراكاديرو شخصيا ما شفته عدل بس دخلت الدور الارضي لهل المجمع
هاذي الاشياء الي اذكرها حاليا
بالنسبه لثيستيل صديقتي اتوقع كانوا حاجزين Family room وكانوا 4 اشخاص كبار وطفله كانت مكفيتهم
بالنسبه لسؤالك ايهو افضل مصنع الكادبوري او الملاهي مع اني مازرت الاثنين بس افضل الملاهي
لان المصنع يبيله عمر شوي اكبر واتوقع بيستانسون بالملاهي
هذا كل ماعندي واي استفسار حاظره
تروح وترد بالسلامه ان شاءالله

هيلتون اللي في الادجور رود اوصخ شارع وش يسكنك فيه !

اشكر جميع من افادني بالنصائح القيمة كأس عسل قرأت ردود كثيرة لك أستفدت منها جزاك الله خيرا وشكراللاخت عطر ايامي لتفاعلك ودعائك وشكر travel -aholicعلى ردك الجميل كتبت عندي مخطط البق بص جزاك الله كل خير london -riyadh أخترت الهيلتون من مدح الاعضاء له وأنا من الناس الي أحب المكان اللي يكون فيه خليجين بالسفرلمكان أول مره أزوره أحس بالامان والونس ماأدري ليه وأتمنى الرد على باقي استفساراتي فيما يخص نوع الغرف في الهيلتون واذا كان حجز الغرف في كلا الفندقين المذكوره اعلاه بالفطور هل يشمل الاطفال وكذلك مايخص منطقة البحيرات وطريقة الحجز والاماكن واي نصائح اوتوجيهات مهمة

العفو اخوي او اختي ماء زمزم
انا سعيده باستفادتك من الشي البسيط اللي اقدمه للمنتدى
شيكت الاسعار بتاريخ وصولك لندن لفندق هيلتون متروبول
و اشوف ان اسعاره ممتازه بالنسبه لفندق في مستواه بموسم الصيف
الفاميلي رووم عندهم سعرها
Price Per Night (GBP) £163.00
يعني 163 باوند في اليوم
ونفس هالسعر ينطبق على الاكزكتيف رووم Executive Room
وعندهم انواع كثيره من الغرف تبدأ اسعارها من 113 باوند ..
اختيار موفق وانا انصحك بالحجز الحين ع اساس ماترتفع الاسعار مع قرب موعد الاجازه

نصيحه اخت لاخوها خليكم بس عالثيستل احسن
ومليان خليجيين احسن من الاجوارد روود
وقريب من السوق وقريب منه وايد اشياء
وبالعكس انا اشوف انه مستغلين العرب بالاجوارد روود
وانا بعد كانت اول زياره لي وتوفقت فيه
وكل شي قريب الباص والاندرقراود وبقاله ومطاعم وسوق والهايد بارك

travel-aholic
صح فعلا .. هذا راي انا بعد
بس الناس اذواق والاراء تختلف و كلا له شخصيته واللي يحبه
يعني انا مثلا ماحب الاجور رود ولا اتخيل اني ممكن اسكن فيه
بس ماء زمزم مثل مافهمت من خلال اللي قريته انهم يفضلون مكان تواجد العرب
وشوارع السهر .. وبالنسبه للهلتون فهو من الفنادق الممتازه في هالشارع و كثير يفضلونه و يفضلون السكن فيه
وترا الاجور روود شارع حيوي مايموت مثل الاكسفور رود بالليل
الاكسفورد بالليل يصير موحش ماينمشي فيه ..

لا بالعكس الاوكسفورد فيه ربشه بليل
مادري عنه بالصيف بس انا كنت رايحه شهر 12 الي فات كان عجيب !!!