السلام عليكم و رحمة الله و بركاته
اخواني و خواتي بغيت رايكم و مساعدتكم في مخطط رحلتنا لاني ما قد صادف و سافرنا استجمام يعني سفراتنا كلها علاجيه الله يكفيكم شر الامراض
تاريخ الرحلة و المدة :
(من 21/11 الى 10 /12)
يعني 20 يوم باذن الرحمن
الوجهة:
(المانيا و سويسرا و النمسا )
اهم دولتين هي سويسرا و النمسا اما المانيا اخترتها لانه ابا ازور اخوي في ميونخ و بالمرة نتكشت في مدن سياحية مجاورة
عدد الاشخاص:
شخصين انا و ريلي
الفنادق:
ما تهمنا الفخامة بس اهم شي النظافة و التعامل
يعني فنادق ما بين 3 الى 4 نجوم
وسيلة التنقل:
سياره خاصة و بناخذ لنا قارمن
لقيت اسعار السيارات تتراوح ما بين 3200 الى 4500
فحظيت اقصى حد 4500
الميزانية :
0الف من دون المصروف و التسوق
و قابله للزياده يعني هالميزانية تقديريه
========================
هذي اسئلتي و ملاحظاتي
# نبا هالرحلة تكون رحلة استجمامية بمعنى الكلمة عقولتهم ههه يعني اكثر شي تهمنا الطبيعة و القرى اما المدن مش حابينها وايد الا اذا كان فيها شي فعلا يستحق الزيارة مثل معلم تاريخي او طبيعي
# يا ليت فالمخطط سويسرا تكون قبل النمسا و تضيفون حلم الطفولة هايدي لاند
1) الجو في هالفتره بيكون شتا و ثلج و الا بنلحق على الريف و الخضار خصوصا انه هالصيف موجة الحر كانت قوية ؟؟
2) في فندق في زيلامسي بغيت استشيركم فيه اسمه Der Sonnberg وايد يمدحونه قد سمعتو عنه و شو رايكم فيه؟
3)شو المدن اللي نمر عليها في سويسرا؟؟ و كل مدينة تتميز بشو ؟( المدن اللي يتكرر ذكرها : زيورخ ,انترلاكن,لوزان,لوقانو)
4) يا ليت ترشحون لي الفنادق بعد ؟
السموحة منكم اسئلتي كثيره
و لكم جزيل الشكر