- السلام على الجميع.
- اخواني وخواتي محبين تايلند.
السلام على الجميع.
اخواني وخواتي محبين تايلند.
ماتصدقون شكثر فكرت قبل ماقرر امس الحجز. صراحة كنت متردد ان اسافر تايلند من مسألة النظافة بس ماتومكلت على الله امس وحجزت. (لأن الغالبية ينصحون فيها وبشدة على عكس العاصمة بانكوك اللي قالوا لي روحلها بس للتسوق قبل العودة)
سمعت كلام كثير عن الديره انا وصديقي أول مره نروح وروحتنا للوناسة والأستمتاع بالمغامرات والرحلات البحرية.
تفاصيل الرحلة بأختصار كالتالي: تاريخ السفر 21/1/2010 عالقطرية.
كويت بانكوك فوكيت.. على طول والسكن في فندق هوليدي ان شاطيء الباتونق.
مدة 6 ليالي.
- * ارجو ترشيح فندق ثاني لأن انخاف يكون الفندق عليه زحمة ومانلاقي غرفة.
العودة الي بانكوك تاريخ 28/1/2010 والسكن في فندق انتركونتننتال سيام.
- *يفضل ترشيح فندق ثاني لأن انخاف الفندق يكون عليه زحمة ومانلاقي غرفة فاضية.
لتسوق في بانكوك. والعوده يوم السبت 30/1/2010 .
وطبعا اخذنا اغلب الرحلات اللي نب نروحلها في فوكيت:رحلة جزيرة جيمس بوند
وجزيرة في في او بي بي.
ورحلة الغابات
ورحلة قوارب التجذيف
ورحلة الدبابات (صعود الجبل).
ورحلة رتشا.. مادري شنو هذي بس سجلناها..
عرض رافتنج
عروض الفنتازيا وعروض الفيلة..هم ماندري شنو الفنتازيا بس سجلناها.
العاب سوق كارفور .
طبعا نبي نصايحكم ..
وياليت تنصحونا بالمطاعم لأن الأكل النظيف مهم(اهم شي ماكو تسمم).
واللي عنده نصيحة لايخلي.. ينصح حته لو تافه .. بناخذها على محمل الجد.
وكم مصروف الشخص اهناك باليوم شامل الرحلة السياحية؟
وبالنسبة للملابس.. سمعت ان اللي يلبس بنطلون حته بالليل شكله غلط صج؟ يعني لازم شورت على طول؟
شكرا لكم.. وانشالله نستانس في سفرتنا.
