1. ايضا الاماكن السياحيه في ميونخ :

وعليكم السلام ورحمه الله وبركاته
اخوي قطر
هلا ومرحبا بك
انا من رايي تحجزون القطريه
ذهاب : فيينا
عوده : ميونخ
فيينا : اسبوع
ميونخ : ايام
زلامسي
افضل الفنادق في فيينا والله ما اعرف عدل تقدر تسآل اخوااننا في بوابه النمسا
بس اتوقع افضلها هي الخمس نجوم الي في شارع المارتنر (شارع المشاه) ، ، ، في منها الماريوت مثلا ومن ورا حديقه
بالنسبه لميونخ :
اهم المناطق السياحيه مكتوبه بتوقيعي لكن باختصار
اهم شي :

• شارع المشاه ( اسمه بالالماني ،، المارين بلاتز) فيه فنادق هناك حلوه

منها : ميركوري - كمبنسكي - ميريديان - هوليداي ان
الاسعار : اسعار خمس نجوم ،، وانتم شويه ،، يعني تاخذون غرفه وحده اوكي ، ، ،

ايضا الاماكن السياحيه في ميونخ :

• شارع الماركات ، ، ، (اسمه بالالماني الماكسي ميليان ستراشه ) وايد حلو حق المدام وكله ماركات ولا صق في المارين بلاتز
• فيه الالومبيك بارك ،، حديقه كبيره وفيها شركه البي ام دبليو
• فيه حديقه حيوان حلوه

(((((((((الزبده شوف توقيعي )))))))
بالنسبه للمواصلات ايضا توقيعي جدا مفيد ، ، ،
تقدر تآجر سياره وتسوق
وتقدر تاخذ الاندر قراوند
وتقدر تاخذ تكسي بس مكلف شويه
بالنسبه الى زيلامسي ، ، ،
حدها اربع ايام
قريه صغيره، ،
انا ماشوف فيها زود ،،
فيها بحيره و فيها اماكن سياحيه تقدر تاخذ بروشور من مكتب Post
جدام ماكدونالدز بوسط المدينه
هذا موقع حلو ومفيد
https://artravelers.com/p/re/121015
بوابه النمسا ماراح تقصر وياك،،،
انا انصحك تسوق و تاخذ تافيقيشن من اي موقع تآجير سيارات وتقدر ترجع السياره في ميونخ !!!
او تآجر لك سايق عربي
يوديك لزلامسي ، ومده الطريق تقريبا ساعتين ونص ، ، ،
ومب وايد غالي ، ، ،
اما السعر الكامل للرحله والله ماعرف انا ((ابوي الي يدفع ههه )))
شوف اسعار التذاكر بموقع القطريه الحين و كل ماحجزت ابكر كل ما رخص السعر وانصحك من الحين تحجز
واي خدمه حاضرين

ماقصرتي يالغاليه واشكرج على رديج بس بغيت اسألج عن القطارات شلون كم المسافه في مدينه ومدينه وشرايج في القطار احسن ولا السياره احسن
ومشكوره

ساره2007
القطارات ترى سهله خاصه لكم انتم عائله صغيره وراحه
وتقدر تستفسر في الفندق عن القطارات
لو انت في ميونخ ، ،
القطار يقدر يوديك سالزبورغ ومن ثم تبديل قطار و من ثم زيلامسي
مده الرحله ساعتين الى ساعتين ونص
التذاكر لها درجه اولى وثانيه و و الخ
وترى تقدر تقول للي بالفندق يحجزون لك
او
ارخص انت تروح وتحجز هناك من المحطه الي اسمها
(هوف كافهوف) ، ، كل شي سهل وسهالات ، ، باذن الله
تقدر تروح انت بروحك ،، وتشوف الجدول قبل كم يوم و تشوف الي يجوز لك و تختار الوقت
او تشوف الموقع ، ،
بس مشكله القطار ، ، ،
ان لازم

• اول شي تروح بالسياره او الاندر قراند للمحطه ((وحط فبالك كل الاغراض والهفش انت تشيلهم)))
• بعدين تركب القطار لمده ساعه يمكن . . .

يوديك لسالزبورغ ، ، لان زيلامسي مافيها دايركت قطارات !!!
وتبدل القطار الي في سالزبورغ و تروح القطار الي يوديك زلامسي ،،
وعاد حط فبالك كله انتوا شالين الشنط والاغراض ووالخ !!
وبتنزل بالمحطه وبتروح مشي للفندق ،،،
بس انا انصح بسياره ، ، ،
بس انت شوف الي يجوز لك
و التذاكر للقطار
اسعارها هنا
http://www.bahn.de/international/view/en/index.shtml
وانا بيني وبينك ماجربت القطار ،،لان كنا عايله و اجرنا سياره مع سايق،،
احلى واريح لنا
وان بغينا نوقف وقفنا و رحنا البقاله
خاصه خليجين و عندنا شنط شكبرها !!
وكل شي الحمدلله سهالات و وناسه وبراد
والله يوفقك . .

qtr83
اخي العزيز
بالنسبه للفينا انا سبق وسكنت بالماريوت وموقعه جيد
وفينا ممكن تقعد فبها 4ليالي و5ايام
واهم شي تشوف قصر الشنبرون اجمل شي بفينا
اما ميونخ حسيتها مدينه تسوق ولكن مريحه جدا وارشح لك فندق بايرشرهوف
واكيد في فنادق كثيره لكن انا ارشح لك هالفندق لاني سكنته وهو جدا فخم
واخيرا زلامسي هي من اجمل القرى فالعالم
بالنسبه للاماكن السياحيه البحيره وشلالات كريمل وكابرون والزحليقه الصيفيه
والسكن في الغالب الناس يسكنون فالجراند لكن انا اقترح عليك فندق بوليفيو هو فندق من الجهه الاخرى للبحيره والفندق جدا حميم وصاحب الفندق وعائلته هم من يشرفون عليه
بالرغم من انه فندق 3نجوم الا ان موقعه جميل وهادئ جدا وهالهدوء هو الي عجبني فيه كذلك الفيو على البحيره رائع جدا
وعلى فكره مايتجاوز 55يورو
وتمنياتي لك ولعائلتك رحله موفقه