هلا اخوي
احدثك الان من مطار كوالا لمبور تحديدا من برجر كنج (يخزي العين حتى برجر كنج صار عنده نت) وربعك على حالهم
المهم
البلد جدا جدا حر
يعني اذا اخذت لك رحلة 4-6 ساعات تمشية في لنكاوي او بينانج, راح تشرب اقل شي 2 لتر سوائل
من جد تحس بالقرف
طبيعة ماقلنا شي
بس الحر يخليك تقفل
كوالا نص ونص, ولو انها حارة على كل حال
الباردة هي كاميرون, ولو انها مافيها شي تروح له

أخوي أنا عندي أهل بعد متواجدين في أوروبا حاليا
بعضهم في ألمانيا وناس من سويسرا و أيرلندا و لندن
الآن
سمعت نفس المعلومة يقولون ما يقدرون ينامون من الحر تعرف هناك ما في مكيفات
في السكن يعني راحت عليهم
يقولون حتى لما يروحون السوق ما يتأخرون نفس قبل من زود الحر
تعرف هناك ما عندهم مكيفات في كل مكان
وعلى ما أظن أن ما في فرق في درجة الحرارة
بين أوروبا وبين ماليزيا هالسنة
والله أعلم
والله يوفق الجميع يا رب
تحياتي ريانة دهن العود

بسم الله
أنا حاليا في أوربا ،،،، في التشيك بالتحديد من تقريبا أسبوعين ،،،، أمس كنت في ألمانيا .
فعلا ،،،، الحر كان شديد من أسبوع ،،، ووصلت الحرارة عندنا 37
لكن
اليومين الماضيين ،،، رجع الجو للإعتدال ،،، في ميونخ ،،، الجو كان بارد أمس وأول أمس ،،، وأمطار خفيفة ،،،،،
أما هنا في التشيك ( كارلوفي فاري ) فالجو اليوم رائع ،، وبارد ،،،، والغيوم تحيط بالمدينة .
أتمنى أن يعتدل الجو ،،، حتى أسبوعين ،،،، وبعدين مو مشكلة . ( علشان بارجع البلاد )
أنا كنت في ماليزيا نفس الوقت العام الماضي ،،،، صحيح ماليزيا حر
ولكن ( ماليزيا غير ) ،،، كم أحب هذه البلاد .
والله المستعان

اراسلكم من النمسا الجو رائع ولا اروع
اما بالنسبة لماليزيا فهي استوائية ورطوبة عالية صراحة امطار ولا مافي امطار اللهم بالليل شوية طراوة..
بينما اوربا مجرد ما يعيم الجو او تنزل بركات السماء يبرد الجو وتصير فل

الجو بماليزيا حار في جميع المناطق الا الجبليه مثل جنتنق,
وشمسهم حاره..
لكن مع هذا في شي عندهم غير..
حنا شمسنا حاره تصلخ الواحد, تحس انك تحترق منها لو قعدت دقيقه,يعني مستحيل تمشي بمكان مو مكيف,
لكن شمسهم حاره و بس ,يعني تتحمل انك تمشي تحتها بحديقه او اي مكان بدون تكييف.
سبحان الله الجو الاستوائي كذا لانهم مساكين هالشمس والجو ما يفارقهم طول السنه فربي راحمهم ,
بالنسبه للامطار كانوا يقولون ان الامطار عندهم يوميه, لكن تفاجانا ان المطر يعدي 3 ايام ماينزل,
واقوى مطره نزلت علينا بلنكاوي ,لدرجة اني شفت شجره طويله طاحت قدامنا بالشارع تخيلوا
رحمة ربي انقذنتنا والا احنا كنا بالسياره على بعد كم متر منها.
يعني تقدر تقول ان درجات الحراره في ماليزيا بالميكسيموم ما تعدي 38 درجه
الا جنتنق الجو فيها جميل بارد انصحك تاخذ جاكيت .
والله يوفقكم انشالله.