استكنان
29-10-2022 - 07:10 pm
السلام عليكم
ياجماعه انا جاهل في النمسا وجاهل في اوروبا عامةً
حجزت تذاكر وفنادق وموعد سفر 6 اكتوبر الى 20 اكتوبر 14 ليله
3 ايام فينا فندق ماريوت
3 ايام سالزبورغ فندق كراون بلازا
5 ايام زيلامسي فندق سي فلا
3 ميونخ فندق هوليدي ان ستي سنتر
الحين الى هنا حلوين والامور ماشيه
طيب جاء دور ترتيب البرنامج الي محد فهمني
انا ابي احد يقترح علي وين اروح اليوم الاول ثم وين اروح اليوم الثاني واليوم الثالث وهكذا
ما عرفت اوزع الحدول اخاف احد رحلتين في يوم واحد واماكنها بعيده عن بعض
فهمتوا
يااخي العزيز
انت وصلت لمرحله ان شاء الله انها سهله
وهي ترتيب جدولك بنفسك
بس يبغى لها منك شوي وقت
الطريقة كالتالي
ادخل على الاماكن السياحيه في كل مدينة بتروح لها
مثلا
فيينا فيها ساحة ستيفن وملاهي برتر ونهر الدانوب وبرج الدانوب وشارع ماريا هفلر للتسوق
اقرا عن كل مكان
بتشوف كلام مختصر عن كل مكان
تقدر تحدد من هذا الكلام المختصر هل هذا المكان يصلح لك والا لا
انا ممكن اقولك رح ساحة ستيفن
وتروح وتشوف انها مالها داعي
بس انا عاجبتني وانت ماعجبتك (الناس اذواق)
وبعدها اقرا عن المدينة الثانيه
والمدينه الثالثه والرابعه وسو جدولك بنفسك
قل مثلا انا ابغى اروح هذا والمكان وهذا وهذا
ادخل على قوقل وشف اماكنهم في الخريطه
وعلى حسب الخريطه انت رتب جدولك
يعني بختصار
في الاول انت اختار الاماكن (بعد قراءه)
وبعدين رتبهم (بعد مشاهدة الخريطه)
هذا جدول جاهز للطباعه اقرا الموضوع ان شاء الله بيعطيك فكره حلوه عن كيفية ترتيب الجدول
https://artravelers.com/p/re/834101
اتمنى اني افدتك
ممكن انك توقعت مني اكثر
بس انا امشي على المثل اللي يقول
لاتعطيني سمكه بل علمني كيف اصيد
تحياتي لك