بانكوك المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..

نشر في بانكوك

محد غيركم يقدر يجاوبني

الشيخة هلا

04-09-2022 - 05:16 pm

رحلتي بعد 7 ايام
ومحتاجة تخبروني عن موقع غير ايجا رووم يعني ارخص منه ؟ هل في ؟
واحتاج لاقتراحكم لاسم فندق في فوكت وبانكوك ، مثل ما يقولون رخيص وقوي
واهم شيئ فندق لبانكوك لانه اسعارهم السنة مغلينها
وهل صحيح ان حجز الفندق من هناك ارخص من المواقع ؟؟
وسلامتكم

التعليقات (5)

ملاااك

04-09-2022 - 08:43 pm

نعم صحيح الحجز من الفندق ارخص

الشيخة هلا

04-09-2022 - 09:44 pm

تسلمين يا ملوك
بس خايفة اتوهق وانا قاطعة مشوار سفر تهقين احصل؟؟
وتسلمين يالغلا

دولي

04-09-2022 - 10:45 pm

مثل ما يقولون رخيص وقوي هذي يبغالها شرح
من الفندق ارخص غير صحيح ابدا
بالعكس هالسنة هذي بالذات فنادق تايلند صارت ارخص لان هناك ازمة سياحية عالمية
شوفي الان حطو الفيزا مجانا
7 ايام وماحجزتي
تحياتي
دولي

الشيخة هلا

04-09-2022 - 11:46 pm

مراحب اخوي بالعكس الفندق الي سكنت فيه قبل سنة
السنة مغلينه ومثل ما قلت بالضبط ابي شيئ رخيص وقوي يعني الليلة ما تتعدى ال 100 دولار ولو اقل بشوي بعد افضل
والخدمة والغرف والافطار يكونوا عال العال
وتسلم على مرورك

MEMO_BAHRAIN

05-09-2022 - 12:47 am

تاكدي من فندق بوكت PATONG MERLIN انا سكنت فيه حلو ونظيف وسعره زين و4 نجوم وخدمته زينه وسعره للدبل بد 99 دلاور عن طرق اسيا روم في بانكوك انا استفسرت من بعض الشباب قالو لي جراند برزدينت وزنث واذا تبين اتاكدين من المواقع عندج ASIA TRAVEL و AGODA وتقدرين تحجزين من موقع
AIRASIA الي هو تحجزين منه حق التذاكر الداخليه وتقدرين تحجزين منه فنادق بعد
تحياتي
MEMO_BAHRAIN