كل فندق له ميزه اخوي
كترشيح اذا تبي منطقه جيده وفندق جديد يعتبر اجددهم موريسي الافضل رغم بساطه ديكوراته كبناء
موقعه مباشره قدام مقهي ذا كونلسيت ويقع بشارع وحيد هاشم وشارع جاكسا
يعني منطقه شبابيه وكل الخدمات جنبك من صرف عمله او اسواق ان حبيت مو بعيد عنك قراند اندونيسيا او مول ساريناه بطرف الشارع بيتزا مقهي ستار بوكس سينما بنفس مبني بيتزا هوت
مانهاتن مو بطال كسعر بس كئيب شوي كتاثيث ومو بعيد عن امباسادور مول يعني هذه من ميزاته ان فكه الله من زحمه الكباري اللي يقوم بعملها بطريقه لانها تخلي شارعه مزحوم وقت الدخول وخروج الموظفين
مارلين بارك حسب علمي شقق فندقيه عيبها الموقع اعتقد حسب خبرتي من تقارير الاخوان لك عليه شوي
اذا تبي شقق هذا كلام ثاني
شيبترا ايضا مهب شين لكنه مو قريب من وسط العاصمه يعني باطرافها الشماليه اقرب لانشول ومنقا دوا اذا ناوي تزورهم فقط ولا تبي اسواق وسط العاصمه
وجنبه مول شيبترا ملاصق له وايضا مو بعيد عن منقا دوا
بولمان سنترال بارك افضل منه اذا اتخترت شيبترا فارق السعر بسيط مقابل فندق افخم الان

قراند هيل الجبل جيد وجديد لكن كشباب افضل ان تسكنوا فيلا مناسبه المناظر في الفلل افضل في الارياف ان وجدتم ما يناسبكم
اذا منت راعي اسواق وتكره زحام جاكرتا وصجتها فالخيارات واجد
يا تزود كم يوم وتطلع بالي
او تبقي علي نفس الرحله وتزور باندونق مره اخري مثلا مناطق مازرتها من قبل وهي كثيره شلال ماربيا البركان والخ بضواحي لمبانق او اسواق وملات ومرافق باندونق
اذا تبي ترتاح وماتبي مشوار بعيد خل ايامك ببونشاك تتخللها زياره بوقور مثلا يوم
ويوم تزور جبل سالاك بعد بوقور او بيوم واحد تزورهم كلهم
او تتجه جنوبا لسيكابومي او شي انجور ان مليت المنطقه يعني كل منطقه فيها شي ممكن يناسب شخص ولا يناسب اخر

الغالي جاكا
تعجز الكلمات عن شكرك
سأختار موريسي في أول يومين وبولمان سنترال اخر يومين
وبالنسبة للجبل والله ياغالي انا ودي بفلة ولكن عددنا اثنين وفلة كبيرة علينا وكمان اغلب الفلل ليست بالنظافة اللتي أرتاح فيها فمضطر لفندق لعدم وجود فلة تناسبني
وبالنسبة للجدول ما أدري كيف سيكابومي هل تستاهل الزيارة أو أكرر زيارتي لباندونق مع اني رحت شلالات ماربيا والبركان في سفرتي الماضية
وشكرا لك من القلب لسرعة تجاوبك
لاعدمناك

كمقارنه لاسيكبومي ما تستاهل ان قارنتها بباندونق
تنفع للي طفش من الجبل وسفرته طويله يقمز لها يوم يعتبره تمشيه مثلا بالطريق من مول الي اخر او ضاحيه لاخري او يزور بحيره او جنوبها لشاطيء بلابون راتوا
دام الفلل في الجبل ما تنابك للنظافه اعتقد ايضا سيكابومي كسكن ماراح تناسبك لان فللها مو كثير والنظيف من منتجعاتها مو رخيص
كرر زياره باندونق اتجه جنوبا لو حبيت ماتزور لمبانق شمالا وودك تشوف شي جديد اتجه لبركان كاواه بوتيه وبحيره باتينقان
ان مازرت مولاتها مثلا سوبر مول او ترانس يتوديوم او مول باريس فان جافا اعشق هذا المول واحس فيه بالراحه لاقصي درجاتها
داقو كلها كافيهات ومطاعم ان حبيت الخيارات واجد كتفضيل ومقارنه اخوي باندونق افضل لو تكررت الزياره للي يبي عده امور بمنطقه وحده
هناك من يحب الاستكشاف يبي شي جديد لو هو بعيد مثلا واقل تميزا بس اسمه زاره وشافه كبلابون راتوا جنوب سيكابومي او زياره بيوم لجزر الالف جزيره في شمال جاكرتا من انشول مثلا جزيره اير او جزيره النمر
او زياره قاروت او بحيره ليدو او جبل سالاك ببوقور او بحيره سي انجور والخ
انت من يقرر ياغالي
انصحك ان لاتقرر الان
خل قرارك ياتي هناك حسب مزاجك وراحتك افضل وفتش في التقارير ان شفت شي ناسبك خذ معلوماته وطرق الوصول اليه وهناك تقرر تزوره ام لا

أكرر شكري لك
يعطيك ألف عافية ولاعدمناك ياغالي

العفو ياغالي ورحله موفقه باذن الله تعالي